السلام عليكم ورحمة الله وبركاته
أريد حل لمشكلتي من شخص يعرف يساعدني
انا شخص بقيت مش فاهمه نفسي للأسف وليه وصلت للمرحله دي
حاسه دايما مليش نفس لي حاجه اي حاجه ببدا فيها بسيبها في الاخر
بحس بي وجع في قلبي مخنوقه وعايزه اعيط من غير سبب
دايما لم اتكلم مع حد بحس مفيش حد فهمني ووبندم اني اتكلمت
العلاقه في البيت مع اهلي كأني غريبه ودايما حاسه نفسي تعبانه ومرهقه مش بعرف اعبر عن اللي تعبني فكرت اني اروح لي دكتور نفسي بس اهلي رافضين الفكره يقولوا انتِ كويسه بقيت مش عارفه اعمل اي مع اني عارفه اني تعبانه وفي حاجه في بس مش عارفه هي اي
وعليكم السلام ورحمة الله وبركاته بصي يا جميلة الموضوع كله مجرد توحش في القلب والنفس يعني ايه الكلام دا يعني قلبك مستوحش. عارفة ايه الحل؟ قربي من ربنا صلي و يا حبذا لو في الليل في السكينة و في خلوة مع الله و أشتكي إليه من كل ما يضيق صدرك والله عن تجربه هترتاحي جداً و أقرأي قرآن اسمعي عن اسم الله الرحيم و الودود حبي ربنا وقربي دي إشارة ليكي من الله عز وجل إنك ترجعيله وقال الله ومن أعرض عن ذكري فإن له معيشة ضنكة إحنا في ضنك و حزن دائماً بسبب بعدنا عن ربنا. أما بالنسبة إن اهلك رافضين إنك تروحي لدكتور نفسي. فا أعذريهم يا حبيبتي ممكن يكونوا مش معاهم القدرات المادية لدا و كمان ربنا هو اللي أعلم بينا من 10000دكتور لأن هو اللي خالقنا فا فري إلى الله ولو أحتجتي تتكلمي في أي وقت أنا موجودة. ممكن أبعتلك حساب التيلجرام
تم النشر الأحد، ٢٨ يوليو ٢٠٢٤
السلام عليكم ورحمه الله علشان تعرفي نفسك لازم تشوفي افكارك و تراقبيها علشان تقدري تفهمي نفسك و تحددي مشاعرك و تعرفي تتعاملي مع الأفكار و المشاعر اللي جواكي. ممكن كمان تكتبي علي ورقه كل اللي بتفكري فيه و ايه اللي مسبب ليكي التعب. لو محتاجه فعلا زياره طبيب أو معالج ف اتكلمي مع أهلك و عرفيهم أن المعالج بيساعدك علي تطور شخصيتك او تنميه مهاراتك أو تغير افكار مشوهه أو تعديلها، و أن فيه مجالات كتيره فيه و ابدأي اقنعيهم، و كمان فيه معالجين اونلاين ف ابحثي و شوفي هترتاحي لايه و نفذي
تم النشر الأحد، ٢٨ يوليو ٢٠٢٤
وعليكم السلام ورحمة الله وبركاته. حبيتي، أولا أقولك إن مشاعرك هذه طبيعية، وفي كتير من الناس بيمروا بمرحلة زي كده. صعب إنك تحسي بمشاعر مختلطة وزي ما قلتي، صعب إنك تعبري عن اللي جواك. أنتِ مش لوحدك، وفي أشخاص بيشعروا بنفس المشاعر. لو تقدري تتكلمي مع حد تثقي بيه، سواء كان صديقة أو قريبة، حاولي تعبيها بمشاعرك. أما بالنسبة لدكتور نفسي، لو كان عندك الرغبة تروحي، حاولي تشرحي لأهلك قد إيه الأمور صعبة عليك، وأنك محتاجة دعم. الحاجة المهمة دلوقتي هي إنك تحاولي تلاقي حاجة تحبيها وتستمتعي بيها، حتى لو كانت حاجة بسيطة زي القراءة أو الرسم أو الرياضة. فكري كمان في ممارسة التأمل أو اليوجا، دي ممكن تساعدك على تهدئة أعصابك وشعورك بالتعب. خدي الأمور خطوة خطوة، واعملي لنفسك وقت ترتاحي فيه. وافتكري، كلنا محتاجين مساعدة من وقت للتاني. وده شيء طبيعي. كوني لطيفة مع نفسك، وكل شيء حيكون أفضل. ❤️
تم النشر السبت، ٢٧ يوليو ٢٠٢٤
وعليكم السلام ورحمة الله وبركاته.
تم النشر الأحد، ٢٨ يوليو ٢٠٢٤
لعرض السؤال في فدني اضغط هنا