انا حاسه ان السوشل ميديا مأثره عليا اوي الفتره الاخيره وعلي نفسيتي وانا بشوف الناس اللي بتطلع وتتصور و بتخرج ف الاجازه والناس اللي بتتقدم ف حياتها وبتعمل إنجازات وانا قاعده ف مكاني ومبتحركش ده غير ارتباطي ب الموبايل اللي حاسه بقي ادمان ومش بعرف ابعد عنه و مخليني مركزش في دراستي والمشكلة اني مش هينفع اسيبه لانه انا بحاجه ف حاجات كتير بس فنفس الوقت انا محتاجه ابعده عني ومش عارفه اتحكم في استخدامي الزايد ده وحتي البدائل زي اللابتوب والتابلت نفس الشئ ينطبق عليهم اكبر مشكله بالنسبالي لاني مش قادره اوقف ده بقي ادمان
حاولي تمسحي الفيس مثلاً أو حاجات السوشيال اللي ملهاش فايده، اقنعي نفسك أنها فعلاً مافيهاش فايده، يعني مجرد انك بتتصفحي وتشوفي استوريهات وفيديوهات وبس.. فا حاولي تمسحيهم.. قبل ما تمسحيهم، حطي لنفسك أهداف وخطه تمشي يومك إزاي ؟ بحيث ما تحشيش أن مافيش حاجه بعمله والوقت ممل ودول اللي كانوا بيسلوني وتلاقي نفسك استخدمتيهم تاني.. حطيلك أهداف زاي جانب دي (هقرا الاذكار - هقرا وجه من القرآن - هصلي.... إلخ) وحاجات من العادات دي. وجانب ثقافي زاي ( هقرا كام صفحه من كتاب- هسمع فيديو مفيد- هتابع دوره في مجال معين- هسمع حلقه من البودكاست... إلخ). وخلي في أهداف ليكي ولصحتك وهوياتك( هلعب رياضه- هعمل يوجا- هتعمل نط الحبل- هاكل أكل صحي مثلاً - هرسم كل يوم رسمه لو بتحبي الرسم- هتعمل حاجه هاند ميد... إلخ) المهم حاجات تملي فراغك وما تحشيش أن في ملل، لو لسه بتدريس حطي وقت لمذكرتك.. احسبي بتستخدمي كل تطبيق قد اي؟ لما تعرفي وتشوفي بعينك حجم الوقت ده هيخليكي تقومي وتحسي أنه لا مش هضيع كل الوقت ده.. https://play.google.com/store/apps/details?id=com.actiondash.playstore التطبيق ده حلو بيحسبلك كل تطبيق استخدمتي النهارده قد اي وخلال الأسبوع قد اي؟ وفي إمكانية انك تحددي وقت معين لكل تطبيق تستاخدمي فيه وبعدها بيتقفل، وانك تعملي وضع التركيز فا يقفلك التطبيقات اللي انتي بتختاري أنها بتشتتك وقت التركيز في حاجه.. ويعمل زاي لعبه، كل ما تستخدمي التطبيقات أقل كل ما تاخدي نقط تطلعك مستوي اعلي وتاخدي كأس أعلي، فا فيها حماس مش مجرد تطبيق بس.. نزلي تطبيق البودكاست حلو جدا في حلقات صوتيه لحاجات كتير جدا ومفيده و هتلاقي اندمجتي فيه واستمتعي.. اتفرجي على قنوات مفيده على اليوتيوب، زاي علي وكتاب والقناة بتاعته عموماً مفيده، اسمعي دورات للبشمهندس أيمن عبد الرحيم، ودكتور إياد قنيبي، وناس كتير هتلاقيها مفيده.. اسمعي فيديوهات لازاي تغسلي اسنانك صح، أو ازاي تحسبي كتله جسمك وتهتم بصحتك، اتفرجي على ازاي تعملي ماسكات للشعر والبشره كل ده هياخد من الوقت وهتلاقي نفسك طلعتي بفايده أكتر.. اشتركي في اصبوحه علي الفيس صفحه جميله وهتابع معاكي القراءة انك تحفظي على القراءة كل اسبوع، وكل ما تنتظمي بتاخدي شهادات تقدير💚 كل الحاجات دي هتساعدك تبعدي عن السوشيال وتقليلي استخدمها حتي لو مش هتمسحيها💚
تم النشر الخميس، ١٥ فبراير ٢٠٢٤
دي مشكلة العالم دلوقتي كله مدمن موبيل ، حاولي تشغلي نفسك مذاكره او خروج ، رياضة ، تساعدي مامتك ، تقرأي قرآن او كتاب المهم تبعدي الموبيل عنك وحاولي تقفليه وتحطيه ف الدرج بعيد عن عينك علشان عقلك يبعد عنه شوية ميبقاش عايز يمسكه حتي لو زهقتي ومش لاقيه حاجه تعمليها ، حاولي تعملي كده لو ساعه حتي مع الوقت الموضوع هيقل ان شاء الله والمشاغل هتبعدك عنه
تم النشر الجمعة، ١٦ فبراير ٢٠٢٤
حاولى على كدا ما تقدرى تشغلى بالك باشياء اخره
تم النشر الجمعة، ١٦ فبراير ٢٠٢٤
انظري الاسئلة التي في الاسفل ستجديها مشابهة للغاية.
تم النشر الخميس، ١٥ فبراير ٢٠٢٤
لعرض السؤال في فدني اضغط هنا