مشكلتي صعبة شوية واتمني الاقي حل انا ام لبنتين ومتزوجة عيلة جوزي كانت كويسة جدا معايا لحد من سنتين طول عمري نفسي جوزي يفتح مكام ما خاص لية لان بمعني الكلمة من يوم متجوزت وانا شقيانة المهم جة اليوم بشغلي وتعبي عملت مشروع لجوزي كبرناة ووقف علي رجلو بقيت فاحسن حال سدد الديون والدنيا بقت تمام طلع اخو جوزي قال انا ليا فالمكان لاني شغال في جوزي رفض وقالو ازاي ليك انت شغال وبتاخد فلوس شغلك حماتي بقت تعيط والاخوات هيخسرو بعض والكلام ده اسكت انا لا غصبت علي جوزي ودخلة معاه شريك عشان انا مش عيزاة يخسر اخوة دخل وهنا كانت الكارثة المكان الي كان بيجيب 400 و 700 بقي يجيب فاليوم 15 جنية متخيلين المهم جوزي كرة المكان والشغل بسبب اخوة وشهرين وجوزي لقاهم مشوة من المكان واخوة خدو عارفين الكاسرة الي كنت فيها جوزي اعتزل العالم شلت البيت لوحدي 8 شهور اكل وشرب وبيت وسداد اتكومت عليا الديون بعدت عن اهل جوزي كرهتهم كلهم حسبي الله وكفي هما شايفين جوزي وانا وحشين عشان لية مبنكلمش اخوة الي خرب بيتي وخلي جوزي شخص تاني المهم عملت قروض وفتحت كافية تاني بعيد الي هوه دلوقتي فحاله فشل رهيبة عشان لسة جديذ انا بسدد كل حاجة من شغلي بس انا تعبت المكان ده لو اتقفل هبقي انا ضعت شغلي مش مكفي كل حاجة نفسيا صفر تقربي من ربنا وثقتي في كبيرة اوي بس ضغط البيت والشغل وكمان كرة اهل جوزي ليا جوزي قطعهم نهائي لانهم شايف ان اخوة ده حقة قولولي اعمل اي اصبر واحتسب ولا اسيب الدنيا دي وامشي غلطة واحدة عملتها وبدفع تمنها اني انا بايدي دخلتة شريك كل زعلهم مني عشان مبتكلمش بقول حسبي الله وبس قادر علي كل شي طولت عليكم بس كنت محتاجة اتكلم نسيت اقولكم اخر حاجة من 10 ايام حماتي شتمتني وبهدلتني من الشارع وانا بردو مردتش
انتى اتعاملتى بنيه طيبة ... والنيه الطيبة مش حرام ولا ذنب ارتكبتيه اللى حصل هو ابتلاء بس ..وانتى الحمدلله صابره وبتسعى باللى ربنا بيقدرك عليه ...متخليش الشيطان يضحك عليكى ويفسرلك ان الازمه بسبب النيه الطيبة المؤذى والمفترى كده كده كان هيفترى بيكى ولا من غيرك انسى الناس دى خالص واعتبريهم زى اللى بيتخانقوا فى الشارع وعاملين ازعاج وقومى اقفلى عليكى شبابيك وباب بيتك وركزى فى حالك وفوضى امورك لله وهو كفيل بيها ...المكان اللى راح الرزق خلاص اتوقف منه ربنا يفتحلك ابواب الرزق فى اللى جاى بس انتى اهتمى انك تتقى الله زى ما انتى وبس كده .
تم النشر الأربعاء، ٢٧ سبتمبر ٢٠٢٣
استعوضي الله في اللي راح واحرصي علي ان ميكونش فيه اي حاجه مخالفة شرعية او حرام بتعملوها الا وتبطلوها وتتوبو منها ربنا يتوب علينا وعليكم. وبإذن الله ربنا يبارك في رزقكم
تم النشر الاثنين، ٢٥ سبتمبر ٢٠٢٣
خلاص اللي حصل حصل .. وبصراحه انتي جدعة انك وقفتي في ضهر زوجك المهم اللي تعمليه دلوقت مش مهم اللي فات .. حاولي تخرجي زوجك من اللي هو فيه وتخليه يمسك المشروع الجديد ويكبره من تاني وخليكي معاه. وحماتك ممكن علشان بس هي مضايقة من اللي حاصل ما بين ولادها، ف اعذريها ومتحاوليش انك تحتكي بيها على قد ما تقدري لحد ما الامور تتحسن ما بينكم.
تم النشر الاثنين، ٢٥ سبتمبر ٢٠٢٣
اول حاجة فأنا بحييكي ع صبرك عليهم رغم كل ده و ثقتك ف ربنا سبحانه و تعالى انتي حقيقي مش محتاجة نصيحة من حد انتي واعية و ايا كان ال هتعمليه فهو الصح ان شاء الله المهم انك تكوني عارفة دايما انك عالحق و مغلطتش فحد و هما ال ظالمينك و طالما اخدتي بالاسباب فادعي و كلنا هندعيلك ربنا يعوضك يارب و لو في مجال تقولي اسم الكافيه مثلا بحيث نحاول نعرفه للناس او لو في اي وسيلة ممكن تساعدك قوللنا و ان شاء الله مش هنتأخر ربنا يعوضك و يكرمك يارب
تم النشر الاثنين، ٢٥ سبتمبر ٢٠٢٣
خلاص اقنعى جوزك يكمل فى الكافيه ده ويحاول يكبره ويشتغل عليه لحد ما يكبر إن شاء الله ولو ممكن جوزك يشتغل شغل إضافى لتسديد الديون ومع شغلك وابعدوا خالص عن أهل جوزك ولو أمكن ممكن تنتقلو لمحافظة أخرى لعدم وجود محاولة إيذاء منهم
تم النشر الاثنين، ٢٥ سبتمبر ٢٠٢٣
لو المكان الاول دا بأسمك او اسم جوزك او اي حاجه تثبت انه بتاعكوا قدموا بلاغ وخدوا حقكوا محدش بيسكت عن حقه بيفلح وبدل هم ناس مؤذيه واذوا ابنهم اللي من دمهم مش هاتاخدوا منهم حق بالهروب
تم النشر الاثنين، ٢٥ سبتمبر ٢٠٢٣
عالم مهزقه والله هتعملي ايه افضلي حسبني عليهم
تم النشر الأحد، ٢٤ سبتمبر ٢٠٢٣
لعرض السؤال في فدني اضغط هنا