لا يسيدى ولا لعب عيال ولا حاجه المشاعر مشاعر ف كل الأعمار تخيل ممكن طفل ف إعدادى يحب واحده حب اكتر من ناس كبيره ف متقلقش من حوار تقليل المشاعر ده . اول حاجه ربنا يريح بالك ويصبرك الفراق صعب انا عارفه اول حاجه يمكن البنت دى عانت زمان من مشاكل خلتها معندهاش اى ثقه فى الي حواليها وشايفه أن كل الناس بتخونها ممكن انت تكون عملت موقف غظب عنك خلاها تشك فيك أو يمكن هى الي بتتلكك عشان البعد بص الله اعلم عشان مظلمهاش بس انت بتقول انها بعدت عشان شكت طب هل ده سبب ؟ يعنى انت مش شايف انها ما صدقت تبعد عنك ؟ بصراحه ممكن تحاول تدخلها تانى وتحاول تقنع ولو مقتنعتش يبقا مش بتحبك علفكرا ممكن كلامى يدايقك بس فعلا مفيش حد ممكن يسيب حد لمجرد انو شك الا وإذا كان اتحمل منو كتير لازم تكون عارف ان مش كلنا بنحب زى بعض هى واخده يومك كلو هل انت واخد يومها كلو من نحية التفكير ؟ شوف كده من بعيد هل هى ف نفس مرحله الحزن دى ؟ لو هى فعلا زعلانه جدا زيك يبقا ساعتها تعرف انها بتحبك أما لو هى كملت حياتها من غير ما تسال نفسها هى بعدت ليه يبقا متفكرش بيها وبصراحه الموضوع ده كأنو متاها منغير اول ولا اخر بس انت علقت نفسك بحد منغير ما ربنا يرضا عن الحوار ده ، طب تعمل ايه ؟ تحاول تحط حبك ف اى حاجه انت بتحبها أو تستلم وترجعلها بجد انا حاسه بيك الموضوع صعب فعلا فى حلول كتير بس انتى اكتر واحد عارف البنت دى كويسه ولا لا لو حاسس ان زعلك ده هيفرق معاها ادخل كلمها ومتوقفش حياتك عشان حد
تم النشر الخميس، ٢ نوفمبر ٢٠٢٣
2 تعليق
الحمدلله أن كلامى فرق معاك مبسوطه والله ❤️ بالنسبه انك بتحاول تنسي وسعات غظب عنك ترجع ده طبيعي لان الحياه مش خط مستقيم سعات كتير بنرجع الف خطوه ورا وادينا بنتعلم بس الي انت فيه ده مش حب قد ما هو تعلق انت صعبان عليك كل المجهود الي عملتو ف العلاقه دى وصعبان عليك أن بعد كل ده تروح لحد تانى أو يومك يمشي منغيرها ف انت كل الحوار هو تعلق اكتر من انو يكون حب حاول تنقل من الدروس الي هيا فيها بجد لازم تحاول تنساها لو مشيت من مكان لف من الشارع التانى وربنا يسعدك وتنسلها🥰
تم النشر الجمعة، ٣ نوفمبر ٢٠٢٣
ربنا يكرمك والله كلامك بجد فرق معايا ويمكن من اكتر التعليقات الي فادتني انا الحمدلله بقيت بحاول اتخطي وابتدي حياة جديده لسه برضو بيرجع التفكير بس اديني بحاول سعات برجع لنقطه الصفر بس بتبقا مساله وقت وارجع زي الأول بس والله شكرا لكلامك الي مش هعرف اقولك فادني قد اي
تم النشر الجمعة، ٣ نوفمبر ٢٠٢٣
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك