السلام عليكم
انا عندي تاتاة وبتزيد كل ما اتوتر او كدا وانا مريت بنزوح وحرب وفقدان الاقارب وكل شيء وعايزة اتعافى من الموضوع لانه مأزمني نفسيا من تنمر وكل شي وانا بدرس
لما شخص قبلي يقرأ بطلاقة وانا بعده واتلعثم بحس بخذلان كبير من نفسي وكمية فشل رهيبة لما بتجيني افكار مش كويسة في ايذاء نفسي ومش عندي خيار استشارة طبيب اعصاب او طبيب نفسي والموضوع بيخليني خجولة زيادة عن اللزوم وشخصيتي ضعيفة وحساسة
.السلام عليكم ورحمه الله وبركاته انا حبيبتي متخصصه في المجال ده وما تقلقيش خالص دي حاجه طبيعيه ممكن تحصل لاي احد او اي انسان سوي متعرض ان هو لضغط نفسي من اي نوع سواء مثلا فقدان حبيب او لزعل نفسي الواحد ممكن يتعرض له من الاسره من بره تنمر اي حاجه من الحاجات دي كلها بيبقى لها ترسب اضرار بقى بتظهر نفسيه بعد فتره وهي زي التلعثم مثلا علاجه بقى اولا احنا لازم نبقى نهدأ شويه ما نبقاش واخدين الدنيا جامد على صدرنا كده نبقى قريبين قوي من ربنا هنبقى مؤمنين جدا بان اي حاجه بتحصل لنا دي بيبقى تخطيط من الله سبحانه وتعالى لنا واكيد هي دي فيها خير لينا بس احنا مش بنبقى حاسين بانه ده خير غير بعدين بعد فتره لان ربنا مش بيعمل اي حاجه كده هباء لا كل حاجه بتحصل لنا في الدنيا بيبقى لها حكمه. حتى لو مرض ربنا ابتلانا به حتى لو فقدان عزيز بيبقى في حكمه من وراه بيبقى ربنا عايز يقول لنا حاجه بس احنا كبني آدمين مش بنبقى فاهمين ده كويس في اولا لازم نبقى قريبين قوي من ربنا نبقى مؤمنين جدا بالحاجات اللي بتحصل لنا نبقى راضيين اهم حاجه الرضا لو بدأتي ترضي هتبقى الدنيا عهده معاكي بالنسبه لطريقه انك انت تيجي تتكلمي أو تحسي نفسك ان خلاص كده الكلام مش قادره تطلعيه في هتحصل تلعثم اولا بتاخدي نفس قبل ما تتكلمي أو بتاخذي نفس كده بينك وبين نفسك بين كل كلمه وكلمه بين كل جمله وجمله اولا نهدي نفسنا اولا كل ما انت هتعلي صوتك اكتر كل ما هتكوني متعصبه اكتر كل ما هتحتاجي هوا اكتر من صدرك كل ما هتتلعثمي اكتر. اوكي بالنسبه برده للطريقه التانيه اللي المفروض نعالج روحنا بيها وهي القراءة، نمسك كتاب نمسك المصحف تقرأي منه تمسكي قصه تمسكي اي شيء يكون في ايدك امسكيه بس بنقرأ بهداوه بنقرأ بهداوه بيننا وبين روحنا تتمرني على الموضوع ده 10 دقايق مثلا في اليوم تظبطي تايم معين الفقره دي انت تراقبي روحك طب انا خرجت الهواء من صدري كويس اتكلمت كويس الكلمه حساها برضو حتيجي بتلعثم لأ أقف وأروح واخذه نفس بالهداوه كده وبعد كده استانف القرايه ثاني شويه بشويه هتلاقي الحاله دي خفت جدا ثقتك في نفسك وقبليها ثقتك في ربنا هتخلي كل ده يروح وربنا يا حبيبتي ان شاء الله باذن الله يحفظك ويسعد قلبك يا رب إن شاء الله وكل اللي انت حاسه بيه ده كله ربنا يا رب يبعده عنك إن شاء الله وتبقي احسن واحسن واحسن واحسن يا رب ربنا يا حبيبتي يراضيك إن شاء الله يا رب بإن الله.
