احنا بيت عيليه وجوزى معاملته كويسه . بس يدخل الشقه ميتكلمش كلمتين على بعض وانا اللى اطبط وادلع .😪
هل انا مدلوقه عليه 🙃
💯وانا متجوزا من عامين ومعايا طفله ومثقفه جدا🌺
السلام عليكم ورحمه الله وبركاته ربنا يديم الود بينكم ويحفظلك بنتك من اي سوء يارب لا يا حبيبتي دي مش اسمها مدلوقه , هي دي طبيعة الست ودي طبيعة أغلب الرجالة انهم غير متكلمين أوي وبيحتاج منك تسأليه و تهزري معاه وتطمني عليه. كمان أقرأي عن لغات الحب والتعبير عن الحب جايز هو لغة التعبير الخاصه به غير لغتك فلما تفهمي هتوصلي للغة تواصل بينكم وسط ما بين حبك انه يتكلم معاكي وبين راحته في السكوت. أنصحك بكتاب أسمه لغات الحب الخمس ومتابعة دكتور هبة السواح ودكتور عمرو عز اخصائيين علاقات زوجية وهتلاقي سؤالك متكرر كتير
تم النشر الخميس، ٢ مارس ٢٠٢٣
طب ما تتدلقى عليه .( حتى لو مثقفه ...مع ان ده ملوش علاقة بالموضوع خالص ) اهم حاجة يكون فى مودة ورحمه ...وبعدين معاملته كويسه يعنى الراجل لما بيتكلم بيطلع منه حاجات كويسه واكيد راجع عاوز يفصل من دوشة بره ...طبطبى ودلعى وربنا يجعلك زوجة صالحة باذن الله ويرزقك الجنة ..ده مفيش احسن من كده.
تم النشر الخميس، ٢ مارس ٢٠٢٣
ممكن تطلبي منه انك محتجاه يعبر عن مشاعره ليكي اكتر لان ده حقك واحتياج اساسي عندك وهيفرق ف نفسيتك وهيحسن كفائة العلاقه ويساعدك انك تكوني ف توازن نفسي افضل وان العلاقات عموما مشاعرها رايح جاي ف مينفعش اديك وانت متدنيش احتياجي الي انا عايزاه كمان انك تحاول تغير من طباعك زي انك مش كتير الكلام والتعبير ده حاجه هقدرها جدا واكيد هتفرق معايا واكدي احتياجك للتعبير عن المشاعر والاهتمام والكلام والتفاعل
تم النشر الخميس، ٢ مارس ٢٠٢٣
حاولي تفتحي معاه مواضيع يكون هو مهتم بيها فعلا، وتشاريكه حاجات بيحبها
تم النشر الخميس، ٢ مارس ٢٠٢٣
أيوة طبعا استمري وحافظي على جوزك وحبه ليكي بكل الطرق الممكنة
تم النشر الخميس، ٢ مارس ٢٠٢٣
يعنى دا حاجه حلوه استمر
تم النشر الخميس، ٢ مارس ٢٠٢٣
وهي حاجة وحشة أنك تكوني مدلوقة على جوزك وأبو طفلتك - حتى لو هو طبعه صامت؟
تم النشر الخميس، ٢ مارس ٢٠٢٣
لعرض السؤال في فدني اضغط هنا