عندي تفكير غبي وانا عارفه انه غلط واللي هوا لما بتخيل العيشه ف الجنه انها مش بتخلص كده وبتفضل الي ما لا نهايه بحس بالخنقه وبحس انه هنفضل كده يعني انا عارفه ان التفكير ده اكيد حرام واكيد غلط خصوصا ربنا يناولنا الجنه ان شاء الله بس محتاجه حد يغيرلي الفكره دي
هو تفكير كوميدى جدا بصراحة واكيد وسوسة من الشيطان ...لما تلاقيه يوسوس كده اضحك عليه ....عشان هو مش عارف يشكك فى حاجة تانيه فى الدين فبيدخل الافكار دى فى عقلك. ربنا بيسهلنا وصف الجنة حسب اللى مخنا يدركة وبيقربهالنا بامثله احنا شايفين زيها ( مثلا انهار وبحار واشجار ) لكن فى حاجات ملهاش وصف نقدر نتخيله اصلا نوع الحياه اصلا مفيهاش الاحاسيس السلبيه اللى انت متخيلها ( مش هيبقى فى حاجة اسمها حزن ولا خوف ولا زهق ) انصحك تقرأ فى وصف الجنة ووصف النار المفصل ....لان لازمك عينينا تبقى على الاتنين لان محدش عارف نهايته هتكون فين ودخولنا الجنه مرهون برحمة ربنا فقط ....يعنى دخولنا ليها هيكون رحمة من الاحاسيس الوحشة بكل انواعها ...نسأل الله رحمته وجنته من غير سابقى عذاب.....لحظة نعيم فى الجنه او لحظة عذاب فى الاخرة لا تساوى شىء من الدنيا .
تم النشر الجمعة، ٢٧ يناير ٢٠٢٣
ربنا ذكر عن الجنة أن فيها ملك كبير أكبر من جميع ممالك الدنيا (وَإِذَا رَأَيْتَ ثَمَّ رَأَيْتَ نَعِيمًا وَمُلْكًا كَبِيرًا ) أرأيت جميع الممالك والدول التي ظهرت في هذا الكوكب منذ فجر التاريخ والملك العظيم الذي حوته وما فيه من أحداث ممتعة وغير ذلك؟ في الجنة أعظم منه بكثير جدا!! .. فلا مجال هناك للملل إطلاقا .. الحياة في الجنة ليست فقط أكل وشرب ونكاح بل تحدث فيها أحداث وحوارات لا نهاية لها .. وأقل ما فيها أنك إذا رغبت في لقاء أي شخصية مؤمنة من أهل الجنة كمريم أو فاطمة أو خديجة أو امرأة فرعون عليهم السلام أو غير ذلك كان لك ذلك وشوفي بقى إيه الحوار اللي ممكن يحصل بينك وبين أي واحدة من دول!!
تم النشر الخميس، ٢٦ يناير ٢٠٢٣
بصراحة انا فكرت قبل كدة برضو، بنفس المنطق، وطلعت بفكرة كدة، ريحتني كتير إلى حد ما انه طبعًا عارفين ان ربنا عز وجل قادر على كل شئ، والجنة فيها ما لا عين رأت ولا أذن سمعت ولا خطر على قلب بشر. الكام معلومتين دول طلع لي ناتج وهو ان ممكن ربنا يقذف في قلوبنا الحب واللا ملل. دي نظرية،،،،النظرية الثانية ان الجنة علشان احنة مش متخيلين شكلها فهي جميلة لدرجة اننا ما نزهقش منها وعامة انا قريت كدة عن بعض المواصفات عن الجنة، تبين انه لا، مش سهل خالص نطلع بمنطلق الملل من الجنة،،، واللهم يرزقنا جميعًا الجنة يا رب♥️
تم النشر الجمعة، ٢٧ يناير ٢٠٢٣
لعرض السؤال في فدني اضغط هنا