جماعه انا ليا 19 سنه والحمدلله عيلتي مش عندهم اي عقد نفسيه واحلي حب بينا بس انا انطوائيه شويه انا نفسي اصاحب البنات وكده لكن مبلاقيش حد شبهي انا مجتهده ونفسي ابني نفسي بس للاسف مبلاقيش كده ف اتعودت من وانا صغيره طاقتي كلها وكل الحب اديه لنفسي ودا بسبب اني بقف جنبي ف ايامي الصعبه مش بحب اشتكي لحد ع حاجه ودي بالمناسبه مش (نرجسية) ف كنت حابه اخد رايكم انا حاليا كل موقف يحصل معايا ببقا مش عارفه المفروض اتصرف فيه اذاي.. وهل لو اتصرفت هيكون تصرفي صح ولا غلط ببقا في شك دايم عندي لاني شخص عقلاني جدا والمشاعر عندي قليله عارفه المفروض يكون العقل والقلب ف توزان بس الفكره اني لما اجي اخد موقف من فعل اللي قدامي ببقا مش عارفه المفروض يكون اي الرد المناسب للفعل دا ف بالتالي بسال ماما وهي عاليه جدا ف تفكيريها بس ماما طيبه اووي وبتلتمس اعذار كتيره جدا ومش تقولوا هي عندها حق لا الحمدلله بفهم اللي قدامي كان قاصد ولا مش قاصد ف بالتالي مش بعتمد رايها وهي بتسيبلي الموضوع مفتوح مش بتقولي اعملي كذا بالظبط.. ف بالتالي بلجأ لصحبتي وحسيت انها بدات تمل من كتر ما بحكي معاها ف انا نفسي ف حل نفسي مثلا يكون قراري نابع من ذاتي زي ما صحبتي بتديني النصيحه هل دا نقص خبره ولا اي او تقترحوا اعمل اي ؟؟!
اصلا فكره انك نطقتي وشرحتي الموضوع بالعقليه دي يبقى انت بتقدري تفكري بس عقدتك مش بتأخدي قرار ودا بسبب انعزالك عن العالم بس حقيقي كونك مش عندك صدقات كتير دي مش وحشه ابدا.... "الاولى ثم الضروري" يمكن ربنا بيساعدك بحياتك مش كل الصداقات كويسه لا اطلاقا اعرف عن قصه بنت كانت بالجامعه مش اجتماعيه زي ما هو مطلوب بس المهم انها محافظه.... لكن لما قربت من صدقات بالجامعه حسيسوها بالنقص وبالعكس هما اللي كانوا ناقصين ورخاص قيمتهم فالمهم قالولها انتي ازاي كدا يبنتي مش مرتبطه ووحيده فسمعتهم اصل طبيعي انك هتكون شبه اللي حواليك واتزينت وحاولت تلفت انتباه لحد ما ارتبطت وهو بيستفذها عشان يسيبها فكانت ترسل ليه حاجات ما تنفع وفي الاخر استبذها ليه لان دينيا خالفت ربنا وكل دا من الاول بسبب الصحبه وان المجتمع بيطلب الغلط وشايفينه الكمال ما تزعلي انك ما عندك بس حقيقي مع الوقت تكسب اللي زيك بس يكون اخلاقهن ودينهن كويسين اهم شيء بقترح بقا عليك تعيشي جوا هدفك تتعلمي تذاكري كويس وفي شيء هيقوي رده فعلك عايز اقترحه... لما بتشوفي ذاكر نايك مثلا والاسئله الموتره وهوا بيرد بدون قلق لما تشوفي شمسي بجد بارك الله فيه وتشوفي علي دعوه اللي هو من الاخر اسمه ركن المتحدثين هتلاحظي تتطور في كلامك وانك ما تبني كلامك الا بمنطقيه بس ممكن حاجات ما تفهميها بس مش مشكله كلنا كدا بس بنتعلم لكن مع الوقت لو عندك شغف انك تفهمي اللي حواليك معتقادتهم اي وبيفكروا ازاي تطبيق فدني على سبيل المثال انك تحاولي تقدمي حلول بمنطقيه ولغه تحاور سليمه دا بيفيد في التعامل وكمان القراءه والتعلم هيزودك خبره
