السلام عليكم انا بنت عندي ١٩ سنه من ما اتولدت واهلي بيتخانقوا مع بعض خناق يوصل للضرب والالفاظ المسيئة واطلقوا وبعدها رجعوا تاني عندي اخت اكبر مني بتلت سنين لما كان بابا وماما بيتخانقوا كنا بنحبس نفسنا في اوضتنا ونتكلم سوى نتخيل حياه غير حياتنا واتعلقنا جدا ببعض واكتفينا عن الناس وتعلقي بيها ازيد بكتير لكن لما بنتخانق بتقولي كلام قاسي جدا احيانا من زمان وانا مش بقدر ابعد لذلك بعمل ردود افعال انفعاليه وبنهار وفعلا بيبقا من داخلي وبيكون اصعب وقت في حياتي وبيتكرر الامر ده مرتين كل شهر مثلا وبرجع لاني مش بقدر اقعد لوحدي بنهار
اخدتلي فترة اعتقدت ان ده اكتئاب لاني كنت بحس بفقدات شفق تجاه اي حاجه كمان احلام اليقظه اللي كنت بمارسها كانت بتعزلني عن البشر لحد ما بقيت مش بتعامل معاهم انا ذكيه جدا بشهادة اللي حواليا وبكتب روايات من زمان وعندي ثقافه في غالبية الامور ولذلك بتخيل شخصيات قدامي من وانا طفلة وبمثلهم احيانا لما اكون لوحدي وبعمل الفعل ده كتير لحد ما بقيت شبه منفصله عن الواقع كمان دراستي وصحتي كلهم اتدهوروا انا اختي بعاد عن اهلي وهما سابونا نقعد في اوضه ونحبس نفسنا كانوا بيكلمونا احيانا لكن كان غالبية وقتهم خناق ونسيونا لحد ما شبه اطلقوا وابويا بعد واتجوز واحده تانيه... انا جاني لحظه ادراك من سنتين وبدأت اعدل في حياتي والاحظ قد ايه حياتي شاذة عن الناس وفعلا الحاجات البسيطه اللي بيعملها اي حد بتتعبني لاني مش متعوده بدأت بالصلاة وترتيب البيت واني اطلع شويه وكل ده مع اختي،، انا بجلد ذاتي كتير جدا ومش عاجبني الوضع ولكن مش قادرة اغيره وخاصه اني ابعد عن اختي واني ابطل اتخيل الشخصيات دي بقيت بفكر في الانتحار كتير وبالفعل حاولت ولو خوفي من الله اللي بيوقفني.. علاقة ابويا وامي مدمراني برضو ومش قادره اتخطى انا معنديش اي اصحاب غير اختي ومش قادرة ابعد عنها قاريت عن الشخصيه الحدية ولقيتها بتطابقني ولكن اتمنيت اني حد يقولي لا انتي طبيعيه اني بس اتعودتي علي الوضع ده لذلك بقي صعب تغيريه،، قلت لاختي انا شاكه اني عندي وهي من وقتها اي حاجه في النقاش بعملها بعد ما بتقولي كلام قاسي دايما ترمي كلام اني مريضه ارجوكم مساعده لاني على وشك الانتحار
عزيزتي، أولاً أنا هنا لساعدك وأنا معاك في هذه المرحلة الصعبة. أنا فهمت من كلامك إن واقعك مليء بالتحديات والألم، وأن وضعك النفسي صعب جدًا. أنا فخورة بك لأنك قدمت خطوة نحو التحسن بالتوجه إلى الصلاة وترتيب البيت والخروج برفقة اختك، هذه خطوات إيجابية جدًا تدل على قوتك وإصرارك على التحسن. أول خطوة هامة هي أنك تبحثي عن مساعدة متخصصة، مثل معالج نفسي أو مرشد نفسي، ستساعدك على التعامل مع مشاعرك بشكل أفضل وتقدم لك الدعم الذي تحتاجينه. لا تخلي كبريائك يمنعك من طلب المساعدة، هذا أمر طبيعي وهام لتحسين وضعك النفسي. ثانيًا، حاولي تحديد العوامل التي تؤثر سلبًا على صحتك النفسية مثل البقاء على اتصال مستمر مع أسرتك المضطربة وتأثيرها عليك، هل يمكنك الابتعاد عن هذا الجو لفترة وإعطاء نفسك الفرصة للتعافي والتقويم؟ أنتِ لستِ وحدك في هذه المعركة، هناك دائمًا طريقة لتحسين الوضع والشعور بالأمان والراحة. ابقي متواصلة هنا معي ولا تترددي في البحث عن المساعدة المهنية والدعم اللازم. استمعي لنفسك واعتني بنفسك بحب ورعاية، أنا هنا من أجلك، ذكية.
