عندي فراغ عاطفي وأتعلق بالناس بسرعه وبمجرد ان حد يقولي كلمتين حلوين احبه واتعلق فيه وما يروح عن بالي حاسه ان دا بسبب اهلي لانهم عمرهم ما عطوني الحب اللي انا احتاجه وبابا شخص انتقادي جدًا دائما ينتقد تصرفاتي وشكلي بسبب ده بقيت احس ان مليانة عيوب وانظر للناس بنقص اشوف الناس احسن مني
اتخيل ان في حد بيحبني وبيعوضني عن كل شي بمر بيه لان انا فعلا محتاجه كدا محتاجه حد يحبني و احبه ودخلت علاقات كثيير من قبل وكلها حرام وتدمرت بسببها بس بعدين طلعت وما رجعت لها لانها حرام بس عندي شعور ان ما احد يحبني وعايزه احب نفسي بس مش عارفه كيف احب نفسي وايش سبب الفراغ العاطفي وكيف اتخلص منه
اول حاجه انت لازم تحبي نفسك تحبي نفسك بمعنى انك تحافظي على نفسك تهتمي بنفسك تنمي نفسك تنجحي في حياتك تقدري نفسك تكوني ناجحه في كل شيء تكوني عندك ثقه بنفسك وتكوني علاقتك بالربنا قويه. تحبي نفسك انك تكوني عايشه حياه مستقيمه بمعنى الكلمه. مش انك تكوني انانيه او تكراري حد او او تتجنبي الناس او تنعزلي لا تحبي نفسك زي ما قلت لك انك تهتمي بكل امور حياتك الصغيره والكبيره تثقفي نفسك هتتعلمي كل يوم حاجه جديده تنمي نفسك تبسطي نفسك بنفسك ده كده انت بتحبي نفسك لكن لو انت كرهت نفسك هتجيبي نفسك الاكتئاب هتضري نفسك بقى في كور سلبيه. دي حاجه الحاجه الثانيه. بالنسبه لفارس الاحلام بقى. في ناس كثير جدا كويسه وفي ناس اكثر واكثر واكثر مش كويس انا اختار الانسان الفارس ده ازاي يكون علاقته بربنا كويسه لان لو علاقته بربنا كويسه يبقى هو بيخاف ربنا يبقى هيخاف عليا. النقطه الثانيه تكون علاقته مع الناس حلوه ما حدش بيكرهه تشوفيه لما بيتخانقي مع حد بيعمل ايه بيخاصمه ازاي بيغلط فيه بيكون غدار بيكون بتاع مشاكل فاهمه فقال اهو كل انسان مش بتاعي مش يكون عنده فكاهه يكون يقدر مشاعرك يكون دائما يشيل من عليك الهموم ما يعملش عليكوا ضغوط يكون متفاهم تعرفي تتكلمي معاه تعرفي تشاركيه في ارائه يعني لما يكون مثلا في حاجه عايز يعملها تشوفيه كده هل هو بيعمل اللي هو عايزه بس ولا بيشكك معاه كل حاجه يكون انسان في حته الحب والعاطفه ما يكونش انسان يعني ااا في معظم الرجال بيبقى يقول لك مثلا على حاجه معينه يبقى لازم تسمعي الكلام اكنه نظام عسكري يكون متفاهم يكون متفتح يكون فاهم يعرف ازاي يحتويكي عايز يبسطك ما يحبش يخليك يشوفك زعلانه فاهمه قصدي هو خلص الاحلام في نفس الوقت كل انسان بيكون فيه عيوب مستحيل مش هيجيلك واحد 100% على مقاس ما فيش حد كده. لا لازم يكون تكونوا عارفين ان يكونوا مختلفين في حياه وتشوفوا ارضيه مشتركه ما بينكم وتتكلموا فيها. فاي اثنين هيقابلوا بعض هيكونوا مختلفين عشان لو انت استنيتي حد يكون زيك بنسبه 100% هتفضلي قاعده كده مكتئبه والحياه بتجري من قدامك وعمرك بيضيع منك وانت فاكره اللي انت بتعمليه ده صح ومع الوقت بعد ما يفوت الوقت هتشفي ان انت بتعمليه ده كان غلط وهتندمي بعدين. صحتي ليكي. انك تدي نفسك الفرصه انك يعني تشوفي الناس كويسه شوفي الناس من جوهرهم والله جالك واحد. في حاجات كويسه وفي حاجات محتاجه تتعدل تكلمي فيها لقيته عنده مرونه عنده قابليه للنقاش. يبقى ده كويس في واحد ثاني ممكن يقول لك لا انا كده ولو مش عاجبك خلاص براحتك يعني خلاص يبقى ده لا اسلوبه ايه هل مريم معاكي؟ هل هو شريكي في ناس على اقل خلافات ممكن يبيعوا الدنيا فانت هتقابلي ده وهتقابل ده. قبل كل الناس واختاري على مهلك لكن اللي انا عايز اقوله في الاخر ان كل الناس وكل الانواع موجوده انت ادعي ربنا وان شاء الله ربنا يرزقك انسان كويس بس اهم حاجه يكون الانسان ده سمعته كويسه الناس بتحبه. فاهمه قصدي يعني ما تختاريش واحد ايه يكون بتاع مشاكل وبيقف على الناصيه وبيشرب وتقولي لي انا شايفه فيه ان هو ده فارس الاحلام لا لازم يكون انسان برضه بيحب نفسه عنده طموح في الحياه بيهتم بنفسه في كل امور حياته فاهمه لان هو لو منظم في حياته وعارف هو عايز ايه مهتم بنفسه يبقى ده معناه ان هو بيحب نفسك فهيحبك انت كمان وهيدخلك في ايه في نظام حياته فده رايي انك اي اثنين منظمين لحياتهم وبيحبوا بعض بيحبوا نفسهم هيعرفوا يحبوا بعض. يعني انا مثلا دي تجربه يعني بقى لها فتره بسيطه حوالي اسبوعين كده ولا ثلاثه المهم يعني. كنت حاسس ان هي مخنوقه ومكتئبه ومرهقه جدا وكنت وكنت عايز احتويها في كل حاجه انا عايز اقول لك اني بسبب ان انا كنت عايز اعمل كل حاجه وكنت يعني مستعد ان انا اضحي بنفسي عشانها في اي حاجه بحيث ان انا كنت شاريها قوي يعني كانت بتبعد عني اكتر يعني انا حتى كنت بستغرب قلت طب ازاي ده انا متلهف عليها جدا من كتر ما انا متشوق فيها وشايفه احسن انسان في العالم. هي شافتني بقى ايه العكس تماما؟ انت. يعني المهم يعني خليني انا عايز اقوله ايه لو جاء لك حد لقيتيه ان هو بيعاملك حلو ده مش معناه ان هو بيضحك عليك عشان هو يعني عايز ايه يمشي الدنيا وكده لا ممكن يكون هو فعلا شايفك انسانه تستاهلي فعشان كده افترضى دايما حسني النيه ما تخافيش فاهمه قصدي وادعي ربنا وتعملي فتره خطوبه براحتك لغايه ما تتاكدي بالمواقف ومن تعاملاته والكلام ده كله وحطيه في مواقف طبعا كده الحاجات اللي انتم بتعملوها دي وان شاء الله كل حاجه هتبان. الخطوبه تمام تمام مش تمام خلاص هكذا يعني لازما تتعبي شويه عشان تلاقي فارس الاحلام ده. لان هو مش شايفك فلازما انت تظهري عشان الناس تشوفك.
تم النشر الأربعاء، ١٢ فبراير ٢٠٢٥
السلام عليكم، محتاجة تملأي حياتك ووقتك عشان يختفي شعورك بالفراغ عامة وكل ما رفعتِ مكانتك عند نفسك وطورتِ منها وزادت ثقتك بها كل ما قل تعلقك بالناس ورغبتك في الحصول على رضاهم عنك وحبهم لك. مش محتاجة على فكرة حد يعوضك عن افتقادك لعاطفة والدك... وهي أكيد مش مبرر للخطأ ولجؤك لعلاقات حرام... العاطفة ممكن تعوضيها في علاقات تانية مع أصحاب وزملاء بنشاطات ومهارات بتتعلميها بوقت لطيف تقضيه مع نفسك بتعملي حاجة بتحبيها. بالنسبة لفكرة فارس الأحلام فطبيعي خصوصا لو أنتِ في فترة مراهقة والبنات غالبًا في فترة العواطف المتذبذبة بتراودهم الفكرة دي لكن مش مشكلة، اللي هيزودها قوي فراغك عن النشاطات وكمان لو بتتفرجي على مسلسلات رومانسية وعايشة في الجو الخيالي اللي في المسلسلات والكلام ده اللي بالمناسبة مش حقيقي طبعا. الحياة أكبر من كده وكلما مشيتِ فيها هتكتشفي ده.. الحب شعور جميل لكن لما يكون في موعده الصح وحلال ولما نكون احنا فاهمين إزاي نقدر نفسنا ونحبها ولا ننتظر الفارس المنتظر اللي هيخلي كل حاجة جميلة ويعوضنا عن كل المعاناة اللي في حياتنا. ركزي على نفسك، حبك وثقتك بها كل ده بيجي بالممارسة والاستمرارية والتدريب اليومي والتغيير أكيد مش بيحصل من يوم وليلة فخلي عندك عزم ولا تيأسي. بالتوفيق.
تم النشر الخميس، ١٣ فبراير ٢٠٢٥
الفراغ العاطفي بسبب عدم حبك لنفسك ،موضوع حب النفس وضوع يطول شرحه ولكن هقولك على خطوات ممكن تبدأى بيها رحلة حبك لنفسك أولا تكلمى نفسك بطريقة حلوه ومتجلديش نفسك ،ثانيا تعرفى نفسك اكتر ،ثالثا تتقبلى نفسك زى ما هى.
