انا بمر الفتره دي...... ان لما بكون موجوده مابين الناس صحابي ، اهلي ايا كان الناس دول قرابتهم ايه بالنسبه لي..... بحس اني غريبه اوي وسطهم و اني ماليش مكان ما بينهم ....دا شعور حقيقي بعاني منه جدا الفتره دي.... لوسمحتم اي حد يقدر يساعدني بنصيحة يقولها لي.
إحساس doesn't fit here.. مش كده؟ بصي أنا بحس بده ساعات بس مش كل ناس لا في جروبات كتير ببقي مرتاحه جدا ويشبهوني.. الفكره فكام نقطه كده.. أولهم اهتمامات الناس دي مختلفه عنك وميولهم وكلامهم واسلوبهم فلو ده موجود يبقي عادي أحس بغربه لأننا مختلفين جدا.. بس أتعلم القبول وهو إن ممكن نبقي صحاب فجزء صغير و متشابهين فجزء صغير بس الباقي لا مختلفين فتقبلي الاختلاف مش تلومي نفسك عليه و تبدأي تحسي بغربه فاهمه ولا برضو تلومي عليهم.. ومش شرط صحاب ممكن زمايل قاعده وسفريه وبينا كل لطف وقتها فقط. تآني نقطه مش بتعرفي تعبري عن نفسك صح وده بيتطلب ثقه كبيره فنفسك وانك تتعاملي مع الناس بعقولها ولكن بمبادئك واخلاقك.. فإنتي تبقي لينه ومرنه في التكيف معاهم مش هما. تالت نقطه ممكن يبقي كبر بس لسه الشيطان مجمله فعينك ومش صريحه فمواجهه نفسك كفايه وحاسه انك أجمد حد والعقل والحكمه كلهم عندك فهما مش مستواكي.. رابع نقطه الكتمان لو أصلا معبيه كتير هتفضلي فكل تجمع حاسه إنه محدش سمعني وأني لوحدي فيبقي تعالجي الأول اللعبكه والهيصة ال جواكي.. يارب أكون افدتك وفهمت سؤالك صح ولو ولا حاجه من دول أكملك باقي الاحتمالات فكومنت تآني
تم النشر الاثنين، ٢٠ فبراير ٢٠٢٣
بتحسي مثلا ان افكارهم وطباعهم مش شبهك ؟ او بتشوفي انك مش عارفه تجاريهم؟ ولا حاسه مثلا بمشاعرك اكتئاب او حزن ورغبه ف انك تكوني لوحدك ف لما بتكوني مع الناس بتحسي ان مفيش تفاهم بينكم وعايزه ترجعي تقعدي لوحدك؟ وهل حصل موقف معين من بعده حسيتي بكده؟
تم النشر الثلاثاء، ٢١ فبراير ٢٠٢٣
لعرض السؤال في فدني اضغط هنا