فى واحد كان بيبصلى ديما كتير اوي كل اما يشوفنى أو يلمحنى حتى صحابو أما اكون ماشيه وهو مش شايفنى يزقو عشان يلفتو انتباه وكدا المهم انا مكنتش عطيته اهتمام لانى رافضه فكره الارتباط أو الحب أو الخطوبه عمتا كنت حبه حياتى مع صحابي وأهلى وبس واركز فى مستقبلى المهم شخصا ما ليه تأثير عليااا جدا وقريب منى اوي واكتر حد عطياه ثقه فى حياتى جت قالتلى ان اللى بيبصلى دا قالها انو بيحبنى وكمان هى كانت عارفه الحاجات اللى بحبها أو اللى مستنياها من الطرف التانى لاني مكنتش ناويه احب حد غير لما يعمل كدا ويحاول عشاني فا فضلت تيجى تقولى انو بيقولها انو بيحبنى بس مكسوف انو مش عارف يعمل ايه الحاجات دي وكانت يتشكل الشخصيه على الأساس الشخصيه اللى انا عاوزها يعنى ركزت على نقط ضعفى وأتكيت المهم انا بدأت أهتم للولد وأركز لحد ما حبيتو من بصتو ومن الكلام اللى كانت بتقول هى ووهمت نفسي جامد وانى كل ما افوق واقولها اشمعنى انتى ليه مجاش قالى كانت بتقولى اسباب مقنعه اوي على الامتحانات بتعتى جت قالتلى انها بتكذب عليا وهو منطقش كلمه واحده الكلام دا كلو فات عليه 6 شهور انا بعانى بسبب كذبها انا حبيتو اوي وعشت قصه مع نفسي وبسبب دا انا مجبتش درجه كويسه فى الامتحانات كنت بعيطط كتير اوي على أن اللى تعمل كدا اكتر واحده وثقت فيها وصعبت عليا نفسي انى بحب حد ممكن يكون محبنيش أو لو حبنى فا هو مجاش قال جمله صريحه على بعضها
حولت أنساه
قربت من ربنا الحمدلله
نزلت جيم
قرأت كتب
حولت أطور من نفسي
كونت علاقات جديده (وكانت سبب من أنى بعانى دلوقتى !)
خرجت وغيرت جو
كل دا وانا بعمل كل دا بفكر فيه وساعات بعيط انى مش عارفه استنى ومش عارفه أقرب ومش عارفه ابعد ومش عارفه أنسي
الفتره الاخيره(اسبوعين كنت قللت تفكير فيه ولو فكرت كنت بحس بلقرف وفرحت انى أخيرا تخطيت ورجعت زي الاول بس بقالى 5 ايام رجعت اعيط تانى وافكر فيه ولما اشوفو اتوتر ومودي يتغير
معلش طولت
بس انا تعبت نفسا اللى عندو حل يقولو انا عارفه انى غلط انى وثقت فى حد للدرجه دي
وهو بيبصلى ومش بيتكلم واللهفه اللى لما حد يقولو انى موجوده كذا مره حد يلحظو ان اول ما يشوفنى يضحك وساعات بيعمل انى شفافه اصلا انا مش فاهمه ومش فاهمه هو عاوز ايه وبيبصلى كدا ليه
وهو بيعمل كدا بقالو سنه ونص
دايما متثقيش ف اي حد مهما كان اللي بينكوا و متزعليش انتي زي الفل اهو و الحمد لله انك اخدتي درس ف وقت بدري عشان تتعلمي منه و تاخدي بالك من نفسك بسببه و الدرس ده هاينفعك جدا لباقي حياتك و اللي فات عدى خلاص لازم نفوق عشان منضيعش الحاضر و المستقبل وانتي لسه صغيره و الحياه قدامك بالنسبه لصاحبتك دي واحده ميتزعلش منها ولا يتزعل عليها دي واحده مش من مقامك اصلا و الحمد لله ان ربنا كشفهالك على حقيقتها بالنسبه للشخص ده متفكريش فيه و خليكي قريبه من ربنا و افتكري ان الدنيا دار اختبار و مش هاتقف على حد و ان ربنا دايما مدبرلك احسن اختيار ولا انتي مش واثقه ف تدبير ربنا ؟
