السلام عليكم أنا الصراحة مش مقدر اقعد فتره كبيره امسك الماده او إني يكون ليا نفس أفتحها أصلا وتعب والمواد اتركمت عليا ومش عارفه اعمل ايه
الافضل انِك تبدئِي تلمِي التراكُمات دي من دلوقتِ، تمام انتِ بتزهقي من قعدتِك قدام الماده كتِير ممكن تذاكري بطريقةة الـ 25 دقيقة و 5 دقايق راحـةة دي كويسةة أوي ولو استمرتي كده ساعتِين خدي راحةة 1 سـاعة فاهمة يعني اقصد 25 دقيقة و 5 دقايق راحة و 25 دقيقة و 5 راحةة لغايت ما تكملي مذاكرة ساعتين تاخدي مكافأة اعملي حاجةة بتحبيها او اشتريلك حاجةة حِلوة فاهمةة هه، شوفِي ممكن تنوعِي فِ المواد تجيبي درس 1 من مادتين مختلفين فاهمةة وهكذا لو عملتي ده واستمريتي عليه هتكونِي احسن مفيش مشكلةة لو قطعتي يوم ولا حاجةة ارجعي كملي الوقت بيجري بسرعةة حاولي تستفادي منه ونامي بدري عشان تصحي بدري عشان تقدري تحصلي اكبر وقت ممكن لما تصحي بدري فاهمةة شوفي لو في ساعةة بين الدروس وهتروحي تستني الدرس التانِي خدي ملزمة الانجليزي احفظي شويةة كلمات حتى لو حفظتي 3 بس هيفرقو شوفي لو حفظتي كل يوم 3 كلمات بعد فترة هتلاقي نفسك جمعتي كلمات كتيرة احسن من انك مكنتيش حفظتي خالص صح وهكذا مع المذاكرة واجده واحده هتلمي اللي فاتِك بس حاولي تقومي علطول متكسلِيــــــــــــــــــــــش بجد بس كده وبالتوفيق.
تم النشر الأربعاء، ١١ أكتوبر ٢٠٢٣
مش كل المذاكرة انى اقعد وافتح الكتب واقرا واحل ممكن افتح فيديو شرح وبعدها اقرا وبعدها احل ممكن اقرا جزء جزء واحل عليه نصيحة سارة كمان ممكن تكون ناجحة ان شاء الله ( لانها فيها نوع من الفصلان فمش بتحسى انك متكتفه )
تم النشر الأربعاء، ١١ أكتوبر ٢٠٢٣
هي بتتحسب بمدة المذاكره والكم؟ اظن انها بالكيف، افتح الماده بشوف موضوع اقراه بيكون فصل او مبحث او مطلب او ممكن باب كامل ع حسب الماده، بقراها بفهم وجهة نظر الكاتب وبلخص المضمون دا واكتبه بحيث ارجع في نهاية الترم للخلاصه مش للكتاب، وطبعا الحضور مهم وسماع الدكتور نفسه مهم جدا، وبالنسبه للكم ملهاش معيار محدد طبعا، ممكن تذاكر ف نص ساعه عشر صفحات او خمسه او خمسه وعشرين، دا بيرجع للموضوع نفسه الي بتقراه ومدي عمق المعلومات الي فيه، انت ممكن سؤال واحد في الكتاب في سطر حرفيا ممكن يشغل تفكيرك اسبوع كامل.
تم النشر الأربعاء، ١١ أكتوبر ٢٠٢٣
لعرض السؤال في فدني اضغط هنا