تم النشر الخميس، ١٣ فبراير ٢٠٢٥
عزيزتي، أولاً، أود أن أُعبر عن امتناني لصدقك ومشاركتك لمشاعرك وتجاربك. الفراغ العاطفي شعور يمكن أن يؤثر على الكثير من الأشخاص، ومن المهم أن تعرفي أنك لست وحدك في هذا الصراع. كما ذكرت، إن الشعور بالفراغ العاطفي قد يرتبط بتجارب الطفولة، وخاصةً في ظل الانتقادات المستمرة. من المهم أن تدركي أن الحب الذي تبحثين عنه يمكن أن يبدأ من داخلك. هنا بعض الخطوات التي قد تساعدك على التعامل مع هذا الشعور: تحبي نفسك: ابدئي بتحديد الصفات الإيجابية في نفسك. اكتبي قائمة بالأشياء التي تميزك، سواء كانت شخصية أو مهنية، وحاولي الإكثار من تذكير نفسك بها. تربية حب الذات تحتاج لوقت وجهد، لكن مع الاستمرار ستشعرين بتحسن. تعزيز العلاقات الصحية: إذا كنت تشعرين بالحاجة للتواصل مع الآخرين، حاولي البحث عن علاقات تعزز من قيمتك وتقديرك لذاتك، وليس العكس. احرصي على الانخراط في بيئات إيجابية ومشجعة. البحث عن الدعم النفسي: إذا استمرت هذه المشاعر، فقد يكون من المفيد استشارة متخصص في النفس. يمكن للمعالج أن يساعدك في استكشاف مشاعرك بطريقة عميقة ويساعدك على تطوير استراتيجيات لحب الذات. المشاركة في الأنشطة: حاولي الانخراط في أنشطة جديدة مثل الهوايات أو الأعمال التطوعية. هذه الأنشطة ليست فقط لتسلية وقتك، بل يمكن أن تفتح لك أبواب جديدة لتكوين صداقات وعلاقات صحية مع الآخرين. الصبر والرحمة مع النفس: تذكري أن الحب والعلاقات ليست شيء يمكن تعجيله، بل تحتاج لوقت ونمو. كوني لطيفة مع نفسك واتجهي نحو التعلم والتطور. في النهاية، أريد أن أذكرك بأن الحب الحقيقي يبدأ من الداخل، وقبول نفسك هو الخطوة الأولى نحو إيجاد السعادة. قد تستغرق هذه المسيرة بعض الوقت، لكن النية والإصرار سيساعدانك في التغلب على هذه التحديات. وفقك الله في رحلتك نحو الحب الذاتي والسعادة.
تم النشر الأربعاء، ١٢ فبراير ٢٠٢٥
دا كله مبدأه أنك شايفه حل مشاكل خارج عنك، وأن فيه حد بمجرد وصوله هيحللك مشاكلك دي، وفي الواقع الشخص دا اول لما ييجي هو اول حد هيستغل الضعف اللي عندك دا لصالحه، لان عادة الشخص العادي مش عاوز وجع دماغ عاوز حد يبقا معندوش مشاكل قدر الامكان
تم النشر الخميس، ١٣ فبراير ٢٠٢٥
أي إنسان مهما كان بيحتاج سواء ولد او بنت بيحتاج للامان والاطمئنان والاحتواء وان حد يكون فاهمه ويقدر يتكلم معاه بكل صراحه ويفهمه صح ويشيل من عليه ضغوط الحياه بس العلاقات الحرام بتكون للتسليه وللمتعه لكن لو حد بيحبك حقيقي هيدخلك بيتك ويروحلك وانتي مكرمه مش هيقولك اهربي واستنيني في الشارع عشان نهرب من أهلك ومحدش يشوفنا زي الحراميه ده انسان جبان ازاي هيحبك وهو بيسببلك مشاكل مترميش اخطائك أن اهلك هما السبب انتي السبب في كل حاجه واجهي عيوبك وبلاش حجج وكلنا فينا عيوب حسني من نفسك وادرسي عيوبك واجهي نفسك مش تروحي تعملي الحرام وتقولي انا مليش ذنب دول اهلك حرام عليكي تجبلهم العار وامك وابوكي تعبانين عشانك نصيحتي ليكي توبي وبلاش ترخصي نفسك سبب انك حاسه بنقص انك عارفه انك بتعملي الحرام وكل اهلنا لازم ينتقدونا احنا مش ملائكه اهلينا بيحبونا ممكن يكون بيحبونا غلط بس مبيكنش قصدهم شر
تم النشر الأربعاء، ١٢ فبراير ٢٠٢٥
أنا بمر بنفس الشئ بس الوضع العائلي عادي أظن ده بسبب العمر والهرمونات والمراهقة لكن انتي لازم تتعلمي تحبي نفسك وتقربي من ربك وكل شئ هيتحسن ان شاء الله
تم النشر الخميس، ١٣ فبراير ٢٠٢٥
يعني ايه تعلق مرضي انا مريت بتجربه من فتره بسيطه وكل ما اكلم حد يقولي ده حب مرضي بقولهم عادي حب من طرف. واحد وده بيحصل بيقولوا ده مرض ازاي اتاكد أنه مرض ولا أمر عادي
تم النشر الخميس، ١٣ فبراير ٢٠٢٥
لعرض السؤال في فدني اضغط هنا