تم النشر السبت، ٢٥ مايو ٢٠٢٤
وعليكم السلام ورحمة الله وبركاته ياجميلة 🌹 ال عندك ده اضطراب نفسي وليس تقلبات مزاجية أو مشاعر مؤلمة أدت لافكار سوداوية ، والاضطرابات النفسية تحتاج لتشخيص دقيق من قبل متخصص(طبيب نفسي أو معالج نفسي إكلينيكى ) بيحدد نوعية الاضطراب وهل يحتاج تدخل دوائى(نتيجة لتضرر وظائف الإدراك العقلية واختلال كيمياءالمخ ) أو هنكتفى بالعلاجات السلوكية زى العلاج الجدلي السلوكي أو العلاج المعرفي السلوكي وغيرها من العلاجات السلوكية حسب نوع الاضطراب . بناء على ماسبق هتكوني محتاجة يتم فحصك وتشخيصك بدقة للوصول للعلاج المناسب. اضطراب الشخصية الحدية حقيقي منتشر جدا بين جيلكم وسنكم ده ومن أشهر علاماته (زى مانتى شوفتي فالبحث) عمل cutting ومحاولات الانتحار بس ده عرض موجود فاضطرابات أخرى و لذا البحث عن الأعراض النفسية على الإنترنت مؤذى أكثر من كونه نافع . حقيقي حابة أحييكى إنك وسط كل الوجع ده بتدوري إزاى تطلعي من الضلمة ومش عاوزة تسيبى نفسك ضحية وتبقى نهايتك الانتحار ... عشان كده كونى على يقين طالما ربنا هداكى للبحث عن النور هييسرلك الوصول ليه بأسرع مماتتخيلى إن شاءالله ❤️
تم النشر الأحد، ٢٦ مايو ٢٠٢٤
وعليكم السلام ورحمه الله وبركاته البنوته الجميله اللي عندها 19 سنه اللي انت مريتي به في وقت. من وانت صغيره ولحد ما بقيتي عندك 19 سنه وباللي انت وصلتي له فخلينا نقول ان انت وصلتي له حاليا اللي هو اخر ابديت كده انت اتكلمت عنه انك وعيتي للي بيحصل من سنتين يعني وانت عندك 17 سنه فده لوحده يقول ان انت الظروف اللي عندك الحمد لله انت قدرت ان انت تخليها تؤثر عليك في النهايه تاثير ايجابي لانها خلتك واعيه في ناس اكبر منك مش واعيين من شويه الحاجات اللي انت قلتيها دي في انه ايه الطبيعي وايه اللي مش طبيعي نبدا بايه ولازم نحافظ على الصلاه عشان هي اللي هتخلينا نقف قصاد الافكار السيئه زي فكره التخلص من الحياه كده فيعني انا بحييكي اولا وبدعوك انك تشكري ربنا كثير جدا انك الازمه او المحنه والابتلاء اللي حصل لك بسبب الحمد لله راح في الاتجاه ان النتيجه بتاعته تبقى في صالحك لانك دلوقتي واعيه. طب المساله اللي عندك بقى دي هل هي فعلا داخله في مرحله الخلل النفسي لو كنت انت لسه في مرحله انك فعلا