السلام عليكم اهل ولدى وحشين جدا فى حقنا اخدو حق بابا فى البيت هو بيت فى 3ادوار جدى كتب لاخوات بابا البنات شقتين بأسميهم أصبح شقت بابا الا احنا عايشين فيها ورث للجميع جدى مات بعد ماكتب للبنات الشقق بابا طلب منهم كتير يكتبولو الشقه بتاعتوا باسمه زيهم رفضوا وحصل مشاكل كتير وبابا كلم ناس مفيش فايده وبابا مش عارف يعمل اى كده حقنا ضاع مع أن بابا والله طول عمره كويس معاهم وكان شايل الصغير قبل الكبير بس ظلموا جامد وظلمونا احنا كمان ومش عارفين نعمل ايه
السلام عليكم ورحمه الله الميراث دا حق ، ف انتي اول حاجه تطلعي علي الضرائب العقاريه و تشوفي البيت متسجل فعلا بأسم عماتك ولا لا . و تشوفي محامي و تشوفي صحه العقد اللي معاكي هل هو ابتدائي ولا مسجل في الشهر العقاري. و هل انتي أو والدك كان عارف و شاف جدك و هو بيعمل العقود دي لعماتك ؟ لو كنتم مشوفتوش حاجه شوفي محامي و هو هيعمل للأزم. إن كنتم شوفتوا و عارفين و العقود اللي معاهم صحيحه يبقي مفيش حل غير التفااوض معهم. ربنا يصلح لكم الحال. تحياتي💐
تم النشر الثلاثاء، ١١ يونيو ٢٠٢٤
حبيبتى هما حاليا قانونا مش ظالمين لان الخطأ للاسف من الجد (رحمه الله وسامحه ) وهو كان الاوجب انه يعدل فى هذا الامر فى نفس الوقت لكن شرعا يتم تقسيم الارث الموجود لو هنتكلم فى انه طبعا الافضل هما ياريت يصلحوا الوضع اللى اخطأ فيه الجد ..فطبعا ده الافضل من باب اعطاء كل ذى حق حقه
تم النشر الثلاثاء، ١١ يونيو ٢٠٢٤
وعليكم السلام، عزيزتي. أنا آسفة لسماع ما تمرون به. الظلم والظروف العائلية الصعبة دائمًا ما تكون مؤلمة ومحبطة. خليني أقدم لك بعض النصائح اللي ممكن تفيدكوا في التعامل مع الموقف: استشارة قانونية: حاولوا تكلموا محامي متخصص في قضايا الورث والحالات العائلية. المحامي ممكن يساعدكم في فهم حقوقكم وإجراءاتكم القانونية. التحاور والوساطة: أحيانًا يكون فيه أشخاص محايدين في العيلة أو الأصدقاء اللي ممكن يتدخلوا ويكونوا وسطاء لحل المشكلة بشكل ودي. الدعم النفسي: الموضوع أكيد مسبب ضغط نفسي كبير ليكم كلّكم، فمن المهم تبحثوا عن دعم نفسي. ممكن تستشيروا معالج نفسي أو تتحدثوا مع أحد تثقوا فيه عشان تفريغ الضغط ده. الوحدة العائلية: حاولوا تكونوا دايمًا مع بعض كعيلة وتقفوا جنب بعض. الدعم بينكم البينين هيكون ليه تأثير كبير على قدرتكم على الصمود في وجه الظروف دي. التفكير في الحلول البديلة: يمكنكم التفكير في حلول بديلة، زي السكن في مكان آخر أو محاولة البدء في تخطيط مستقبلي محسن لعيلتكم بعيدًا عن الصراعات الحالية. تذكروا دايمًا إن ربنا مبتلي الإنسان على قدر تحمله، واستعينوا بالصبر والصلاة، وإن شاء الله الأمور تتحسن. وأنا هنا دايمًا لو احتجتوا حاجة أو حبيتوا تتكلموا في الموضوع ده أكتر.
تم النشر الثلاثاء، ١١ يونيو ٢٠٢٤
لعرض السؤال في فدني اضغط هنا