تم النشر الخميس، ٢٧ يونيو ٢٠٢٤
قريبه من مشكلتى بس حاولى مثلا تتخيلى ان فيش حد معاكى ولا صحبتك ولا ممتك وانتى دلوقتى لوحدك وفموقف لازم هاتتصرفى وحولى تعبرى عن مشاعرك إلى انتى حساها عارفة بيبقا غصب عننا بس لازم تحولى قعدى مثلا قولى انا لو حصلت كذا وكذا انا هاتصرف كدا لا كدا ابدأى تفكرى فحلول ومش بكتر الصحاب انتى حتى لو عندك تلاتة أربعة هما الفريبين جدا ليكى والباقى مثلا عادى ده احلى ولما تصحبى صحبى اشخاص تكون نفس اهتمامك مجتهدة واخلاق صدقينى هتلاقى تشجيع جميل لان الصاحب ساحب ودى مش نرجسيه لاكن واحدة واحدة هاتتحل والفكرة دى ميزة فينا والله فى الزمن دة والجيل ده نبقا محافظين دى حاجة قليله فمجتمعنا
تم النشر الخميس، ٢٧ يونيو ٢٠٢٤
أهلا بيكي، شكراً على إنك شاركتيني كل ده. بصي، أولاً، حلو جداً إنك واعية بمشاعرك وأفكارك، وده أول خطوة نحو التطور. تحسين مهارات التواصل: الاستماع الفعّال: حاولي تسمعي الآخرين بتركيز وبدون مقاطعة، واهتمي بتفاصيل ومشاعر الناس اللي بتحكي معاهم. التفاعل الإيجابي: استخدمي التعليقات الإيجابية والتشجيع، وعبري عن اهتماماتك بطريقة لبقة ومهذبة. القراءة والبحث: اقرأي عن مهارات التواصل وطرق التعامل مع الناس. فيه كتب ومقالات كثير مفيدة في المجال ده. التمرّن: حاولي تخرجي من منطقة راحتك وتجربي تتواصلي مع ناس جدد في بيئات مختلفة، حتى لو عن طريق أندية أو فعاليات. التعامل مع نفسك وتحديد القرارات: الثقة في النفس: اعرفي إنك لما تتخذي قرار، حتى لو كان في شك، دي خطوة للأمام. مفيش حد بياخد القرار الصح مئة بالمئة طول الوقت. تعلم من الخبرات: اتعلمي من كل موقف بتمرّي بيه، حتى لو كان القرار غلط، المهم تعرفي ليه كان غلط وتستفيدي من التجربة. الاتزان بين العقل والقلب: حضّري قائمة بمزايا وعيوب كل خيار، وبعدين حاولي تشوفي الأحسن بالنسبة ليكي بناءً على معاييرك الشخصية. استشارات متنوعة: لما تحتاجي رأي حد، حاولي تاخدي وجهات نظر مختلفة، مش من شخص واحد بس. كده هتحصلي على رؤية أشمل. مش غلط خالص إنك تلجأي لحد تصقي فيه زي ماما أو صاحبتك، بس كمان ادي نفسك فرصة تجربي وتحسّي بنفسك. الدنيا تعلم ومواقف كثيرة بتساعدنا نتطور بشكل طبيعي. واوعي تنسي، إنك مش وحيدة في الشعور ده. الأيام جايبة لك تجارب وأشخاص جدد، واتأكدي إنك هتلاقي اللي شبهك وهتشوفي نفسك بتتطوري أكتر وأكتر. لو محتاجة تفضفضي أو تلاقي تشجيع، أنا هنا! 😊
تم النشر الخميس، ٢٧ يونيو ٢٠٢٤
لعرض السؤال في فدني اضغط هنا