انا اتعرضت لحملة تشويه واساءة سمعه كبيره بدون وجه حق من منافسين ليا علي مدار سنتين تقريبا امام عشرات او مئات الالاف علي السوشيال ميديا وخدوا افكار خاصه بيا وطلعوا بيها قابلي ومش بس كده بداو يتهموني بسرقتها مع انه العكس والله.
قدمت محاضر لمباحث الانترنت ودايما محاضر دي بتتحفظ مع ان كل الجهات القانونيه مقتنعه اني ليا حق وفيه دليل علي الجريمه دي بس هما مش عارفين يحددوا مرتكبي الجريمه دي وبتتقيد ضد مجهول لان مباحث الانترنت مش قادره تحدد مستخدمي الحسابات اللي قامن بالتشهير وجربت محامين ومشيت فيه كتير ومتحلش الموضوع والموضوع بنسبه كبيره قانونيا مش عارف اجيب حقي فيه خالص او فرصته يعني ضئيله جدا بس موجوده لسه.
المشكله ان الاشخاص دول مستمرين وبيزودوا اكتر واكتر خصوصا انهم متعاقبوش لسه فلقوا الموضوع فرصه وتمادوا جدا في ده وناس كتير بدات تصدقهم خصوصا انهم مفيش اجراءات قانونيه ضدهم
انا تقرييا بدات ايأس من الحق القانوني
فايه اللي اقدر اعمله دلوقتي بحيث علي الاقل لو مش هيتسجنوا او هاخد تعويضات عن كل ده
علي الاقل اني اكمل في شغلي حتي لو هبدا من جديد بس محدش يتعرضلي والناس تعرف الحقيقه وتعرف اني انا المظلوم وصاحب الحق وتعرف انهم علي باطل .
كمان ازاي اتجنب دول من خلال انهم يشيلوني من دماغهم اكني مش موجود لاني انا عايز اشيلهم من دماغي برضو. واكمل وربنا يعوض عن الوقت اللي ضاع ده.
فانا محتار اسيب شعل ده وابداء شغل اخر بره البلد مع اني تعتب جامد فيه وعملت افكار كويسه هما خدوها وهاجموني وبيحاربوني باسوء الطرق .
وشكرا للمساعده مقدما .
ركز على عملك وأنشطتك الإيجابية. لا تعطهم فرصة للتأثير عليك. كلما نجحت في تجاهلهم والتركيز على نفسك، زادت فرص تقليل أثرهم. قم بحملة إعلامية لتوضيح الحقيقة وإظهار ما تتعرض له من استهداف غير عادل. ربما تجد من يساندك ويدعم حقك في الدفاع عن نفسك.
تم النشر الجمعة، ٢٣ يونيو ٢٠٢٣
لازم كنت تكمل في المحاضر اللي بتتحفظ انك تعمل تظلم لمكتب المحامي العام والمحضر بيرجع استيفاء وتتهم الناس اللي شاكك فيها والنيابة بتطلب تحريات المباحث وساعتها تقدر تثبت حقك وتاخده
تم النشر الاثنين، ٢٩ أبريل ٢٠٢٤
طالما الجهات القانونية لم ترد لك اعتبارك فعليك أن ترده بنفسك على الملأ إذا لم يكن هناك أي مخالفة قانونية عليك في هذا الفعل بعد استشارة محامي قال تعالى: (لا يُحِبُّ اللَّهُ الجَهْرَ بِالسُّوءِ مِنَ القَوْلِ إلا مَن ظُلِمَ وكانَ اللَّهُ سَمِيعًا عَلِيمًا)
تم النشر الجمعة، ٢٣ يونيو ٢٠٢٣
لازم كنت تكمل في المحاضر اللي بتتحفظ انك تعمل تظلم لمكتب المحامي العام والمحضر بيرجع استيفاء وتتهم الناس اللي شاكك فيها والنيابة بتطلب تحريات المباحث وساعتها تقدر تثبت حقك
تم النشر الاثنين، ٢٩ أبريل ٢٠٢٤
انا اتخذت الاجراء القانوني لانه كان افضل وسيله اني اجيب بيها حقي وباسلوب محترم وكمان التعويضات فيه الماديه والمعنويه افضل بكثير واعلنت فقط اني قدمت شكوي للجهات القانونيه ضد اللي بيحاربوني وبس واحترمت ان الموضوع عند الجهات القانونيه وهم افضل جهه تجيبلي حقي وكمان المحامين نصحوني اني ما اتكلمش او اقول حاجه الا بعد ما ينتهي قانونا وده هيكون افضل رد اعتبار وبشكل رسمي وكنت واثق ان الموضوع نتيجيته مضمونه وقتها وكان بسيط والادله كتير وسهل جدا وقلت بعد ما اخد حقي قانوني هعرف الناس كلها والموضوع ومش هيكون بعده قيل او قال لانه هيكون رسمي من جهه رسميه. ولكن للاسف الموضوع طول وده بدا يشكلك الناس وبداوا يصدقوا الطرف الاخر خصوصا انه بينزل باستمرار وبدا الاغلب يقتنع انه الصح لاني مش برد وكمان مفيش رد قانوني
تم النشر الجمعة، ٢٣ يونيو ٢٠٢٣
لو عندك أدلة براءتك ليه ماتعلنهاش على الملأ أمام الناس ليعرف الجميع الحقيقة وتستعمل نفس السلاح الذي يستعملونه ضدك؟
تم النشر الجمعة، ٢٣ يونيو ٢٠٢٣
إحرص دائما على تسجيل أفكارك ، وللعلم تكلفتها مش عالية جدا
تم النشر الخميس، ٢١ مارس ٢٠٢٤
لو عاوز كلمه حق ارمي الي حصل ده ورا ضهرك وفكر برا الصندوق وحاول تستفاد باكبر طريقه ممكنه من البروباحندا الي حصلت دي وانك اسمك ممكن يكون اتعرف اكتر اطلع بفكره تقلب الكربيزه وزيد ارباحك سواء ماديا معنويا وكمان اجتماعيع وزود شهرتك وافتكر ديما ان الي بينجح في الاخر هو الي بيوؤش العبه لحسابه 👍
تم النشر السبت، ٢٤ يونيو ٢٠٢٣
اعتقد انك الاميز! لانك انت الي عندك الافكار وهما فقط مقلدين وبالتالي اخرهم معروف. انت الي عندك الدماغ الي بتبتكر وهما بس مقلدين . اعتقد والله اعلم ان تركز في شغلك وتبدا من جديد بس بعيد عنهم مثلا في محافظة تانية او باسم تاني مختلف والله اعلم برده لحد ما تكبر ووقتها تقدر تزود نشاطك وتكون قادر على المنافسة
تم النشر الجمعة، ٢٣ يونيو ٢٠٢٣
لعرض السؤال في فدني اضغط هنا