انا كنت بحب شخص في اعدادي وكان مديني كل الحب والاهتمام واتعلقت بيه وكان معوضني عن فقدان الاب واستحملته في حاجات كتير وهو كان بيستحملني وكان شخص كويس وبنيت أحلامي عليه وهو كان بيدها ورهنت رهان باطل، بعدها بسنة خاني وسبنا بعض
بقالي سنتين بحاول انساه وقعدت اكتم جوايا لحد ما تعبت وكنت كل شوية بنهار ومعرفش اسكت وقلبي بيجيله نغزات وكل شوية بسرح وانهار واتعب وشعري وقع نصه من الزعل وجالي مشاكل في جسمي ومن يومين سمعت انه هيخطب ومش بعيط قلبي بيوجعني بس وكل شوية بعيد ذكرياتنا وقلبي يوجعني بقيت اخاف احب او اتعلق او اثق في حد اتدمرت بمعني الكلمة! عايزة حل أو أي علاج ينسيني الي حصل ده
السلام عليكم، اللي انتِ فيه ده تعلق مش حب، تعلق مرضي محتاجة تعالجي نفسك منه. الموضوع ممكن يكون صعب لكن مش مستحيل. فكري كده، الشخص ده يستحق اللي بتعمليه في نفسك؟ نفسك دي رخيصة عندك للدرجة دي؟ أنا مش عارفة عمرك كم سنة دلوقتي لكن شكلك صغيرة وفاكرة إن ده الحب الأول والأخير وإن حياتك تدمرت خلاص من غيره ومش هتحبي تاني. خليني أقول لك أصلا إن مشاعرك وحب المراهقة ده بيكون مشاعر متغيرة متطايرة وطول ما أنتِ متمسكة بها ومحولاها لهوس هتاخدي وقت عشان تتجاوزيها لكن لو تركتِ نفسك والأمور تمشي طبيعي من غير هوس وتعلق كنتِ هتنسيه وتتجاوزيه بسهولة ومش بعيد بعد فترة تلاقي مشاعرك تحركت لشخص تاني. أول حاجة محتاجة تعمليها، إنك تستغفري ربنا وتتوبي عن علاقتك بالشخص ده لأنها كانت حرام من الأساس... ارضي ربنا وادعيه عشان يقويكِ ويعينك تتخطي المرحلة دي. ثانيا، اقعدي مع نفسك وفكري في مصلحتها... فكريها إن ده كان شخص خاين وإنك وكرامتك أغلى من إنك تؤذيها وترخصيها عشان شخص زيه. العالم مليان ناس محترمين وهو مش آخر رجل في العالم يعني عشان تفكري إن حياتك تدمرت ومش هتلاقي بعده. وحتى لو ملقتيش حد تقدري تحبيه ويحبك فهي مش نهاية العالم على فكرة ونفسك تستحق تحبيها وتهتمي بها عشانها مش عشان أي حد تاني. اشغلي نفسك في حاجات أهم واملأي وقتك وحياتك ومش هتلاقي وقت أصلا تفكري فيه وتتحسري على اللي فات. فوقي لنفسك حبيبتي واعرفي مصلحتك فين، محدش هيساعدك ويعرف مصلحتك إلا أنتِ. ربنا معك.
تم النشر الخميس، ٢٧ فبراير ٢٠٢٥
قبل الحل و العلاج اسألي نفسك السؤال ده شايفة نفسك تستاهل منك تعذبيها و تبهدليها البهدلة دي علشان واحد ايا يكن هو مين؟ انتي حاطة نفسك في حرب و انتي الخسران الوحيد هو يبنتي مش شايفك ولا شايف المعاناه اللي انتي فيها دي هو من بدري شايف حياته و بينبسط و حياته مكملة عادي انتي اللي حياتك وقفت بسببه الدنيا فيها ناس كتير كويسة و هو كان اختيار غلط خلاص مبهدلش نفسي كدا الحل أولا أمسحي اي صلة تربطك بيه أرقام او سوشيال امسحيه من حياتك كلها اعملي delete لكل الذكريات و لا كأنك قابلتيه في حياتك و تتوجهي انك تقربي من ربنا بالدعاء ان ربنا يصبرك بقي و يطلعه من دماغك خالص و ادعي باللي نفسك فيه كله و الصلاة طبعا و ركعتين قيام ليل و تالت حاجة اشتغلي نفسك شغل او مذاكرة اي حاجة تطوري نفسك و شوفى ناس و املي يومك بعد فترة لو جيتي تفتكري السيرة دي تاني و الله هتلاقي نفسك عادي جدا ولا في مشاعر ولا هو بقي فارقلك اصلا انتي علشان موقفة حياتك عليه عندك الاحاسيس دي و لانه كان بيملي فجوة فقدان الاب لكن هو من منظور بعيد هو عادي جدا و فيه احسن منه مليون مرة و ربنا هيعوضك انتي لسه صغيرة جدا و افتكري ان هو فعلا محبكيش من البداية ممكن حب اهتمامك بيه او اي سبب لكن محبكيش لشخصك و كلامي عارف انه هيوجعك و شديد شوية بس علشان لازم تفوقي اني اوصل نفسي للمشاكل الجسدية و النفسية دي كلها علشان حد يبقى لازم أقف واقفة مع نفسي و اعيد حساباتي هو الاولوية لمين قبلي؟ انا بحط الاولويه لنفسي و اي حد تحتي مش العكس
