دلوقتي انا حاسه اني معجبه بزميل ليا وهو مش عارفني ومش عارفه حتي عارف اسمي ولا لأ وانا عارفه انه حرام وماينفعش بس انا كل شويه بيزيد اعجابي ناحيته وانا خجوله يعني مستحيل اخد اي خطوه ناحيته غير انه حرام فاانا مش عارفه اتصرف ازاي وبحس انه بيبصلي احيانا ولا دي تهيؤات ولا اي!!
طيب نبدأ بكذا جزء كده بعض الاول أول حاجة المشاعر اللي بتحسيها مش حرام اطلاقا. فيه فرق ما بين اللي بحسه وما بين اللي بعمله. يعني ربنا مش هيحاسبنا ابدا على مشاعرنا .. وعلى اللي بنحسه .. هل بايدك تكرهي شخص او تحبي شخص .. ف لا مش حرام. كويس اوي انك قولتي اعجاب .. لان بيبقى في مشكلة في الموضوع ده والاغلبية بيقولوا (بحب) وده طبعا شم بيكون حب ، ده بيكون انجذاب او اعجاب عادي. تاني شئ. وده مهم جدا .. انتي ليه سأتلي السؤال ده او ذكرتي الجزء ده ( بتحسي انه بيبص احيانا ولا ديه تهيؤات)؟ فيه جزء منك بيقول ممكن ومش ممكن.. فيه جزء منك مش متأكد هل انتي في دماغه فعلا ومعجب ولا مشاعري اتجاهه هي اللي وصلتني لكده؟ علشان نكون واضحين مع بعض .. من وجهة نظري انا لا اومن بأي كلام غير لما يطلع من الشخص ده نفسه (وبشكل مباشر .. بشكل مباشر وصريح) يعني ايه بشكل مباشر؟ يعني انتي مش معقول هتقعدي ترهقي نفسك في مشاعر من بعيد لبعيد وهو اساسا ممكن ولا هو هنا.! انتي ممكن تكوني بتفترضي افتراضات اساسا غير موجودة .. ولو هتقعدي تكلمي نفسك وتروحي في الدايرة ديه ... محدش هيتأذي غيرك في الموضوع. من تفكير وارهاق واهتمام غير ملحوظ منك له. طيب الحل ايه دلوقت ؟ أول حاجة لازم تكوني متأكدة منها انه مش حب، ده اعجاب عادي .. لان لو جه حد بنفس المواصفات ويمكن اكتر برده هيبقى جواكي اهتمام شوية، لان حابه المواصفات، حابه الشكل الخارجي منه اللي باين للكل. انيت لسه متعرفهوش. تاني حاجة .. لاما تبطلي تشغلي بالك به .. وتقنعي نفسك بان مفيش حاجة من الحاجات ديه كلها علشان سلامك النفسي. لاما توسطي حد بينكم ( ولكن يكون على قدر كبير من الثقة الشديدة) لانك بتقولي انك محرجة اساسا من الموضوع ف اكيد مش هتروحي تقولي انا يا كذا عندي ليك مشاعر ف هتكون صعبة عليكي جدا. فالحل هنا (وسيط). هيبقى جواكي سؤال هو مش ممكن يكون بيفكر طيب برده؟ اه ممكن .. طبعا ولكن مفيش دليل ملموس، الراجل منطقش .. مجاش وقالك انا معجب .. فبالتالي طالما مفيش كلام يبقى مفيش افتراضات من ديه. انا بحاول فقط افتح ليكي عدة مواضيع علشان كله يبقى قدامك .. اتمنى اكون قدرت اساعدك
تم النشر السبت، ١٤ يناير ٢٠٢٣
المشاعر اللى بتحسيها مش حرام اللى بيكون حرام هو الافعال اللى بتكون خارج الاطار الشرعى بناءا على المشاعر دى يعنى المشاعر والاعجاب ده لو دخل جو اطار الحلال فهو هيبقي سبب حلو . ادعي ربنا لو خير ييسره ليكى ويقربه منك ...ولو شر يبعده عنك ويبعد تفكيرك عنه.
تم النشر السبت، ١٤ يناير ٢٠٢٣
هو عادي يبصلك لانه وارد يبص صدفه اصلا مش معناها حاجه من نحيته بس في نقطه مهمه عايزاكي تركزي عليها طالما هو مش قريب منك ومش عارفه عنه حاجه بالتفصيل هتفضلي تشوفيه نجم لامع وانه يستحق الأعجاب ورغم انه وارد يكون سيئ جدا والي شدك ليه قشور بس بقولك كده عشان تاخدي بالك من التفاصيل اكتر ومتعلقيش نفسك بحاجه بعيده عنك عاجبك شكلها من بره وهو مقلكيش حاجه ف قلبك هيوجعك لقدر الله لو لقيتيه مع واحده تانيه فكري ف الكلام ده عشان تعرف تتعاملي مع مشاعرك صح من غير متأذيها بعدين
تم النشر الأحد، ١٥ يناير ٢٠٢٣
لو أنت عندك فكرة كويسة عن دينه وأخلاقه وحاسة أنه يستحق يكون زوجك (يعني الإعجاب ليس إعجابا شكليا) فلا مانع أن لو فيه واحدة زميلة مشتركة بينكم وعلاقتها بيه وبيكي كويسة أنك تفاتحيها في الموضوع وهي تعرض له بالكلام وتجس نبضه كأنها هي اللي بتوفق بينكم .. وإن لم يكن هناك هذا الشخص المشترك بينكم موضع ثقتك وكنت متأكدة من صلاح هذا الشخص فأكثري من الدعاء في الصلاة أن يقدره الله لك إن كان زواجك منه خيرا لك ولو كنت مش عارفة عن أخلاقه وتدينه حاجة فقاومي رغبة التفكير فيه ولا تتمادي مع خواطر الإعجاب لعل الله يحدث بعد ذلك أمرا
تم النشر السبت، ١٤ يناير ٢٠٢٣
شيلي الموضوع من دماغك لأن الأمل قد لا يكون أخره خطوبة وزواج ولا حتى أي شئ. ولو جالك قوليله يتقدملك عند اهلك.
تم النشر السبت، ١٤ يناير ٢٠٢٣
لعرض السؤال في فدني اضغط هنا