اسف ع السؤال اللى هايقلب عليكو المواجع ده 🤣 بس يمكن استفاد منكم
بتفكو التعلق بعد الانفصال ازاى ؟
يعنى لما روحك وكيانك يبقو متعلقين بشخص وبتعشقه ومافيش مجال انكو ترجعو ولازم تشوف حياتك بس متعلق بيه
يعنى لما يفضل يجيلى فى دماغى طول اليوم ومش قادر اطلعه من تفكيرى ولا قادر اكرهه رغم انه اذانى كتير فا بعدت بس مش عارف اكرهه ولا قادر ابطل تفكير فيه ولا فى مجال لرجوع نهائى...
وقابلت ناس كتير غيرها وكويسين جدا بس مش عارف احب حد حتى لو بنسبه صغيره
التعلق وسنينه على رأى الاستاذ محمد هنيدى ( هما يجوا بعد التعلق ويقولوا نعمل ايه 😅) عشان نفك التعلق شوية لازم نفكر فى الشخص ده انه بنى ادم عادى ....معلش طبعا هو التعلق بيخلينا نحس انه اكسجين الحياه. حلو اننا وجود اللى بنحبه يفرق معانا ويزودلنا اللى عندنا...بس اننا من غيره نبقي ولا حاجة ....دى حاجة فيهل ظلم للنفس كبير جدا . اولا ترجع تحس بنفسك تانى وبقيمتك الحقيقية ثانيا نشوف دايما الشخص ده انه واقف ورانا واحنا ماشيين على كوبري من غير سور ...كل ما تفكر انك تبص وراك عليها هتبقي بتخاطر بحياتك حرفيا . وده مش تعبير مجازى وبس ...لان التعلق لو اتقلبت بسببه على ضهرك او وقعت هتبقي فى حفره هتاخد وقت طويل عقبال ما تطلع منها....طب ويبقي ليه من الاول. خلينا نقول ان الذكرى هتفضل جوه قلبنا ودى حاجة مش وحشه ....دى حاجة طبيعية. استرجع بقى روحك وكيانك لان هما معاك اصلا وانت اللى متخيل انهم مع حد ...انت اللى بتحطهم جوه شخص وانت اللى تقدر تسترجعهم لذاتك. كل ما تقدر نفسك ...هتقدر تخلص من الاحساس ده .
تم النشر الأحد، ٩ أبريل ٢٠٢٣
🖼️ صور مرفقة
تم النشر الأحد، ٩ أبريل ٢٠٢٣
متقاومش المشاعر دي طبيعي حبيت شخص في مشاعر في ذكريات ومفيش زرار ف دماغك وقلبك تقوله انسى ف هينسى لا بالعكس هتفضل تضغط عليه ينسى هتفضل الفكره ف دماغك اكتر بس لازم تتقبل فكره الفقد وانا فقدت الشخص ده وانفصلت عنه ومكنش ينفع بأي شكل افضل معاه وف كل مره تفتكره اكتب انت سيبته ليه واتأذيت منه ازاي بس متقفش لحد هنا ف نفس الوقت كمل حياتك كملها ومتتجاهلش الوجع حسه عادي بس وانت بتسعى وانت بتشتغل وانت بتضغط ع نفسك تتعامل مع باقي الناس ومتخبيش مشاعرك انك تبين انك مبسوط بس انت منهار من جواك لا اظهره بالي انت حاسه وخلي فكره واحده ف دماغك هي فتره وهتعدي صعبه شويه بس هتعدي وهطلع منها احسن من الاول وشوف المعنى والمغزى من انفصالك اكيد ربنا بعد عنك شر عشان يرزوقك بخير كبير انتظر تشوف الخير ده
تم النشر الأحد، ٩ أبريل ٢٠٢٣
مرحبًا، فهمي وتعاملك مع التعلق يعتمد على الوقت الذي تحتاجه للتعافي. ومع ذلك ، هناك خطوات يمكنك اتباعها للمساعدة في إعادة توجيه تركيزك وعقلك في مسار جديد. اتبع هذه الأفكار العامة للمساعدة في التعافي: 1- تفاعل مع أشخاص آخرين: حاول جعل الأصدقاء والأسرة جزءًا من حياتك من خلال اتخاذ الوقت الكافي للتفاعل معهم. 2-الانغماس في هوايات أخرى: قومي بممارسة هوايات أخرى تسبب لك السعادة وتساعدك على نسيان الأمور السلبية. 3- تقبل الحقائق: اتقبل أن العلاقة التي كانت بينك وبين الشخص قد انتهت وحاول التعلم من الأخطاء التي حدثت لتجنبها في المستقبل. 4- حاول ممارسة الرياضة البدنية: حاول ممارسة الرياضة البدنية وذلك من خلال الذهاب إلى النادي الرياضي وممارسة التمارين الرياضية يوميًا وذلك يساعد على تخفيض الضغط النفسي. 5- التركيز على الإيجابيات: حاول التركيز على الجوانب الإيجابية والأشياء التي تسعدك في الحياة بدلاً من التركيز على الأمور السلبية. تذكر أن الشعور بالتعلق يمكن أن يكون شعورًا طبيعيًا بعد انتهاء العلاقة، ولكن يمكنك الشعور بالتحسن مع الوقت والتركيز على التعافي وبناء نفسك واهتمامك بنفسك.
تم النشر الأحد، ٩ أبريل ٢٠٢٣
لعرض السؤال في فدني اضغط هنا