ده شيء طبيعي جدا، حضرتك كنتي معتاده ع عاده "هى ف الواقع تصنيفها عاده سيئه ضاره" دلوقتي اختفت وراحت "الحمد لله" ف انتِ مش عارفه تعوضي النقص اللى حصل، هو بعيدا عن ان الموضوع غلط انك تكلمي شاب من الاول، وانك لازم تشكري ربنا انو بعدك عنه أيا كان السبب ده كده ربنا بيحبك جدا، انتِ لازم تستبعدي من دماغك فكرة انك تتكلمي معاه او مع غيره مهما كان حنينك ليه، وتحطي ف دماغك ان ده طبيعي اني اشتاق ليه، لان هو او غيره او اي حد ف حياتك واخد جزء من اهتمامك ومن وقتك لما يبعد طبيعي نحس بحنين واشتياق، فانتِ متحاوليش تمنعي نفسك من الاشتياق ليه عشان مش بإيدك بس لازم تمنعي نفسك من انك اصلا تفكري تكلميه تاني، بصي يحبيبة قلبي، كل م تلاقي نفسك عايزه تكلميه وتختلقي عذر عشان تكلميه واه ده واحشني، قولي لنفسك " مفيش مشكله واحشني اهلا وسهلا ده طبيعي بس انا بنت محترمه مبكلمش شباب وعفا الله عما سلف " ونقفل متديش دماغك ونفسك فرصه انها تكلمك اصلا، انا عندي مبادئ وحدود متخطاهاش، اقاوم شيطاني وشهواتي، اومال فين جهاد النفس، الرسول ﷺ قال " سيأتي علي أمتي زمان القابض علي دينه كالقابض علي الجمر " فيما معناه يعني.. ابعدي عن الاغاني وسيبك من تامر عاشور وجو الحب واه يحبيبي واحشني، وهيجيلي موجوع، ومحن ابليس ده مش بيأكل عيش، وهيجيبنا ورا ان شاء الله، عارفه انه صعب تنسي بس انتِ خليكي مقتنعه انه طبيعي تتوجعي طبيعي تعيطي وتحني، بس مش طبيعي ترجعي للمعصيه دي بعد م ربنا سترها علينا لي نرجع بقي؟ ها؟ متفكريش يروحي، ادعي ربنا ينسيكي ويعوضك خير، عشان من ترك شيئا لله عوضه الله خيرا منه، ويا الله علي عوض ربنا مقولكيش، ربنا يبنتي ربنا، وعن تجربه والله، قومي كده صلي ع النبي ونضفي الاوضه بتاعتك ونضفي الشقه وروحي لست الحبايب راضيها وقوليلها تدعيلك، وقومي شوفي نفسك كده، اعملي استشوار وحطي ميكب ودلعي نفسك (ف البيت طبعا) وسيبك بلا حب بلا بتنجان، انتِ جميله يروحي بلاش نقعد نختزل مشاعرنا مع ناس ملهاش اي اهميه ولا محور ف حياتنا واحنا عاملين ليهم اهميه وقدر اكبر من حجمهم (مع احترامي ليه) ف متفكريش اصلا ف الموضوع ولا اكنه حصل، انتِ تحبي مامتك وباباكي تحبي رسول الله لما تقرأي السيره، تحبي ربنا عشان يحبك، صلِّ ع النبي كتير انهارده ليلة الجمعه، روقي كده وفكي.. وربنا يوفقك يارب 🥰❤❤
أبدا يحبيبي ربنا يستخدمني ف خدمة الناس دايما يارب، تسلمي على كلامك اللطيف، اتمني أكون فدتك بحاجه ❤️🩹🥰
تم النشر الجمعة، ٢٤ يناير ٢٠٢٥
انا فعليا الحمدلله حاطه حدود وعمري ما اتخطاها الحمدلله أنا بس فكرتي ف أني حاسه اني غلط اني مشتاقه ليه ويعني زي ما بيقولو مش عارفه اعمل موڤ اون انتِ فاهماني، كلامك جميل جدا اللهم بارك وطريقتك عسل وبجد متأسفه اني خدت من وقتك عشان تكتبي كل ده حقيقي، اتمني مكنش مسببه ازعاج🩷
تم النشر الجمعة، ٢٤ يناير ٢٠٢٥
لعرض الإجابة في فدني اضغط هنا