تم النشر الأحد، ١٦ مارس ٢٠٢٥
اللي انت بتوصفه ده باين إنه تراكمات ضغط نفسي من مواقف صعبة مريت بيها زي التنمر، فقدان الأحباب، والفشل اللي حاسس بيه. كل ده طبيعي يأثر على نفسيتك ويزود التوتر والخجل. ابدأ بالهدوء والتقبل، مشكلتك مش ضعف، انت محتاج تفهم إن اللي مريت بيه أثر عليك، وده شيء طبيعي. جرب تمارين التنفس العميق والكلام البطيء، وممكن تسجل صوتك وتحاول تتحسن تدريجياً. متفضلش تفكر إنك أقل من غيرك، كل حد عنده نقاط قوة وضعف. واجه خوفك بالتدريج، كل يوم خليك تحط نفسك في موقف اجتماعي بسيط، ولو حتى تقول جملة قصيرة لشخص غريب. لو تقدر تستشير طبيب نفسي هيكون أفضل، لكن لو مش متاح، فيه فيديوهات وتمارين ممكن تساعدك. الرياضة والتأمل ممكن يساعدوك، رياضة بسيطة زي المشي أو تمارين استرخاء ممكن تقلل التوتر وتحسن ثقتك بنفسك. جرب تبدأ حاجة جديدة، هواية أو مهارة ممكن تخرجك من دايرة الإحباط وتديلك إحساس بالإنجاز. لو حسيت إن الأفكار السلبية بتزيد بشكل مزعج أو بتأثر على حياتك اليومية بشكل كبير، يبقى ضروري تدور على دعم حتى لو من صديق مقرب أو حد تثق فيه. انت مش لوحدك، وعندك فرصة تتحسن لو بدأت بخطوات بسيطة.
تم النشر الخميس، ١٣ مارس ٢٠٢٥
وعليكم السلام ورحمة الله وبركاته، أختي العزيزة، أنا أقدر تماماً ما تمرين به من صعوبات، فالتأتأة يمكن أن تكون تحدياً كبيراً، خاصة في ظل الظروف التي ذكرتها. من الواضح أن التجارب التي مررت بها قد أثرت على ثقتك بنفسك وصورتك الذاتية. من المهم أن تضعي في اعتبارك أن التأتأة ليست عيباً، بل هي حالة يمكن أن تتحسن مع الوقت. قد يكون من المفيد أن تخاطبي شخصاً متخصصاً في هذا المجال، مثل معالج نطق وتخاطب، حيث يمكنه أن يساعدك من خلال تقنيات عملية لتحسين الكلام. أيضاً، من المهم أن تتذكري أن كل شخص لديه مجالات قوته وضعفه، وكونك تواجهين تحديات في الكلام لا يعني أنك أقل من الآخرين. حاولي أن تركزين على تحسين مهاراتك في مجالات أخرى تشعرك بالثقة. إذا كنت تشعرين برغبة في إيذاء نفسك، فإنني أدعوك لمشاركة مشاعرك مع شخص تثقين به، سواء كان صديقاً أو فرداً من العائلة. من المهم أن لا تبقي هذه المشاعر وحدك. تذكري أن لك حقاً في التغيير والنمو، وأن هذا الطريق قد يحتاج إلى الصبر والوقت. لا تترددي في طلب المساعدة والدعم، فهذا دليل على القوة، وليس الضعف. أسأل الله أن يمنحك القوة والشفاء، وأن يرشدك إلى الطريق الذي يدعمه.
تم النشر الثلاثاء، ١١ مارس ٢٠٢٥
تمام شكرا ليكي ي قمر
تم النشر الثلاثاء، ١١ مارس ٢٠٢٥
افضل حلين عن تجربه تمارين التنفس بحيث تهدأه الاعصاب وتقليل التوتر والانخلاط بالمجتمع اكتر والمواجه صدقيني مفيش حل افضل من من دول
تم النشر الأربعاء، ١٢ مارس ٢٠٢٥
معنديش الخيار اني اروح ل دكتور
تم النشر الثلاثاء، ١١ مارس ٢٠٢٥
الموضوع اكبر من كدا انا جربت كل حاجه منفعش
تم النشر الثلاثاء، ١١ مارس ٢٠٢٥
ايوا من زمان بس م كانت تقيلة زي دلوقتي
تم النشر الثلاثاء، ١١ مارس ٢٠٢٥
لعرض السؤال في فدني اضغط هنا