ما بتعرفش تقضي خطوات وتتخلصي من شكل من اشكال الخلل اللي عندك كنت هقول لك انت محتاجه علاج لنفسي وفعلا عندك حاجه مزمنه لكن الحمد لله ان انت وصفتيه انت في حاجات قدرتي تتخلصي منها وقدرتي تحسني منها فانت في وضع نفسي يبعدك عن فكره الامراض النفسيه المزمنه تمام فالحمد لله على كده طب ايه المشكله اللي عندنا المشكله اللي عندنا من اكبر الحلول ليها هي ترتيب الافكار ترتيب المشاعر والتعبير عنها والتخلص منها انت عندك مشاعر كثير جدا بسبب الحاجات اللي انت تعرضت لها وما تكلمتيش عنها وما عبرتش عنها لبره ولكن حطيها واخذتي المشاعر دي ورحتي خبيتيها بقى وسط التخيلات وسط علاقه باختك زي ما احنا كده ايه بنكنس الارض ونقوم مخبيين التراب تحت السجاده دي مش نظافه حقيقيه فبرده ده مش تعبير حقيقي ولا تعامل صح مع المشاعر بس طبعا ده لانك كنت صغير دلوقتي نقدر نعمل ده بشكل صح عشان الوضع يكون احسن ايوه فانت محتاجه. تجيبي حياتك تجيبي شريط حياتك من اوله وتشوفي كل موقف تعرضتي له سواء موقف حلو هو موقف وحش وتبصي عليه كويس وتشوفي انت حسيتي بايه وهل وقت حدوث الموقف ده عبرتي فعلا عن اللي انت حساه ولا لا وتبداي تعبري من جديد عن المشاعر اللي انت حسيتيها من زمان اه دي حاجه هتاخد منك وقت شويه اه في مواقف كتير هتبقى تقيله لان مثلا موقف ان انا سمعت خناقه ما بين ماما وبابا وصلت الى التعدي العنف الجسدي حد فيهم ضرب التاني انا حسيت في وقت الموقف ده بايه انا حسيت بغضب ولا حسيت بشمئزاز ولا حسيت بالرعب ولا حسيت بالخوف ايا كان الشعور اللي حسيتي بيه لازم تبقي مميزات كويس قوي تقولي لنفسك كده انا حسيت بكذا وبعدين تعبري عنه بشكل ما يا اما تعبري عنه للاشخاص للاب والام ماشي او تعبري عنه بصوت عالي لنفسك او تعبري عنه لاختك او تعبري عنه بس كتابه خذي وامسكي بيه قصه او حطي لها نهايه انه صاحبه الموقف ده او اللي شافت الموقف ده في الاخر اتعاملت مع اولادها بطريقه احسن او عملت شريكها المستقبلي بشكل احسن المهم حطيله هي جوا. هتحتاجي تعملي ده مع كل المشاعر اللي عندك اللي اتعاملتي معها بشكل غلط ان شاء الله بالتدريج هتلاقي نفسك احسن بكتير اتمنى لك يا رب حياه اهدى وافضل وانت هتقدري اللي قدرتي عليه من الحاجات اللي حكتيها تقدري على اللي اكتر منها.
