كنت أو اظب على الصلوات قبل الجامعة حتي أنى كنت وصل بيا الا إن لم اصلي الفروض الخمس كان لا يهوي جفني نوم ابدا الي أن دخلت الجامعة وبدأت في التفريط في كل شيء الصلاة والقرآن إلي أن أصبحت اترك الصلاة بالكليةبعد أن تخرجت والتحقت بسوق العمل واتكاسل عن قرأة القرآن ليس هذا فحسب بل أصبحت اداوم على بعض الذنوب والعياذ بالله فأرجوا منكم النصح والدعاء عسي أن أعود إلى الدرب القويم مرة أخرى ولكم جزيل الشكر
ممكن كنتى تربطين الصلاة بتوفيقك فى النجاح للوصول للجامعة والنجاح فى مرحلة المدرسة .وبعد ذلك بشكل تلقائى بدون وعى منك اصبح لا يوجد دافع لنفسك للالتزام بها . ارجعى قومى نفسك بفكرة ان الفترة دى غفلة وكونك لسه ربنا موفقك فى امور حياتك دى حاجة خطر ..ومعناها ان فى اى لحظة ممكن كل حاجة تروح منك لانها فى الاساس من ربنا مش بشطارتك لما يكون الانسان نسى او اتعود بيحتاج يرجع لاحساس الخوف والقلق عشان النفس تفوق وترجع تانى صاحبى حد يكون بيحافظ على الصلاه واطلبى منه يذكرك باوقات الصلاة جهزى نفسك ..باسدال وبمصلية فى شنطتك ..اتوضى وانتى نازله وقبل كل اذان ..حتى لو لسه مبدأتيش تصلى . ادعى الدعاء ده ( اللهم ردنى اليك مردا جميلا )
تم النشر الأربعاء، ٣١ يناير ٢٠٢٤
لازم تعرفي السبب ف التغير ده هل هي صحبة سيئة؟ او بيئة معينة مكانتش بتشجع ع الصلاة ولا مهتمه بيها حتى ؟ .. هل فى برنامج معين متابعاه هو السبب ؟ ... لو عرفتى سبب المشكلة هيساعدك جدا ده اولا .. ثانيا بالنسبة للصلاة ركزي ع الفروض ال٥ وحطي ف عقلك لما تسمعي الاذان ان انتى مش عندك اوبشن تختارى ياترى اصلى ولا انا مكسله فمش هصلى لا تقولى لنفسك انا مضطرة اقوم اصلا لان ده فرض مش حاجة فيها يا أه يا لا ! ..ف الاول هيبقى صعب معاكى بعدين هيبقى عادة واسهل كتير من الاول .. كمان اعرفي مكانة الصلاة ف الاسلام واقرأى عنها .. يعنى دي مش مجرد عبادة ده ركن من اركان الاسلام عشان تبقى ضمن المسلمين لازم تصلى غير كده مش هتبقى ف الملة دي وابحثي واتأكدي عن حكم تارك الصلاة فانتى متخيلة عظمة الذنب! لازم تفهمى بردو ان اللى مش بيصلى بنص القرآن ليهم ٣ أوديه فى جهنم وادي سقر وده للى مش بيركعها "كل نفس بما كسبت رهينة إلا أصحاب اليمين في جنات يتساؤلون عن المجرمين ما سلككم في سقر قالوا لم نك من المصلين "! دول القرآن قال عليهم مجرمين !! وادي الغي ده للى بيقطع ف الصلاة وبيصلى منين م يحب ويقطع منين م يحب واتبع هواه يعني حسب مزاجه ! "فَخَلَفَ مِن بَعدِهِم خَلفٌ أَضاعُوا الصَّلاةَ وَاتَّبَعُوا الشَّهَواتِ فَسَوفَ يَلقَونَ غَيًّا" ووادي الويل وده للى بيأخر الصلاة عن موعدها يعنى اصلا بيصلى اه بس بيأخرها! "فَوَيلٌ لِلمُصَلّينَ الَّذينَ هُم عَن صَلاتِهِم ساهونَ" اتقال عليهم مصلين بس ف النهاية فين؟! واعرفي كمان من غير الصلاة صحيفتك لو مليانه اعماال صالحة وبر واحسان وصدقات و..