ابويا بيتعمد يهين ماما قدامنا، بيعامل كل الناس كويس الا عندها
ابويا شهم جدا وحقاني وجدع مع الناس كلها ، الا مع امي، بيتحول لإنسان "نذل وحقير ومنعدم المروءة والشهامة"
انا مشكلتي ان انا مش قادر اتعايش مع الظلم دا. ابويا بيعاملني احسن معاملة وبيكرمني ومربيني احسن تربية، بس انا مش قادر اتعايش مع الانفصام دا، ازاي انسان يبقي عنده تضاد شديد بالشكل دا؟
امي دايما بتوصيني عليه، بينما هو العكس تماما.
انا بصراحة ما بقتش قادر ابص في وشه او اتعامل معاه خالص وبقيت مقاطعة، لغايه ما لقيت امي بتقولي انت بتعامل ابوك كدا ليه ودا ابوك ولازم تبره، طب انا ابره ازاي دلوقتي وانا مش راضي بالظلم اللي هو بيعمله؟
بر والدك هو غلطان بس برده ابوك انت خارج المشكله بينهم لو هو بيعاملك حلو زي مبتقول واجبك كأبن ليه تقوله ان الحاجه دي مزعلاك لأنها امك ومحدش بيحب امه او ابوه يتعبوا ف حياتهم كده وانك عايزهم كويسين سوا وشوف يمكن ربنا يهدي ممكن تكون حسد بردو او حد ساحر ليهم ربنا يكفيهم الشر
تم النشر الأحد، ٣ ديسمبر ٢٠٢٣
انت ملكش دعوة باللي بيحصل بين والدك ووالدتك، وميصحش تتكلم على والدك بالألفاظ دي ولا يجوز تقاطعه أو تقول عليه كده. أنت متعرفش اللي بيحصل بينهم فمتحكمش على حد منهم، وانت لو أبوك ضربك وظلمك لا يجوز ليك لا تقاطعه ولا تشتمه من وراه أو قدامه..
تم النشر الجمعة، ٨ ديسمبر ٢٠٢٣
بر الوالدين ده من أهم الحجات الي ربنا وصانا عليها انا حاسه بيك جدا لان انا ابويا كان عندو تضاد كبير فى كذا حاجه اكتشفتها عنو عكس الصوره الي كنت رسماها ليه ومع ذلك حاولت على ما اقدر اعمل الي ربنا يقدرنى عليه حتى لو من جوايا مكنتش حابه كده انت بتقول أن باباك كويس معاك طيب ايه رأيك لما تفاتحو فى الموضوع ده ؟ أو تكلم عمك أو اى حد قريب منك ومن زى حد من أهلك مثلا يقدر يتفاهم مع باباك واهو يكون فى سنو ويفهم منو اكتر ، بالنسبه لمامتك ربنا يعوضها عن اى ظلم فى حياتها ويراضيها ويعوضها خير فيك انت وانشاء الله ربنا مبيضيعش حق حد اكيد فى يوم باباك هيحس بأى حاجه عملها غلط وانشاء الله كل حاجه تتحل 🤍
تم النشر السبت، ٢ ديسمبر ٢٠٢٣
أنت ممكن تكلم والدك في الحوار ده وتعرفه انه بيأثر فيك وان المفروض مشاكلهم تكون بينهم. الموضوع منتشر أنا شفته كتير وبجد لا اراضيا بتخنق مش عارفه ليه ممكن الواحد يهين زوجته قدام عياله طب حتى يخاف بعدين انهم ممكن يكرهوه بسبب الحوار ده دا مهما يكون امهم♥️
تم النشر السبت، ٩ ديسمبر ٢٠٢٣
لازم تبره لان ده ابوك مهما عمل لكن الحل الوحيد انك تشتغل وتعتمد على نفسك علشان تعرف تعوض امك عن اللي هيا فيه وبرضه اتكلم معاه وفهمه ان ده مش صح وانه ولا دين ولا جدعنه وهو لما هيلاقي ده بيضايقك وبياثر فيك صدقني هيحاول يتغير
تم النشر الثلاثاء، ٥ ديسمبر ٢٠٢٣
الدين علمنا بر الوالدين مش معصيتهم اكيد العين صبتهم شغلي الرقيه الشرعيه وحاولي تهدي النفوس بينهم وشوفي لبوكي بيعمل كده لي اكيد في سبب
تم النشر الأحد، ٣ ديسمبر ٢٠٢٣
• أنت شاب أم بنت ، وما عُمرك ، وما نوع الإهانة التي يفعلها والدك مع والدتك ؟
تم النشر الخميس، ٢٥ يناير ٢٠٢٤
السلام عليكم. حبيتي الغاليه الحمد لله بدال المعامله بين الاب وأبنائه تمام يبقي حاولو تتكلمو معاه برفق وأدب مهما ما يعمل الاب مينفعش نعلي صوتنا عليه الله يهدي حالكم ياحبيبتي ويصلح بالكم يارب العالمين. وربنا قال ومن آياته أن خلق لكم من أنفسكم أزواجًا لتسكنوا إليها وجعل بينكم مودة ورحمة إن في ذلك لآيات لقوم يتفكرون🌹
تم النشر الجمعة، ٨ ديسمبر ٢٠٢٣
لعرض السؤال في فدني اضغط هنا