تم النشر الأحد، ٢٦ مايو ٢٠٢٤
طيب اولا السلام عليكم ثانيا هو الموضوع هيتجسم لعده اجزاء لان صعب بنتكلم في جزئيه واحده. اول جزئيه تمام فكره انك انت تعرضت للعنف الاسري غير مباشر انت شفت العنف بتطبق واسريتك بشكل غير مباشر فده اسهل على نفسيته. تمام والنقطه التانيه تكون انك انت اتخذت اختك صاحبتك صاحبه وحيده فبالتالي بيجي من اختك فانت بتضطر تستحملي حتى لو بتنهاري علشان تكملي عشان هي الوحيده اللي في حياتك وانعزال اهلك عنكم اصلا ومكملوا في حياتهم داخليه مع بعضهم وسابوك انت واختك لوحدك فانت هربت من كل ده بالكتابه جميل بس مشكلتك انك مع اهربك بالكتابه للكتابه ومع اقتربك من اختك ودخولكم في عالم الخيال المشترك وبعد كده انت عملت علامه الخيال المنعزل فبالتالي بداتي تعيشي حاله من التوحد. فبالتالي لما جيت حبيتي ترجعي لحياه الناس الطبيعيه يعني قابلت رفض جديد داخلي من جواكي وعدم رغبه وعدم رضا عن الحاله اللي انت عايشه فيها اصلا وسط اهلك وناسك ومحاولتك للرجوع بالاضافه الموجود شخصيه زي اختك احيانا بتاذيكي بالكلام وبتلقى عليك لوم او شتايم او كذا ده انضمرت نفسيه. جميل كل ده ابعاد حلوه يعني كل دي ابعاد كفيله ان احنا نقول ان اه هنا في مشكله ملموسه لازم نشتغل عليها الموضوع مش هياخد يوم ولا اتنين ولا نصيحه واحده تشتغل بها الموضوع فعليا هنا في حطام شخص محطم داخليا احنا لازم نبنيه طيب الشخص ده هنبنيه ازاي الشخص ده لازم يبني نفسه اولا باقترب من ربنا ودي حاجه جميله جدا انت عملتيها الحاجه التانيه انك لازم تطلعي تعيشي مع المجتمع بره مش لازم تبقى وصلتك للمجتمع والبيع الوحيده اللي انت عايشه فيها فبالتالي لازم تتعرفي على اصدقاء واصحاب كتير. يمكنك انت بتكتبي رؤيات فده معناه انك انت في وسط ادبي يقدرك تتعرفي منه على كتاب وتروحي حفلات ولا ادوات وتروح الثقافه تحضري الحاجات دي جدا جدا جدا وبما انك انت شخصيه مثقفه وبتكتبي فانت لازم تجري كتب علمي نفسها تساعدك لانك انت يعني ما اظنش انك تحبي انك يبقى في تواصل مع شخص باستمرار انت دكتور نفسي او لايف كوتش عشان يساعدك في صلاح من نفسك فبالتالي يجري انت بنفسك كتب علم الناس عشان تطوري من نفسك طيب بالاضافه كمان ادعي لان وجود بدايل في حياتك ده هيساعدك على الاستمراريه بتسحب تانينا ويروح حد تاني تشكيله او حد بيساعدك في حاجات كتير في حياتك. الناس دي هتساعدك انك انت تغيري من من مودك ومن حياتك انك بتفكري في الانتحار ده طبيعي لان حياتك واخده مجرى واحد بس طريق واحد بس فاحنا لازم نفتح اكتر من طريق عشان الطريق اللي تلاقيه مسدود في وشك ما توقفيش لحد ما يفتح او لحد ما تنهاري هيفتحوا لك الباب لا الطريق اللي ما يتلاقوش مفتوح بمزاجك خشي في طريق تاني غيره فبالتالي لازم حياتك تبقى واسعه اكتر من كده ولازم حاولي تعملي علاقات مع ناس اكتر من كده وتتعرفي على ناس وتخرجي اكتر من كده وتعيشي حياتك الطبيعيه. انك تعيشي حياه طبيعيه زي معناه انك انت طبيعيه ما انت ما عندكيش حاجه معينه نقدر نقول خدي علاج لتازه لا لو كل اللي عندك عندك حياه وبيئه صعبه فانت لازم تغيري الحياه والبيئه الصعبه دي من جواك الاول بانك تتعرفي تانيه ودي تنتقل لحياه اخرى مع اصدقاء اخرين بقول لك سيبي بيتكم وامشي انا قصدي انت لازم تتعرفي على ناس وتطلعي معاهم وتتفسحي وتروحي خروجات ورحيات وحفلات وندوات عشان تبدا تستعيدي ثقات في نفسك ولو تعرفي تدخلي فريق مصر كمان يا سلام حاجه هتفيدك جدا جدا جدا. وحاولوا تعلموا انشطه جديده في حياتك وحاولي ما تصدقش اي كلام بيتقال حواليك وربنا يا رب يوفقك ويصلح الحال يا رب.
تم النشر الأحد، ٢٦ مايو ٢٠٢٤
لعرض السؤال في فدني اضغط هنا