تم النشر الأربعاء، ٢ أغسطس ٢٠٢٣
انتي قولتي حاجه كويسة جدا .. وهي انك عشتي قصة واتوهمتي بحاجات هي اصلا محصلتش ... وده اللي حصل بالظبط .. كل اللي انتي عملتيه كويس جدا انك غيرتي جو ودخلتي حاجات جديدة في حياتك .. بس ده مش كفاية الحقيقية .. اهم من ده كله هو الاقناع العقلي بأن ده كله مجرد وهم صاحبتك عملته في دماغك وبس. مفيش حد اصلا بيحب حد عمره ما اتكلم معاه .. يعني مثلا لو قولتك انتي بتحبي فيه ايه؟ هتقولي ايه؟ ده شخص ولا يعرف عنك حاجه ولا انتي كمان تعرفي عنه حاجه .. يبقا هتحبوا بعض ازاي؟ طبعا ممكن يكون فيه اعجاب .. يعني لو قولتي ليا انك مثلا معجبة بشكله مثلا اقولك تمام .. لكن حب ديه كلمة كبيرة جدا وفي الحقيقة هي مش مناسبة بتاتا للموقف اللي انتي فيه. هل ممكن تنخدعي ب اللي هو بيعمله ؟ اه ممكن. بس السؤال هنا هو بيعمل كده ليه؟ بصراحه مفيش اجابه غير انها تصرفات عيال ... مش رجالة يعني لو هو شخص كويس وفاهم كويس ايه اللي ممكن يتعمل يجي ويتكلم ويقول مثلا عايز اتقدم .. لكن تصرفات العيال ديه يستحسن متشغلش بالك. وصاحبتك للاسف عملت حركة مش كويسة لكن محدش بيتعلم ببلاش .. اتعلمي من الدرس اللي انتي وقعتي فيه واتقنيه كويس .. علشان المرة الجاية تخلي بالك.
تم النشر الخميس، ٣ أغسطس ٢٠٢٣
لما بيشوفك بيضحك عشان فكراه بيحبك ومعجب وهو مش شايفك اعتقد انك لسة ففترة مراهقة عشان كدا تفكيرك كدا للاسف دي حجات تافهة جدا مايستهلش حد يضايق نفسه عشانه انصحك تفوقي لنفسك وتتوقفي عن تلك الوساوس الشيطانية المرضية
تم النشر الأربعاء، ٢ أغسطس ٢٠٢٣
انا سامحتها خلاص عشان انا شوفت انها ندمت واوي وهى مكنتس فاهمه أن الموضوع هيأثر معايا كدا انا مشكلتى انى مش عارفه أتخطاه ومش فاهمه هو عاوز ايه وشكلو مش من الناس اللى بتشاغل وخلاص وشكلو مش بتاع كدا اصلا لأنهم عدو عليا كتير بس انا هحاول حاضر ❤️
تم النشر الخميس، ٣ أغسطس ٢٠٢٣
هفكرك بحاجه أن في نوع من الشباب بيحب يشاغل وده انا شوفتو كتير واعرف ناس كده وكانت تجربه معايا لدرجه انو كان يجى يلف تحت البيت كل ده عشان يلفت نظرى طبعا بلا شك أن الوحده مننا بتفرح أنها متشافه بس لازم نحكم عقلنا وقولت ميصحش وفعلا كلام عقلى طلع صح ومشاء الله عليه كان بعمل كده معا بنات البلد كلهم 😂😂 انا بقولك كده عشان متزعليش نفسك وارد جدا يعدى علينا في حيتنا ناس بشخصيات غير بس مش نقوم مكتئبين ومزعلين نفسنا لى يحببتى وخصوصا انتى بتقولى انو منكملش وسدقينى هوا بيشاغل مش اكتر ارجعى لعقلك والكلام ال اختك ملت بيه عقلك فكرى في كده اختك اهم تفكرى وتعرفي هي عملت كده لى واسئليها لئن علاقتك بختك هتفضل طول عمرك عارفه لو حد غريب هقولك كبرى دماغك واعرف صاحبك وعلم عليه متزعليش نفسك سدقينى مفيش حاجه تستاهل وصلى قيام ليل وادعى لنفسك كتير وخلى عندك يقين أن الجاى خير وربنا يسعدك
تم النشر الأربعاء، ٢ أغسطس ٢٠٢٣
لعرض السؤال في فدني اضغط هنا