مبقاش عندى ثقة فى حد حواليا دايما عندى احساس ان الناس بتمثل عليا فكل حاجة ومش هاتحبلى الخير حتى لو جم واكلمو ونصحونى باخد كلمهم على أنهم بيضحكوا عليا ومن جواهم عكس كده.
تعبت من التفكير كده لان بطريقة دى بتجنبهم كلهم بس من كتر إلى شوفتو من ناس كانو قريبين جدا وطلعو مش زى توقعاتى مش عارفة اتعامل مع حد
السلام عليكم ورحمه الله وبركاته السر كله في كلمه من اللي قلتيها في وسط سؤالك مش زي توقعاتي التوقعات هي المقاسات. هتبقي حاطه توقع واحد واوحد وما فيش غيره في الشخص اللي قدامك وشايفه انه مش ممكن يحصل غير التوقع بتاعك ويبقى عندك ثقه كبيره قوي في التوقع بتاعك. فانتظري نتائج زي اللي انت اخذتيها. بتكرري نفس الغلطه في انك دلوقتي الناس اللي انت لسه ما شفتيش منهم اي دلائل ان هم حلوين ولا وحشين حطيتي فيهم توقع انهم يكونوا شبه اللي قبليهم طيب وبعدين دائره وبتتكسر ونرتاح لما نبطل نتوقع لما نعامل اللي قدامنا بشكل عام سواء قدام ولا جداد انهم بني ادمين وارد لهم صواب وارد لهم الخطا وارد يكون عندهم صفه ويكون الصفه دي في وقت من الاوقات في استثناء وتلاقيهم عملوا عكس الصفه دي وارد. كل شيء وارد. كفايه توقعات هتلاقي نفسك اتحلت الازمه عندك ان شاء الله.
تم النشر السبت، ١٢ أكتوبر ٢٠٢٤
أنا وحده من الناس اللي حرفيا كنت برفع سقف توقعاتي وفي الاخر السقف دا بيتهد عليا أنا فبقيت زيك مبثقش في حد وخايفه اصلا اثق في حد ومبتصدقيش أن ممكن حاجه زي دي تطلع من اللي قدامك وبتحسي انك بتتعاملي مع ناس ليها أوجه جديده لاول مره ولكن عارفه ايه السبب أن إحنا لما بنتعامل مع شخص معين بنروح خابطين خزان الثقه عندنا مره وحده عليه ودا اكبر غلط لازم الثقه تحطها في اللي قدامك تدريجيا مش من اول مره تحطيها كلها الثقه بتاجي علي المدي البعيد ولازم برضو تبقي حاطه في حسبانك أن ممكن تتخذلي يعني خلي في مساحه فاضيه في خانه الخذلان علشان دا هيقلل من صدمتك لو عرفتي أن الشخص اللي بتتعاملي معاه دا مكانش محل ثقه ولكن مش معني كدا أن إحنا منثقش في حد زي ما في ناس مش محل ثقه في برضو ناس محل ثقه وانت اتعاملي بالمبدأ دا ولكن كوني حذره من انك تدي ثقتك في اللي قدامك مره وحده لأ هي هتاجي بس بالتدريج ولما تتعاملي بالمبدأ دا هتعرفي مين فعلا الناس اللي تستحق الثقه والناس اللي متستحقهاش اتمني اكون أفدتك
تم النشر السبت، ١٢ أكتوبر ٢٠٢٤
عزيزتي، أشعر بما تمرين به من مشاعر عدم الثقة في الآخرين، وهذا شعور شائع في حالات من الخذلان أو الفقدان. إن التجارب السلبية مع الأشخاص المقربين قد تؤدي إلى بناء حواجز نفسية تمنعنا من الثقة في الآخرين. لكي تستعدي للتعامل مع الآخرين بطريقة أكثر إيجابية، يمكنك اتباع بعض الخطوات: تأملي في تجاربك الماضية : حاولي تحديد الأسباب التي أدت إلى فقدان الثقة في الآخرين. هل كانت هناك حلقات محددة تسببت في ذلك؟ هذا قد يساعدك في فهم مشاعرك بشكل أعمق. اعتبري كل شخص على حدة : حاولي ألا تضعيني كل الناس في نفس الفئة. وذلك بأن تمنحي الفرصة للأشخاص الجدد لإثبات أنفسهم دون أن تعتمدي على تجاربك السابقة. التواصل بصراحة : إذا كنت تشعرين بالقلق من تصرفات أحدهم، قد يكون من المفيد أن تشاركي مشاعرك بطريقة صادقة. فتح باب الحوار قد يساعدك على فهم نوايا الآخرين بشكل أفضل. تطوير الثقة بالنفس : قد يكون شعورك بعدم الثقة في الآخرين نابعًا من قلة الثقة في نفسك أيضًا. اعملي على تعزيز ثقتك بنفسك من خلال الإنجازات الصغيرة والنجاحات اليومية. التوجه إلى الدعم : قد يكون من المفيد التحدث إلى مستشار نفسي أو مدرب حياة يساعدك على فهم مشاعرك وبناء استراتيجيات للتعامل مع الناس بطرق صحية. لا تنسي أنك تستحقين علاقات إيجابية تبني على التفاهم والاحترام. احرصي على إعطاء فرصة للناس، وكوني لطيفة مع نفسك في هذه العملية.
تم النشر السبت، ١٢ أكتوبر ٢٠٢٤
لعرض السؤال في فدني اضغط هنا