تم النشر الخميس، ٢٧ فبراير ٢٠٢٥
السلام عليكم ورحمه الله وبركاته بصي هي المشكله كلها بتبقى في كل الرسومات اللي احنا عملناها في المستقبل وحطينا فيها صوره الشخص ده في كل الحاجات اللي احنا شفناها انه الشخص ده هو المصدر الوحيد ليها وان احنا خلاص مش عايزين حد ثاني طالما هو هيدينا اللي احنا محتاجينه ودي اللي بتخلي الاسم للعلاقه دي تعلق مش حب لانه مفيش حاجه اسمها كده تخيلي كده ان انت قررتي تشربي من حنفيه المطبخ بس طيب لما الميه بتقطعها انت بتقولي خلاص انا كده مش هعرف اشرب فانا اقول لك طيب ما هو في قزايز مليانه ميه فانت تقولي لا انا مقرره اشرب من من الحنفيه بس خلاص يبقى ده قرارك انت انت اللي علقتي نفسك بالحنفيه وبس ولغيتي احتماليه ان ممكن الميه تكون موجوده في اي مكان ثاني وفي اي حته ثانيه كذلك كل احتياجاتنا احتياجاتنا انا محتاجه للاهتمام اكيد في ناس كثير حواليك بيقدموا لك الاهتمام وبصور كثيره لكن انت قررت ان الشخص ده هو اللي انا هقبل منه الاهتمام فلما الشخص بقى مش موجود قلبك بقى بيوجعك بالعكس انت ممكن يكون فيه فرص ثانيه لناس اكثر احتراما للناس اكثر مسؤوليه من الشخص ده اللي وضى معاكي وقت باحلام واهيه. لانك في احتياج عندك ناقص فانت زعلانه وتعبانه من الاحتياجك اللي ناقص زائد انك بتفكري في الصوره المست. ان انت رسمتيها وحطيتي فيها الشخص طيب والشخص دلوقتي مش موجو وبكل على المسؤوليه ااا عدا المرحله دي ونتنقل لمرحله ثانيه في حياته وخطب حد ثاني بجد يا ريت انت تبقي مستني ان في حد غيره يشعر بالمسؤوليه الحقيقيه ويكون راجل فعلا وما يعيش معاكي احلام وهي لا يعيش معاكي واقع ويكون مقدرك فعلا ويقدم لك اللي يساوي قيمتك.د فانت حسيت انه خلاص كل صورك المستقبليه ااا كان في حد ولعها وكلها اتحرقت قدامك وبقت رماد وده طبعا كان في حد قاعد تعب وعمل مجهود وكانك فعلا عشت السنين دي وبعدين حد مسحهالك وطبعا ده كله مش حقيقي. فاحنا هنا زعلانين على حاجه هي مش حقيقيه وده اللي بيخلي الوجع اكبر فارجعي تاني كده وبصي على المصادر اللي موجوده الحقيقيه الكتير في حياتك واعرفي انه ده مش اول ولا اخر بني ادم يقدر يقدم شيء كويس ليكي انت محتاجاه.
تم النشر الخميس، ٢٧ فبراير ٢٠٢٥
عزيزتي، أستطيع أن أشعر بالألم الذي تعانين منه، فالخسارة والفراق شيئان مؤلمان للغاية، خاصة عندما يكون الشخص الذي أحببته يمثل لك الكثير من الأمور، سواء كانت أمل أو تعويض عن فقدان. أولاً، من الطبيعي أن تشعري بالألم والحزن بعد فقدان شخص كان له تأثير كبير في حياتك. خيانة الشخص الذي أحببته لا تمثل فشلاً فيك، بل تدل على نقص في صدقه والتزامه. للتغلب على هذا الألم، من المهم أن تعطي لنفسك الوقت اللازم للشفاء. حاول أن تقومي بالحديث مع صديقاتك أو أفراد عائلتك حول مشاعرك، فقد يكون الحديث عن الألم خطوة هامة نحو الشفاء. كما يمكنك التفكير في ممارسة هواية جديدة أو الانغماس في أنشطة تجعل قلبك متشوقاً للحياة مرة أخرى. هناك أيضًا أهمية لكتابة مشاعرك في دفتر، فهذا يمكن أن يكون منفذًا جيدًا للتعبير عن الأحاسيس والمشاعر التي قد تكونين تخفيها. تذكّري أن التعبير عن الذات هو خطوة نحو التعافي. قد تحتاجين أيضًا إلى التفكير في مساعدة احترافية من معالج نفسي، حيث سيكون لديهم الأدوات اللازمة لمساعدتك على تجاوز هذه المرحلة، وفهم مشاعرك بشكل أعمق. تأكدي أنك لست وحدك في هذا الطريق، والشفاء سوف يأتي بإذن الله، فقط امنحي نفسك الوقت والصبر. وتذكري أن الحياة تقدم لنا دروسًا مهمة، وعلى الرغم من الألم، فإن هناك دائمًا أمل وفرصة لبداية جديدة.
تم النشر الخميس، ٢٧ فبراير ٢٠٢٥
الصلاة والدعاء وان شاء الله خير وعسى ان تحبو شيئ وهو شر لكم
تم النشر الثلاثاء، ٤ مارس ٢٠٢٥
لعرض السؤال في فدني اضغط هنا