انا من زمان كان نفسي ابقي رائده فضاء وكان كل اللي يعرف يقولي اولا مافيش بنات تبقي رواد فضاء شوفي حاجه غيرها وبثبتلهم ان فيه قالولي بردو مينفعش وفي الاخر اقنعوني بكلامهم قولت خلاص ممكن اكون محاميه قالولي شوفي حاجه ليها مستقبل وحاجه توظفك برضو اقنعوني قولت خلاص اكون معلمه قالولي التعيين بقي بمرتب قليل مش هينفع وكالعاده اقنعوني وبعد كده اقعد مع نفسي وقولت انا حدد اللي انا عايزاه ومليش دعوه بحد وتوصلت اللي اني عايزه اكون محققه جنائية وجيت قولتلهم قالولي اول مره نسمع بيها ولما عرفوها وافقوا عليها المشكله بقي في مجتمعي مش متقبلين الفكره قولت انا مصراه ومليش دعوه بحد وخلصت من المشكله دي واجهتني مشكله جديده ان الجامعه مش موجوده جوه بلدي وهطر اني اسافر ونرجع تاني للمجتمع ازاي البنت تسافر لوحديها هتقعد ازاي وتعيش ازاي فى بلد غريبه من غير حد وراحوا كمان دخلوا الدين في الموضوع وقالو حرام البنت تسافر من غير محرم وانا دلوقتي محتاره بين أحلامي وطمحاتي ومجتمع وديني بس انا احساسي بيقولي ان اختار ديني وأرضاه باللي كتبهولي ربي
بصي سيبك منهم دلوقتي في حته راضيين ومش راضيين واقتنعوا ومقتنعوش وانتي كمان شايفاكي انك محتاره ومش محدده هدف واستقريتي على حاجه دلوقتي ويمكن قدام تغيري رأيك الكويس هنا انك مش متعلقه بحاجه لدرجه لو مجتش تزعلي جامد عليها فدي بالنسبالي حاجه كويسه وهقولك ليه المهم دلوقتي تشغلي وقتك وبالك وجهدك كله على المذاكره مش ف هدخل اي وكوني على يقين إن انتي مسؤوله على مذاكرتك والسعي مش النتيجه ليه بقي انا تانيه كليه دلوقتي كنت حاطه املي كله على كليه معينه وربنا مأردش زعلت اوي ولليوم مش عارفه اتأقلم آخر حاجه ممكن اقولها لك سبيها على ربنا يعني موضوع التنسيق والنتيجة ومجموعك كله نصيب وربنا يختار لك الصالح
تم النشر الاثنين، ٤ مارس ٢٠٢٤
تم النشر الأربعاء، ٦ مارس ٢٠٢٤
طالما الشيء ده بيتعارض مع الدين فاهم حاجه الدين وخليه قدامك دايما وخليه مركز اول انا كنت هقول لك لا طالما كنت عايزه تشتغلي رائده فضاء عايزه تشتغلي محاميه ايا يكن الشغلانه اللي انت عايزه تشتغليها طالما بتحبيها هتنجحي فيها وهتكوني شاطره فيها وحتى لو عايزه تشتغلي معلمه واحب اقول لك ان انا برده عايزه اشتغل معلمه بس كان حلمي كليه السن كنت عايزه ادخل كليه السن واطلع مترجمه وفي نفس الوقت مدرسه لكذا لغه وما فيش حاجه ممكن تعيق الموضوع ده طالما هو ما فيهوش اي حاجه حرام انا عارفه ان كليه السن في القاهره بتاخذ ثلاث لغات بس بس مش عارفه كليه السن اللي في كفر الشيخ بتاخد اربع لغات بدل ثلاثه وانا بحب اللغات ونفسي اخذ اربعه بدل 3 بس ما ينفعش ان انا اروح فعلا ابات بره بيتي ده لا يجوز وحرام لازم يكون معايا محرم فانا مش ممكن اختار الموضوع ده في المستقبل فصدقيني طول ما المركز الاول قدامك هو الدين انت كده في التمام فيما بعد كده دوري على الحاجات اللي فيهما بعد كده تحبي تعمليها لكن ما تتعارضش مع الحاجات اللي ربنا امرنا بها يعني لو ازاي بتاع رواد الفضاء او المحاميين هيتعارض مع ازاي الشرعي في الاسلام بلاش منه لكن ما اقدرش اقول لك ما تختاريش حلمك ده علشان بس كلام الناس لا كلام الناس ارميه في الزباله اول حاجه فيما بعد كده ابدئي اعملي مقارنات ودايما رجحي اللي انت بتحبيه اكثر اللي انت هتكوني قاعده مستمتعه ومبسوطه طول ما انت بتعمليه مش اللي هيكون ليه مستقبل ومفيد ليه بقى اولا هتزهقي منه ثانيا لو فضلتي عايشه طول حياتك بتجري ورا الفلوس صدقيني مش هتوصل لها خليك انت بس مع الصح واللي بتحبيه وابذلي كساره جهدك والفلوس هتكون تحت رجلك لكن لا تهتمي بكلام الناس طالما هو ما لهوش علاقه بالدين انا عارفه ان الناس هتاخذ شويه من الدين وتتكلم بيه انما في بقيه كلامهم كله مش هيكون ليه علاقه بالدين فنصيحه مني الدين هو المركز الاول وكلام الناس يترمي في الزباله وبتختاري على حسب اللي بتحبيه اكثر واللي هتقدري تتميزي فيه عن الباقي وتتحدي كل اللي حواليك فيه ايا يكن المجال ده هيكون ايه ادخليه وموضوع محاميه دي هتاكد اذا كانت حلال ولا حرام للمراه
تم النشر الأربعاء، ٦ مارس ٢٠٢٤
اجمعي بين الاتنين ومتخليش حد يحبطك استعيني بالله دايما واتقيه في كل العالك وتوكلي عليه وحددي اهدافك وحياتك وشغفك متخليش حد يحبطك ابدا وانتي تقدري تعملي كل اللي نفسه فيه وزيادة بإذن الله وحويس انك بترجعي تختاري دينك لانه الدين اهم من اي حاجة تانية بس في نفس الوقت الدين مش بيمنعك انك تحري ورا احلامك وكموحاتك وانك نفسك يبقى ليكي تأثير
تم النشر الثلاثاء، ٥ مارس ٢٠٢٤
لعرض السؤال في فدني اضغط هنا