كان عندى وجع خفيف بالجنب الايمن وعملت اشعه والدكتور قال لي ان انت عندك حصوه 7 مللي قدامي علاج للاسف مش لاقيه في اي صيدليه فاضطريت ولما رحت ان انا اغير العلاج قال لي لا انت هتلاقيه في صيدليات تانيه فاضطريت ان انا اخذ علاجات تانيه عشان تنزله لغايه لما اعمل اشعه بعد شهر واشوف اللي هيحصل ايه المهم ان انا اتجهت ان انا اغلي البقدونس واشربه الصبح على الريق وجبت حاجه اسمها زيتون اسرائيلي برده اخذته على الريق وغير بعض الفورات زي اليوريوسلوفين فهل في قلق من حجم الحصوه ان هي تؤثر على على الكلى بالعلاجات الطبيعيه دي ولا لا
حجم حصوة الكلى 7 ملليلتر هو حجم متوسط، وقد يصعب نزولها من تلقاء نفسها. العلاجات الطبيعية مثل غلي البقدونس وشرب زيت الزيتون الإسرائيلي قد تساعد في إذابة الحصوة أو تفتيتها، ولكنها قد لا تكون كافية في بعض الحالات. من المهم متابعة العلاج الذي وصفه لك الطبيب، حتى لو لم تجده في الصيدليات. قد يكون هذا العلاج أكثر فعالية في إذابة الحصوة أو تفتيتها من العلاجات الطبيعية. إذا كنت تعاني من آلام شديدة في الكلى، أو إذا كان لديك دم في البول، أو إذا كنت تعاني من الحمى، فيجب عليك مراجعة الطبيب على الفور. فيما يلي بعض النصائح التي قد تساعدك في علاج حصوة الكلى: اشرب الكثير من السوائل، خاصة الماء. يساعد ذلك في إذابة الحصوة وتفتيتها. تناول الأطعمة التي تساعد في إذابة الحصوة، مثل الفواكه والخضروات. تجنب الأطعمة التي قد تزيد من خطر تكون حصوات الكلى، مثل الأطعمة التي تحتوي على نسبة عالية من الكالسيوم أو الأوكسالات. من المهم أيضًا أن تحافظ على وزن صحي، لأن السمنة تزيد من خطر تكون حصوات الكلى. إذا لم تتحسن حالة حصوة الكلى بعد شهر من العلاج، فقد يحتاج الطبيب إلى إجراء عملية جراحية لإزالتها.
تم النشر الأحد، ١٠ ديسمبر ٢٠٢٣
البابونج بيريح الكلى بردو واليمون المغلي بيفتت الحصوات والبقدونس المغلى على القائمة وربنا هو الشافى والمعافى فى ناس كتير كده عادى يعنى مش هتأثر على الكلى بس انت اشرب ميه كتير وحاول تقلل من الملح لو بتاكل ملح كتير مثلا مخللات أو كده وحلل بول وشوف ترسيب الحصوه سببه أملاح ايه بالظبط على شان لما تعرف السبب هتعرف إزاى تعالجه . وربنا يشفيك إن شاء الله.
تم النشر الخميس، ٧ ديسمبر ٢٠٢٣
ألف سلامة أنا برضو بعانى من الحصوات على طول لم زهقت من العلاج روحت أشرب شعير على الريق وبقدونس اخضر بس أنا مداوم عليه على طول بمعنى الشعير موجود عندي على طول أشرب شعير كتير وأن شاء الله هتلاقي نفسك احسن
تم النشر الخميس، ٧ ديسمبر ٢٠٢٣
بالنسبه للعلاج ممكن تستشير الدكتور يغير العلاج لحاجه تكون متوفرة او تطلبه اونلاين
تم النشر الأربعاء، ٦ ديسمبر ٢٠٢٣
الف سلامة على حضرتك انا كنت سمعت ان مشروب بريل الشعير لما تنتظم عليه بيساعد في تفتيت الحصوة وساعد والد صاحبتي ورشحت الموضوع لمامتي برضو
تم النشر الأربعاء، ٦ ديسمبر ٢٠٢٣
وباذن الله مش هاخد وقت بس الاستمرار علي العلاج شي مهم واشرب مياه كثيره
تم النشر الأربعاء، ٦ ديسمبر ٢٠٢٣
الحصوي بتتفت وبتنزل بس اهم حاجه استمر علي العلاج
تم النشر الأربعاء، ٦ ديسمبر ٢٠٢٣
واسال الله بشفاء العاجل
تم النشر الأربعاء، ٦ ديسمبر ٢٠٢٣
حضرتك قلت علاج طبيعي يعني ربنا اللي خلقه احسن بمليون مره من علاج انسان صانعو احسن بمليون مره اي ده ميتقارنش بده خالص ربنا بيخلق الدواء قبل الداء حضرتك تقدر تغلي بقدونس مع النعناع وعصره ليمون وربح معاه ممسوحه من السكر وشربه ويفضل بدل السكر عسل
تم النشر الأربعاء، ٦ ديسمبر ٢٠٢٣
حضرتك تقدر تطلب العلاج من صيدليات اونلاين وبتوصلهالك لحد البيت أما بالنسبه البقدونس هي كويسه جدا أنا بابا جربه قبل كده ان الحصوات كانت كتيره ونجح مع العلاج ومع مجموعه اعشاب تفتيت الحصوات من عند العطار واسال الله العظيم رب العرش العظيم ان يشفيك ويشفي كل مريض
تم النشر الأربعاء، ٦ ديسمبر ٢٠٢٣
طيب هى الحصوة دى بتنزل ولا حجمها كبير لازم تفتيت
تم النشر الأربعاء، ٦ ديسمبر ٢٠٢٣
لعرض السؤال في فدني اضغط هنا