و.. مش هيتبص فيها لو مش بتصلى! ..اول عمل بيتبص عليه هو الصلاة لو موجوده هيتشاف كل البر والاحسان بتاعك طب لو مش موجودة؟ خلاص الباقى ده مش هيتشاف!! .. فضياع الفروض ال٥ بالمعنى الحرفي ضياع الآخرة ! ... لما تعرفى مكانة الصلاة وأهمية الفروض ال٥ هتدي لها اهتمام كبير وهتقاومى نفسك وكسلك وشيطانك وهتخرجى من عقلك حته اصلى ولا لا مكسلة دلوقتى هصلى بعدين او هبدأ من بكرة والكلام ده ... كمان ساعدي نفسك يعنى اتكلمى بصوت عالى وانفضي عن عقلك فكرة انى مكسلة دلوقتى يعنى بصوت عالى قولى لأ انا هقوم حالا وقومى بالفعل ..كمان خليكي ع جنب ف الاوضه فارشه طول الوقت المصليه متشليهاش وحطى جنبها الاسدال وكل حاجة عشان متديش لنفسك فرصة للكسل وكل حاجه مفروشة كمان وجاهزة مش فاضل الا الوضوء! وحبذا كل لما تدخلى الحمام تتوضي بحيث تكونى على طهارة معظم اليوم فده ميكونش دافع للكسل بردو .. وطبعا ادعي ربنا وخليكى شديدة مع نفسك وصادقة ووالله ربنا هيعينك .. ربنا يقويكي ويتقبل منا ومنك🤍
تم النشر الأحد، ٤ فبراير ٢٠٢٤
الحل لعدم المواظبة على اي عبادة عامة هو "تزكية القلب"
تم النشر الخميس، ٨ فبراير ٢٠٢٤
إحساسك بالذنب ده نفسه أول خطوة للتوبة. الشيطان بيحاول يبعدك عن أهم ركن من أركان الإسلام وهو الصلاة فحاولى أنك تبقى دايما جاهزة للصلاة فإنك تبقى دايما على وضوء وكمان حاولى تخصصى جزء من وقتك للقرآن حتى لو صفحة أحسن من مفيش وكمان متنسيش أذكار الصباح والمساء هتحميكى وتبعد عنك أى أذى .
تم النشر الاثنين، ٥ فبراير ٢٠٢٤
انت حاولي اول ماتسمعي الاذان تصلي لا تتكاسلي وجهزي المصليه ع الارض ودوامي ع ورد من القران وان شاء الله متقطعيش 🥰
تم النشر السبت، ٣ فبراير ٢٠٢٤
انا كمان كنت بقطع الصلاة و ساعات اسيب الصلاة خالص خصوصا لما اكون مشغوله و كنت ارجعلها احنا بني آدمين نفسنا ضعيفه بتقع وبتقوم و ربنا بيحب الإنسان اللي يخطئ و يتوب .. فكرة انك حزينة من الحال ده يعني قلبك حي و عايز يتوب و ده شئ جميل جدا .. اهم حاجة تخليها في دماغك عشان فعلا متبطليش صلاة انك تفتكري دايما ان احنا اللي محتاجيين لربنا مش ربنا اللي محتجلنا و اكتر حاجه بقي خلتني اخاف فعلا اترك فرض حتي لو في الشغل ان كنت بفكر كده هل لو ربنا قبض روحي حالا وانا مستهونه وسايبه الفرض هيبقي حالي ايه وهروح فين !!! و هل الشغل اللي قعدت اركز فيه سيبت الفرض عشانه ده هيشفعلي يوم القيامه ؟! اكيد لا ف اسيب اللي في ايدي واول ما اسمع الآذان اجري ادور علي مكان اصلي في كل ما تكسلي عن صلاة فكري في كده تلقائيا هتجري تتوضي وتصلي اتمني اكون افادتك و لو بالقليل 🌻🌻
تم النشر الخميس، ١ فبراير ٢٠٢٤
لعرض السؤال في فدني اضغط هنا