كنت بحب بقالي تلت سنين وكنا صحاب اوي اوي ودلوقتي منعرفش حاجه عن بعض ونفسي أرجع اكلمه بس شعور اني مش قادره ده مسيطر عليا خايفه جدا ومفقتداه اوي كان جزء كبير فحياتي نفسي ارجع اتطمن عليه زي الاول بس علاقتنا معدتش تسمح ف حل؟
بصي عشان كده انا هقول لك نصيحتي على قد ما انت مفتقده قوي قوي قوي قوي قوي اعرفي ان هو غلط قوي قوي قوي قوي قوي انك ترجعي تتكلمي معاه ليه لان افتقادك الشديد ده معناه انك تعلقتي بشكل جديد ومش بشكل صح ارجوكي ما ترجعيش تكلمي تاني.
تم النشر الاثنين، ٢٠ يناير ٢٠٢٥
أحيانا بنعلق نفسنا في ناس أو علاقات فاكرين إنها كل حاجة في حياتنا، بس الحقيقة إن الحياة مش بتقف على حد.. اللي مش موجود في حياتك دلوقتي ممكن يكون مكانه اتفضى لحاجة أحسن، لحاجة تناسبك أكتر، لحاجة تخليك سعيدة بجد قدام.. فكري كده، ليه تفضلي تحبسي نفسك في ذكرى أو علاقة ما بقتش تضيف ليكي؟ الحياة مستمرة، وإنتي أولى بوقتك وطاقة قلبك.. اللي ما قدرش يحافظ عليكي زي ما تستحقي، يبقى مكانه مش في حياتك، لأن اللي يستاهلك هيجي يفضل موجود ويدعمك.. كل مرة تفتكرى العلاقة دي، فكري إنها كانت مرحلة علمتك حاجة، بس خلاص و انتهت.. زي ما كلنا بنتعلم نمشي بعد ما بنقع وإحنا صغيرين، بنتعلم كمان نمشي بعد ما بنعدي من علاقات مش مكتوبة لينا نكملها.. قولي لنفسك دايما وفكريها انك تستحقى حد يحبك بجد ويقدرك ، وانك لازم تعيشى عشان نفسك واسعاد روحك.. الى راح خلاص راح الى جاى ربنا هيكتبلك الاحسن والخير.. ركزي على نفسك، أهدافك، حياتك، واهتمي بحاجات بتحبيها الحب الحقيقي يبدأ من جواكي لنفسك.. ومتخافيش من حاجة الخوف بيبدأ جوانا وبيخلص جوانا.. اطمنى ان حياتك هتمشى بتقدير وترتيب عجيب من ربنا لحد ماتسجدى من كتر الفرح والشكر.. احفظى قلبك للي يستحقه وحافظى على مشاعرك..
تم النشر الاثنين، ٢٠ يناير ٢٠٢٥
ده شيء طبيعي جدا، حضرتك كنتي معتاده ع عاده "هى ف الواقع تصنيفها عاده سيئه ضاره" دلوقتي اختفت وراحت "الحمد لله" ف انتِ مش عارفه تعوضي النقص اللى حصل، هو بعيدا عن ان الموضوع غلط انك تكلمي شاب من الاول، وانك لازم تشكري ربنا انو بعدك عنه أيا كان السبب ده كده ربنا بيحبك جدا، انتِ لازم تستبعدي من دماغك فكرة انك تتكلمي معاه او مع غيره مهما كان حنينك ليه، وتحطي ف دماغك ان ده طبيعي اني اشتاق ليه، لان هو او غيره او اي حد ف حياتك واخد جزء من اهتمامك ومن وقتك لما يبعد طبيعي نحس بحنين واشتياق، فانتِ متحاوليش تمنعي نفسك من الاشتياق ليه عشان مش بإيدك بس لازم تمنعي نفسك من انك اصلا تفكري تكلميه تاني، بصي يحبيبة قلبي، كل م تلاقي نفسك عايزه تكلميه وتختلقي عذر عشان تكلميه واه ده واحشني، قولي لنفسك " مفيش مشكله واحشني اهلا وسهلا ده طبيعي بس انا بنت محترمه مبكلمش شباب وعفا الله عما سلف " ونقفل متديش دماغك ونفسك فرصه انها تكلمك اصلا، انا عندي مبادئ وحدود متخطاهاش، اقاوم شيطاني وشهواتي، اومال فين جهاد النفس، الرسول ﷺ قال " سيأتي علي أمتي زمان القابض علي دينه كالقابض علي الجمر " فيما معناه يعني.. ابعدي عن الاغاني وسيبك من تامر عاشور وجو الحب واه يحبيبي واحشني، وهيجيلي موجوع، ومحن ابليس ده مش بيأكل عيش، وهيجيبنا ورا ان شاء الله، عارفه انه صعب تنسي بس انتِ خليكي مقتنعه انه طبيعي تتوجعي طبيعي تعيطي وتحني، بس مش طبيعي ترجعي للمعصيه دي بعد م ربنا سترها علينا لي نرجع بقي؟ ها؟ متفكريش يروحي، ادعي ربنا ينسيكي ويعوضك خير، عشان من ترك شيئا لله عوضه الله خيرا منه، ويا الله علي عوض ربنا مقولكيش، ربنا يبنتي ربنا، وعن تجربه والله، قومي كده صلي ع النبي ونضفي الاوضه بتاعتك ونضفي الشقه وروحي لست الحبايب راضيها وقوليلها تدعيلك، وقومي شوفي نفسك كده، اعملي استشوار وحطي ميكب ودلعي نفسك (ف البيت طبعا) وسيبك بلا حب بلا بتنجان، انتِ جميله يروحي بلاش نقعد نختزل مشاعرنا مع ناس ملهاش اي اهميه ولا محور ف حياتنا واحنا عاملين ليهم اهميه وقدر اكبر من حجمهم (مع احترامي ليه) ف متفكريش اصلا ف الموضوع ولا اكنه حصل، انتِ تحبي مامتك وباباكي تحبي رسول الله لما تقرأي السيره، تحبي ربنا عشان يحبك، صلِّ ع النبي كتير انهارده ليلة الجمعه، روقي كده وفكي.. وربنا يوفقك يارب 🥰❤❤
تم النشر الخميس، ٢٣ يناير ٢٠٢٥
السلام عليكم.. حتي لا ادخل في أمر لا تتقبلين الانصات إليه. سوف تظلين في فراغ جامح ولن ترضي ابدا ولن ترتاحي مادمتي تعصين الله وبعيده عن الله هذا كل مافي الامر أتمنى من الله الهدايه لنا جميعا
تم النشر الأربعاء، ٢٢ يناير ٢٠٢٥
هو ني على نفسك ي جميله بسم الله علي قلبك ،لو كان خيرأَ لبقي ،كان خطيبك كان ارتباط رسمي يعني
تم النشر الاثنين، ٢٠ يناير ٢٠٢٥
القصه كبيره اوي ياجماعه وانا دايما حاسه اني لوحدي ومحدش جمبي وفعلا مش عارفه اعمل ايه
تم النشر الاثنين، ٢٠ يناير ٢٠٢٥
لعرض السؤال في فدني اضغط هنا