اكتشفت أن أختي تُدخن وحاولت معها كثيرًا لكن أخشى أنها مستمرة، ماذا أفعل معها؟

Question

السلام عليكم انا بصراحه مضايقه جدا مصدومه وانا بكتب الكلام ده بس انا مش لاقيه حد يساعدني انا اكتشفت ان اختي بتجيب للأسف سجاير وتشربها على السطح فوق لما نبقي نايمين وصدفه كانت نايمه العلبه في جيبها، ماما شافتها وخدنا الموضوع بهدوء، عديناها وهي قالت مش هعمل كده تاني وخلاص سكتنا بس بعدها باسبوع كانت هتجيب لبس وهي عايزة تلبس قصير بلوزه مثلا علشان كده كده هي بتلبس جيبه زي أصحابها بس احنا مستحيل نعمل كده المهم اتخانقت انا وهي ومجبتش فكنت قاعده انا وامي وأختي التانيه يعني تحت وبعدها طلعت عليها فجأة لان بصراحه مكنتش مرتحالها ففعلا لقيتها معاها علبه تاني انا عيطت كتير قدامها وامي ضربتها وقالت مش هتعمل كده وقعدت تحلف كتيرر الموضوع عدي بس انا مش مرتاحة في آخر كام يوم بقت تطلع فوق وتنزل بسرعه مش عارفه ليه والنهارده طلعت وقعدت كام دقيقه ونزلت أنا سايباها لان عندي امتحانات بصراحه وكمان أنا بقول هي بتعمل كده علشان تتطمن ان احنا مش مركزين معاها فترجع تعمل كده تاني أنا مش عارفة أعمل إيه وابوي مسافر ولو عرف ممكن يتجلط فيها وانا تعبت بجد انا كل يوم بعيط وبدعي لربنا يهديه بجد مش قادره استحمل المنظر والله كنت بخاف اراقبها مثلا اشوف المنظر ده ارجوكم اعمل ايه واسفه على الاطاله

Accepted Answer

حاولي تنصحيها مره واتنين وعشره ومتياسيش ولو فضلت زي ما هيا لازم بقا تقولي لباباكي او مامتك مهما كان هيا اختك ولازم تقفي جمبها وتكوني معاها دايما وقريبه منها وحاولي معاها لأنها كده بتدمر صحتها ولو بعد الشر حصلها حاجه انتو هاتتدمرو لان خساره حد عزيز وغالي عليكي بتكون دمار حاولي معاها عشان خاطر الدم اللي بنكو

Answer

السلام عليكم ورحمه الله وبركاته يعني شكرا انك مركزه مع اختك مهتمه بمصلحتها في حاجه مهمه قوي ضروري نعرف هي ليه بتعمل كده في الاغلب في الاغلب هي ممكن يكون في عندها مثال سيء من اصدقائها الحاليين وهي بتقلدهم او بتعمل زيهم علشان يفضلوا صحابه فيما بينهم حاجات مشتركه ااا وطبعا يعني بتكون الشخصيه القريبه منها دي بتغليها وكانك ده شيء ممتع يعني وحاجه جميله فهي طبعا اتشدت لده ضروري نشوف بقيه الحاجات اللي مخليها مش قادره توقف الغلط ده ومخليه الغلط في عينيها لا لسه له متعه معينه عشان نقدر نساعدها مش هينفع بس نبقى بنقول لها ومستنينها هي توقف لان مش شرط دايما يكون عند الشخص الاراده الكافيه ان هو يوقف لازم نشوف ايه الظروف اللي حواليه اللي بتساعده على انه تكون ارادته قليله ونبدا نساعده ان نوقف الظروف دي هنشوف لو في من اصدقائها دولت ايه الشخصيات دي ونبدا يا اما نبعد عنهم باي طريقه مش برده بس بان احنا نقولها ابعدي عن صاحبتك دي بلاش البنت دي لا يعني بطريقه ما تكون مختلفه شويه ن- اا نخليها ما تقابلش او ما تتعاملش معاه نوعيه الناس دي.

Answer

وعليكم السلام ورحمة الله وبركاته. أختي العزيزة، أقدر مشاعرك الصادقة وقلقك العميق تجاه أختك. من الواضح أنك تهتمين بها بشكل كبير، وهذا أمر جيد جداً. أولاً، من المهم أن تعرفي أنك لست وحدك في هذا الموقف، وأن الكثير من الأسر تواجه تحديات مشابهة. أرى أنه من الضروري التحدث مع أختك بصدق، ولكن بطريقة لطيفة. ربما تكون بحاجة للاستماع والدعم أكثر من الحاجة لمنعها بالقوة. حاولي أن تجعليها تشعر بالأمان والأريحية للتحدث معك عن مشاعرها وأسباب تصرفاتها. من الجيد أيضاً أن تتحدثي مع والدتك بشأن الحاجة إلى التفكير في طرق بديلة للتعامل مع هذه الأمور، مثل الاستعانة بمختص في علم النفس أو استشارة خبير يمكن أن يساعدها ويعطيكم نصائح مناسبة. يمكنك أيضاً محاولة تشجيعها على أن تشارك في أنشطة إيجابية ومثمرة، مثل الرياضة أو الهوايات، لتشغل وقتها وتبتعد عن السلوكيات غير الصحية. تذكري، لا تترددي في طلب المساعدة من الكبار أو المتخصصين إذا شعرت أن الأمر قد يتجاوز قدرتك على التحمل. لا تتوقفي عن الدعاء، فهذا من أعظم الطرق للتوجه بالله وطلب الهداية لأختك. أسأل الله أن يهديها ويلهمكم جميعاً الصواب.

اكتشفت أن أختي تُدخن وحاولت معها كثيرًا لكن أخشى أنها مستمرة، ماذا أفعل معها؟

اجتماعية

تربوية

أهل

سؤال من احد أعضاء فدني

تم النشر السبت، ١١ يناير ٢٠٢٥

3 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك