أنا عندي 15 سنة و عندي مشكلة في التغيير عمومًا في كل حاجة حتى في شخصيتي مش بقدر استحمل اي تغيير حتى لو كان حلو و لما حد بيقولي اني اتغيرت للأحسن أو للأسوء بدايق و دايمًا اي تغيير حلو بيحصلي بتبسط بيه شوية و بعدين برجع ازعل اني اتغيرت و ابقى عايزة ارجع للأنا كنت فيه رغم انوا مكنش حلو ولا كنت مرتاحة بس مش بعرف اتبسط بأي تغيير و علطول خايفة اتغير في أي حاجة عايزة افضل زي ما أنا بس بردو بدايق و مش عارفة اعمل ايه و كمان عندي مشكلة في التعامل مع الناس و مش بعرف ابقى على طبيعتي معاهم و اتكلم و مشكلة التغيير دي بتقصر على علاقتي مع الناس اني ببقى مش عايزة اطلع من اللي أنا فيه عشان ابقى مرتاحة و لما بحس اني فيا عيب بدايق و بقعد اعيط و عندي تأنيب ضمير و احساس بالتقصير مع أي حد
انتى فى فترة المراهقة والواضح انك معندكيش قدر كافي من التعرف علي الفتره دى وازاى تتعاملي معاها اخطر فتره هى المراهقه فيها بتنضج فينا حجات كتير وبتتغير مشاعرنا وهرموناتنا وغيرها لازم تقرأى عن المراهقه ادخلي علي اليوتيوب واقرأى كتير هيفيدك
تم النشر الاثنين، ٦ نوفمبر ٢٠٢٣
حاجه بسيطه خالص مشكلتك انتا مش منفتح علي المجتمع يعني باختصار بتحب الوحده الحل الوحيد انتا لازم تصاحب وتندرج في وسط صحابك وتخرج كتير
تم النشر الثلاثاء، ٧ نوفمبر ٢٠٢٣
طيب الموضوع ده بدأ معاكي يكون من امتى بالظبط؟ انتي بتبقى متوقعة ايه من اي شئ جديد؟ سواء الكويس او السئ؟
تم النشر الاثنين، ٦ نوفمبر ٢٠٢٣
مش عارفة السبب بس اللي عارفاه أن قبل كده فيه حاجة دايقتني في المدرسة و محكتهاش إلا بعد كام سنة عشان بس كنت خايفة يقولولي اني معرفتش اجيب حقي أو سكت عشان تخيلت هيقولولي كده و لما قولتلهم بعد كتير قالوا لي اني كنت المفروض احكيلهم بس أنا مكنتش عارفة احكيلهم ازاي
تم النشر الاثنين، ٢٠ نوفمبر ٢٠٢٣
أنا دلوقتي ممكن تطورت شوية مع الناس يعني بقيت بتكلم شوية معاهم بس لسه فيه حاجة ناقصة و بحس اني مش عاملة اللي عليا معاهم
تم النشر الأربعاء، ١٥ نوفمبر ٢٠٢٣
هو و أنا صغيرة خالص كنت بحكي لكن لما كبرت شوية اللي هو بقى عندي ١٠ سنين مثلًا مبقتش بحكي كل حاجة زي الأول و ممكن حاجات كانت تدايقني في المدرسة و محكيهاش بس في كل الأحوال لما كنت بتكلم كانوا بيهتموا يعني مش بيهملوا خالص
تم النشر الأحد، ١٩ نوفمبر ٢٠٢٣
معلش مع الوقت الدنيا هتتحسن اهم حاجة متيأسيش
تم النشر الخميس، ١٦ نوفمبر ٢٠٢٣
مشكلة التغيير دي في كل حاجة مش في الصداقة بس هي مثال قولته عشان هو اكتر حاجة ممكن تكون مقصرة دلوقتي و أنا عمري ما كان عندي صديقة حقيقية يعني كانوا كلهم زمايل و لو اتكلمنا بنتكلم كلام سطحي يعني عمري ما كنت بتعامل بطبيعتي و لحد دلوقتي فيه مشكلة في الموضوع ده دايمًا بدايقني و بتخليني مش عارفة اتعامل رغم اني لما بتكلم مع حد بتبسط و معنديش مشكلة خالص مع الناس يعني بحب اتكلم معاهم بس مش بعرف و دي المشكلة
تم النشر الأربعاء، ١٥ نوفمبر ٢٠٢٣
يعني أنا مثلًا عندي مشكلة في التعامل مع الناس و عمري ما كان عندي صحاب بس دايمًا كان نفسي يبقى عندي، يعني زمايل بس لما دلوقتي روحت مدرسة تانية و بقى عندي صاحبة ساعات بحس اني عايزة ارجع تاني للكنت فيه رغم اني مكنتش مبسوطة و دلوقتي مبسوطة اكتر بس معرفش علطول بحس الاحساس ده و بيمنعني اني اتغير
تم النشر الثلاثاء، ٧ نوفمبر ٢٠٢٣
تفائل ولا تتشائم
تم النشر الاثنين، ٦ نوفمبر ٢٠٢٣
أرجو الرد
تم النشر الأحد، ٥ نوفمبر ٢٠٢٣
طيب ازاي ممكن ازود ثقتي في نفسي و حبي لنفسي اكتر لأني كذا مره بحاول و مش بعرف ابدأ ازاي و منين
تم النشر الخميس، ٢٣ نوفمبر ٢٠٢٣
انتي ممكن معندكيش الثقه الكافيه في نفسك وفي قدراتك افكارك عن نفسك من الاساس ملهاش جذر متين عارفه لو انتي عارفه انتي عايزه اي وبتحبي اي وتكرهي اي مش هتبقي خايفه من نظره الي حواليكي ولا رده فعلهم لان اي يكن عجبهم مش عجبهم انتي حباه ده ومحدش هيقدر يغير نظرتك وفكرتك لأنك لاقيه نفسك في مثلا مجال معين موهبه معينه استايل لبس معين هى هما هيدرسوا ولا هيلبسوا مكانك لا دي اتجاهات
تم النشر الاثنين، ٢٠ نوفمبر ٢٠٢٣
طيب ليه من بعد 10مبقتيش تحكي زاي الاول ؟؟والحجات الي كانت بتدايقك في المدرسه ممكن تلخصي شعورك عنها وقتها كان اي
تم النشر الأحد، ١٩ نوفمبر ٢٠٢٣
ممكن كلامك واحساسك ليه الف سبب فا هسألك سوال بس فكري حلو وانتي صغيره كنتي بتحبي تحكي مع اهلك وهما كانت ردة فعلهم اي مع كلامك بيسمعوا ولا بيهتموا ولا بيهملوا لكلامك ؟؟
تم النشر الخميس، ١٦ نوفمبر ٢٠٢٣
فا الحل اتقبلي المشاعر دي وحاولي تفهمي نفسك بردو وتشوفي سببها طب هل في صداقه قديمه خلتك خايفه تقربي من حد وكل حاجه عمتا الخوف منها بيبقا وراها ذكره مثلا مش حلوه وبالعكس من جانب تاني فكره التغير دي ف الاول هتبقي غريبه عليكي لاكن الاكيد هي مهمه هتغير منك وهتبقي حد اجتماعي وعندك خبرات وتجارب اعملي توازن بس مبين علاقاتك مثلا ومبين وقتك ومساحتك ووقتك الخاص بيكي وهتبقي مرتاحه مش حساه ان حد مأيدك واعملي حدودك وكل حاجه عادي ويبقا ليكي خصوصياتك انتي كأنك حد جاي يزورك وخايفه يدخل اي اوضه من اوض بيتك فا انتي الي بأيدك تتدي المساحه للي قدامك لي ده او لا ومفيش حد هيتعلم ده من اول تعامل بالعكس التعامل والصداقات هي الي هتعلمك ده وتفهمك البني ادمين فا حاولي تتطلعي برا الزون ده وتتدي لنفسك المساحه تعيشي اللحظه
تم النشر الأربعاء، ٨ نوفمبر ٢٠٢٣
بصي الي فهمتو من كلامك انك حطه نفسك في زون وقفله علي نفسك يمكن عايشه علي روتين عادي مش ليكي علاقات عميقه وزاي مابتقولي عمرك ما كان عندك صحاب وصحاب يشاركوكي تفاصيلك بشكل كبير أو انتي بمعني أصح اتعودي علي ده فا المشاعر دي طبيعيه ف الاول وصعبه وهتبقي في صراع وكل حاجه لاكن صدقيني لو معا ناس كويسه هتبقي افضل فرصه وصدفه انك تقربي منهم ومش هتندمي وهتتدي لدايرتك تكبر بناس كويسه وعشرتهم حلوه ويمكن انتي مرتاحه كدا وانتي قفله عل نفسك فى بنسبالك اي حد ايى يكون كويس او لا انتي بقا حساه انك متوجسه كدا وقلقانه واول مره تخوضي التجربه دي اي يكن الحجات الي بتحصل معاكي فا انتي لو فضلتي كدا مش هتتعلمي مش هيبقا عندك خبره والفكره دي هتكبر معاكي وهتبقا صعب تتغير وحتا مش هتعرفي تتدي لي نفسك فرصه تتدخلي اي علاقه حب او مش هتبقي سهله عليكي وفي المقابل هتلاقي انك مش حوشتي صداقه حلوه وعميقه معا ناس شبهك يسندوكي ف اوقات مثلا او حتا تجربي معاهم حجات جديده وتعيشي سنك وحياتك
تم النشر الأربعاء، ٨ نوفمبر ٢٠٢٣
طب قوليلي زاي اي الحاجه الي كان فيها التغير دا سوا كان وحش او حلوو اديني مثال
تم النشر الثلاثاء، ٧ نوفمبر ٢٠٢٣
لعرض السؤال في فدني اضغط هنا