انا عديت بيوم من أصعب الايام الي مرت عليا فى حياتى لانى أدركت قد ايه انا حد فاشل ميستحقش اى حاجه كويسه قد ايه انا حمل تقيل اوى على الي حواليا قد ايه انا متعبه ومعنديش اى لازمه فى الحياه ، انا فى أولى ثانوي وشيلت ٣ مواد فى الترم الاول اتصدمت لأن ده مش مستوايا ابدا بس اهلي سامحونى وقالو ليا عوضي الترم التانى للاسف حسبي الله ونعم الوكيل الامتحان كان برا المنهج تماما والله ما خدنا المعلومات دى قبل كده انا مش عاوزه ابقا من الناس الي بتشيل ملاحق ده مش انا خالص انا اشطر من كده معرفش انا بقيت فاشله كده ازاى واهلى تعبانين عشان وانا دايما كسفاهم بدرجاتى انا لا عندى طموح ولا حلم ولا ليا لازمه ليه كل الناس الي بتغش بتعدى والي عينو مش بتشوف النوم بيسقط والدنيا تيجى عليه انا فكرت اطلع من النظام ده واروح لسياحه وفنادق لقيت نظرات وكلام ان هيبقا معايا دبلوم واتجوز اى جوازه وخلاص احنا ف 2024 ولسه ناس بتتكلم بالطريقه دى والتفكير ده انا فعلا محطمه جدا جدا ومش قادره اذاكر لبقيت المواد انا مكسوفه من نفسي انا حاسه انى فى حاجه تقيله اوى عليا حمل كبير من كتر التفكير
بصى الفشل مش نهايه حياتك مش معنى انك فشلتى مره انك هتفشلى التانيه أو التالته لا الفشل اوقات بيكون نهاية فتره من حياتك و تبداى بدايه حياه جديده مش اعرفى انتى قصرتى ف اى و حاولى تكمليه و كمان اهم حاجه أن دا ممكن يكون اختبار من ربنا علشان يشوفك انتى هتكونى صبوره ولا لا و متنسيش أن ربنا دايما بيختار لينا الاحسن حاولى مره و التانيه و المئه لحد ما تنجحى الفشل بيكون نجاح لو اتعلمتى منه أما الفشل فعلا انتى تستسلمى للأمر الواقع انتى قويه و هتقدرى تعدى المرحله دا انا واثقه فيكى
تم النشر السبت، ١١ مايو ٢٠٢٤
عادي الشاطر مش الي مش بيقع لا الشاطر هو الي بيقع ويقوم اقوى من الاول كله بيعدي كل الي علينا نسعى والنتيجة دي مش بتاعتنا بقى دي بتاعة ربنا وعند ربنا بس اهم حاجة نقوم ونقف ونكون اقوى وناخد بالاسباب وفترة وهتعدي حطي اهداف صغيرة لنفسك وحققيها وبعدين حطي اهداف كبيرة شوية وححقي وهكذا
تم النشر الخميس، ١٦ مايو ٢٠٢٤
انا فهمت كلامك كويس لان دا تقريباً ال حسيته لما دخلت ثانوي كنا فاعدادي النظام سهل والدنيا جميله وال بنذاكره بندخل نلاقيه فالامتحان انا دلوقتي 3ث وعايزه اقولك انك مش فاشله بس انتي لسه بتتأقلمي ع النظام الجديد نظام الاسأله المعتمده ع الفهم والاستنتاج مش الحفظ لو بعدد الساعات المذاكرة مكانش الواحد تعب بالعكس انتي محتاجه تشوفي فيديوهات ازاي تذاكري صح وازاي تتعودي ع النظام وانتي لسه 1ث يعني لسه بدري اوي ع انك تحكمي ع نفسك بالفشل عادي تجربه وفشلت نجرب تاني وتالت ورابع ومليون لحد ما ننجح لكن اليأس السريع دا غلط لسه هتشوفي كتير فالنظام الجديد هتلاقيكي بتنقصي فامتحانات السنتر بالعشر درجات وعادي طبيعي اهم حاجه السعي والنتيجه دي بتاعه ربنا سبحانه وتعالى
تم النشر السبت، ١١ مايو ٢٠٢٤
احيانا الاسره والمجتمع ببشكلوا ضغط كبير عشان يدفعونا لطريق معين من وجهه نظرهم هو دا اللي هيخلينا ناس محترمه أو ليها شأن ، بغض النظر أن دا مش الحقيقه لان مستوي التعليم مش هو المقياس لكن دا ميمنعش أن هو جزء مهم لكن الأهم نراعي قدراتنا ونجتهد وحتي لو اخفقنا في محاوله نحاول اللي بعدها نسامحح نفسنا ونكمل محاولات وطول ماانتي بتحاولي هتوصلي ان شاء الله
تم النشر السبت، ١١ مايو ٢٠٢٤
إن شاءالله 🤍
تم النشر السبت، ١١ مايو ٢٠٢٤
تمام 🥰🥰
تم النشر السبت، ١١ مايو ٢٠٢٤
على ايه ربنا يوفقك 🤍وبلاش حضرتك انا فى تانيه ثانوى عادى
تم النشر السبت، ١١ مايو ٢٠٢٤
شكرا لحضرتك 🤍
تم النشر السبت، ١١ مايو ٢٠٢٤
بصى مش معنى انك فشلتى يبقى دة اخر المطاف الثانوى فيها شوية حظوظ ناس بتتعب وتجتهد ومتلقيش وناس مكنتش بتعمل نفس المجهود وتنجح بس دى خبطة من ربنا شوفى انتى كنتى مأثره فى ايه وبدأى علجيه لازم تفوقى علشان تكملى بقيت الامتحنات اعملى إلى عليكى والباقى على ربنا وربنا مش بيضيع تعب حد وطريق النجاح أولو فشل
تم النشر السبت، ١١ مايو ٢٠٢٤
لعرض السؤال في فدني اضغط هنا