بنت كانت كل حياتي، ولكن اختفت من حياتي فجأة، اتمنى ان انساها ولكن لا أعرف!

انا 17 سنه انا حبيت بنت والحب ده كان متبادل فجاءه سابنتي بحجه انها حست اني بعرف غيرها والله ما عارف اكمل حياتي من غيرها يومي كان بيكمل بيها ومش عارف اعمل ايه الموضوع بقا واخد وقتي وتفكيري وكل حاجه انا مش عارف اعمل ايه كل حاجه فقدت معناها معايا كل حاجه كنت بحب اعملها مبقاش ليها معني اتمني اي حد يفدني انا عارف والله ان ممكن الناس تشوف ان ده لعب عيال ومراهقه بس المشكله ان الي بيقول كده مش جرب بجد مش عارف اعمل ايه قربت من ربنا ومش قادر انساها

• نفسية

• اجتماعية

• حب

سؤال من احد أعضاء فدني

تم النشر الثلاثاء، ٣١ أكتوبر ٢٠٢٣

2 إجابة

لا يسيدى ولا لعب عيال ولا حاجه المشاعر مشاعر ف كل الأعمار تخيل ممكن طفل ف إعدادى يحب واحده حب اكتر من ناس كبيره ف متقلقش من حوار تقليل المشاعر ده . اول حاجه ربنا يريح بالك ويصبرك الفراق صعب انا عارفه اول حاجه يمكن البنت دى عانت زمان من مشاكل خلتها معندهاش اى ثقه فى الي حواليها وشايفه أن كل الناس بتخونها ممكن انت تكون عملت موقف غظب عنك خلاها تشك فيك أو يمكن هى الي بتتلكك عشان البعد بص الله اعلم عشان مظلمهاش بس انت بتقول انها بعدت عشان شكت طب هل ده سبب ؟ يعنى انت مش شايف انها ما صدقت تبعد عنك ؟ بصراحه ممكن تحاول تدخلها تانى وتحاول تقنع ولو مقتنعتش يبقا مش بتحبك علفكرا ممكن كلامى يدايقك بس فعلا مفيش حد ممكن يسيب حد لمجرد انو شك الا وإذا كان اتحمل منو كتير لازم تكون عارف ان مش كلنا بنحب زى بعض هى واخده يومك كلو هل انت واخد يومها كلو من نحية التفكير ؟ شوف كده من بعيد هل هى ف نفس مرحله الحزن دى ؟ لو هى فعلا زعلانه جدا زيك يبقا ساعتها تعرف انها بتحبك أما لو هى كملت حياتها من غير ما تسال نفسها هى بعدت ليه يبقا متفكرش بيها وبصراحه الموضوع ده كأنو متاها منغير اول ولا اخر بس انت علقت نفسك بحد منغير ما ربنا يرضا عن الحوار ده ، طب تعمل ايه ؟ تحاول تحط حبك ف اى حاجه انت بتحبها أو تستلم وترجعلها بجد انا حاسه بيك الموضوع صعب فعلا فى حلول كتير بس انتى اكتر واحد عارف البنت دى كويسه ولا لا لو حاسس ان زعلك ده هيفرق معاها ادخل كلمها ومتوقفش حياتك عشان حد

تم النشر الخميس، ٢ نوفمبر ٢٠٢٣

هو الحب كده ...مش ضرورى تنساه بس هتتعود تعيش وهو جواك وانت عارف ان مفيش سبيل للقرب فانت هتتعلم تتعايش

تم النشر الثلاثاء، ٣١ أكتوبر ٢٠٢٣

2 تعليق

انا حاسة بيك لأني مريت بتجربة زيك كدة وعارفه قد ايه دا مؤذي. بس صدقني لو كان خيراً لبقى اكيد ربنا بعدها عنك لسبب . بدل م تفكر ف حاجات قديمة تضايقك حاول تتقدم ف حياتك وتلاقي هدف ومع التغيير هي هتندم انها بعدت عنك وانت هتكون اتغيرت وإن شاء الله تلاقي الي تستاهلك حاول تروح چيم مثلا وتشغل يومك لأن الفراغ اوقات بيخلينا غصب عننا نفكر ف الحاجات دي .

تم النشر الثلاثاء، ٣١ أكتوبر ٢٠٢٣

افتكر بس انها جالها قلب تسيبك وانت هتنساها و ادعي ربنا دايما يخرج حبها من قلبك و يعلق قلبك بيه لان فعلا ربنا الوحيد اللي لازم نعلق قلوبنا بيه وبس

تم النشر الثلاثاء، ٣١ أكتوبر ٢٠٢٣

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك