من فتره ايدي لقتها بتوجعني من المنطقه دي ومش عارف من اي أو اتخبطت في حاجه وانا مش واخد بالي. المهم حطيت مرهم عليها ولفتها كام يوم و دلوقت مفيش اي الم لاكن لما بعمل مجهود بحس بالم فيها ودخلت علي النت وعرفت أن العصب بتاع صوباع الإبهام بيعدي من المنطقه دي.
عايز اعرف بس حلها بيبقي عمليه ولا اي..
ولو انا سبتها هتأثر علي ايدي ولا لا..
سؤالي دلوقت
سلامتك ،، من وصفك ممكن تكون مجرد كدمة بسيطة حتروح اثرها مع الوقت. حاول تريحها وممكن تاخد مسكن اقراص او مرهم، لو الالم ما تحسنش يفضل تكشف مع طبيب عظام حيفحص ايدك و يشوف مجال الحركة وممكن يطلب اشعة عادية على اليد ، وبناء عليه يحددلك العلاج المناسب. اتمنى لك دوام الصحة والعافية. د. أنس يوسف ، أخصائي طب الاسرة
تم النشر الأربعاء، ١٤ ديسمبر ٢٠٢٢
فيه دكتور هنا على الابليكشن متخصص في العلاج الطبيعي اسمه د/ محمد عماد او ممكن تبعت تساله مباشر واكيد هيفيدك ان شاء الله وبالشفاء
تم النشر الأربعاء، ١٤ ديسمبر ٢٠٢٢
انا مش تخصصى ...بس هو ممكن الخبطة او الكدمه يكون لسه اثرها التهاب فى الوتر او العصب ان شاءالله بسيطة ولو الدكتور اكد ليك انه مجرد التهاب هيكون مضاد للالتهاب كافى ان شاءالله ممكن تجرب تلبس اليد اللى بتكون خامتها زى الرباط الضاغط ( مطاط) تعمل دعم شوية لفترة اثناء المجهود
تم النشر الأربعاء، ١٤ ديسمبر ٢٠٢٢
الافضل تكشف والدكتور هو اللي يحددلك عشان تطمن اكتر
تم النشر الأربعاء، ١٤ ديسمبر ٢٠٢٢
لعرض السؤال في فدني اضغط هنا