بواجه صعوبه في المذاكره لاني بلوم نفسي عل الوقت اللي ضيعته فبدل مابذاكر بضيع وقت اكتر وبعيط مشكلتي في طريقه المذاكره لأ مشكلتي في اني ماعنديش مكان اذاكر فيه مفيش خصوصيه في البيت فالوقت الوحيد اللي بذاكر فيه بليل في الصاله عشان بشارك اوضتي مع اختي ومش بعرف اذاكر وفي حد في الاوضه ولو حتي مفيش دوشه بعرف اذاكر لما بقعد لوحدي بس..
+اني نفسي اكون معالجه نفسيه بس اوقات مش ببقي عارفه هل حلمي يستحق التعب بجد؟ هل الصحه النفسيه مهمه فعلا؟ وهل هبقي اد الموضوع ده واعرف اتعامل فيه؟
كلامي لنفسي لما بذاكر بيديقني طاقه سلبيه فاضطر اوقف مذاكرة وارجع اندم واعيط
مش عارفه اسئل في ايه بالضبط ولكن اتمني حد يساعدني في الموضوع ده🥺❤
ده السؤال نفسه بتاعك هو الاجابة. الوقعات النفسيه محتاجه حد يساعد فيها ويفهمهالنا عشان نقدر نقوم تانى ونعديها....ومش دايما اللى حوالينا بيكون عندهم الوعى الكافى عشان يساعدونا بشكل نفسي متعمق . زى مشكلتك كده ...لولا انك مهتمه بعلم النفس مكنتيش تعرفى توصفيها بالشكل المعبر ده . الصحة النفسية مهمة جدا واكبر دليل الناس اللى عندهم كل حاجة من احتياجات الحياة والرفاهيه ومع ذلك تعساء .. اتشجعى بقي وذاكرى كويس احنا محتاجين ناس تدعم نفسيا كتييير
تم النشر الاثنين، ٢٣ يناير ٢٠٢٣
ممكن تذاكري ف الصالون مثلا لو متاح الصبح بدري من الفجر او بليل والجو هادي .... واهدي كده وافتكري انك تستحقي تنجحي وتفرحي وتفرحي اهلك بيكي واي تقصير قصرتيه من اول السنه لسه في وقت كتير تلحقي تعوضي وتنجحي وتدخلي المجال الي نفسك فيه وتفرحي بيه وتكوني فخر لنفسك محتاجه بس نظمي وقتك ومتراكميش دروس عليكي وحافظي على انك كل درس بتاخديه تذاكريه نفس اليوم وتحلي كتير وتجمعي ملخصاتك الشخصيه من فهمك ومن النقط الي بتحسي انها مهمه والاسأله الصعبه وان شاءالله ربنا يكرمك ويوفقك افضلي حاطه هدفك قدامك وهتوصليله ان شاءالله ومجال الصحه النفسيه مهم جدا واهميته واهتمام العالم بيه بيزيد كل يوم عن التاني ف مجالاته المتعدده بما يخص الاطفال والبالغين وكبار السن والادمان ومجال مشوق جدا وممتع جدا
تم النشر الاثنين، ٢٣ يناير ٢٠٢٣
لعرض السؤال في فدني اضغط هنا