السلام عليكم
مبدأيا انا عندي ٢٤. اهلي من النوع اللي بيخافوا زيادة ع بناتهم ومش بيخلوهم يخرجوا الا للضرورة ولا يشتغلوا عندهم ان خروج البنت من بيتها لسبب غير ضروري مينفعش وشايفين ان خروج البنت للشغل يعني اختلاط يعني فتن وانهم واثقين فينا بس مش واثقين ف المجتمع الخارجي والكلام ده كله اقصد يعني ان دي عقليتهم وللسبب ده انا قاعده ف البيت طبعا مبخرجش اشتغل ف مبعرفش اروح اخد كورس مثلا انا اتخرجت من الكلية بقالي سنة وقعدت ف البيت بس غير قعدتي ف البيت والدي اتوفي وده سببلي حزن شديد جوايا وكان ليا صديقة اتعرفت عليها من ٨ سنين واتعلقت بيها جدا وحصل بينا مشاكل وخذلتني ف بعدنا عن بعض وده برضو سببلي حزن اكتر حسيت اني معنتش عايزه اكمل ف الحياة لكن بحارب كتير مع نفسي وبدعي كتير اني اتحسن
بس لسه فاقدة الشغف وحاسة بإحباط شديد حتى اني اتعلم حاجه جديده او اطور من نفسي او اتعلم لغة جديدة
بكره القراءة لكن بحاول مع نفسي كل فترة اني اقرأ كتاب مفهوم وبصيغة عامية عشان تبقي ميسرة ومستصعبهاش قريت كتاب واحد بس ف حياتي وبعد معاناه كنت كل فترة اقري كام صفحة بحس اني بقرأ ونا كارهة القراءة ونزلت تطبيق عشان اتعلم لغة جديدة حاسه ان مفيش حاجة ليها معني او فايدة ولو بدأت ف حاجه مش بكملها وبحس بفتور وفقدان شغف وبسيب كل حاجه نفسي اتثقف واقرأ ف كل المجالات واتعلم كتير لأن المفروض الإنسان طول ماهو عايش يطور من نفسه ويتعلم عشان انا بحس اني فاضيه من جوا ومفيش اي معنى لوجودي ف الحياة لو متطورتش من نفسي لكن دايما فيه صوت محبط جوايا يقولي انا مش عايزه اعيش اصلا بتعلم ليه ومفيش فايده ولا اي حاجه ليها لازمه حتى مكنتش عايزه اكتب السؤال ده عشان حاسه اني مش فارق عندي اعرف الحل
بس محتاجه حد يساعدني عشان اخلص من الشعور ده
وعليكم السلام ورحمه الله وبركاته ( فكره ان مش مهم نلاقي الحل ) لازم نتوقف عندها لان المشاعر دي مش هتهدا غير لما نلاقي حل مريح نسبيا ، متفهمه احساسك اكيد صعب أننا نعيش مجبورين علي وضع احنا رافضينه و يمكن لو كان عندك الفرصه انك تخرجي وتتعلمي وتشتغلي مكنتيش تاخدي الخطوه ولكن دائما الممنوع مرغوب . بعض الخطوات اللي هتساعدنا علي التغير 1- ممارسه الاسترخاء ٢- ممارسه الرياضه ٣- تطوير الذات بمجال يسمح بالعمل اونلاين زي كتابه المحتوي والترجمه والبرمجه ... الخ دا هيرفع عندنا مستوي الوعي والمعرفة ويطور شخصيتنا وفي نفس الوقت هتلاقي بيىه عمل متاحه من موقعك لحين توفير بيئه عمل في الخارج وتحقيق رغبتك ، تفتكري دايما ان الحياه مش ثابته علي حال وحاولي يكون دائما عندك جاهزيه ومرونه لتقبل التغير ، لو مقدرتيش تتخطي المشكله لواحدك ابحثي عن مساعده متخصص في جلسه منفصله وان شاء الله الامور تكون افضل
تم النشر السبت، ١٨ مايو ٢٠٢٤
صدقيني كل مشاكلك هتتحل لما تقربي من ربنا ،هتحسي إنك مرتاحة ومتطمنة أوي بجد والله الناس ال هقولك عليها دي كانو السبب في أي حاجة حلوة ف حياتي وساعدني تتخطى أي مشكلة.بفضل الله ثم بفضلهم بقيت قريبة من ربنا أو على الأقل بحاول أكون مسلمة صالحة يحبها الله ورسوله ،بسمعهم على اليوتيوب.الشيخ/(محمد الغليظ ،علاء حامد ،حازم شومان ،د/هالة سمير). بودكاست "وعي ".و بودكاست "إيه المشكلة" والله والله يا جميلة ما هتندمي لحظة أنك سمعتيهم ،ناس بسيطة وجميلة ومثقفة دينيا ًو دنيويا ً .هتحسي كأنهم صحبة ليكي وحرفيا كلامهم مريح للقلب وبيضحكوا ويهزروا برضه مش ناس متشددة وكده ، يعني اكتر حاجة بحبها ف يومي أما مثلاً أجيب أي وجبة خفيفة كده ولا مشروب وابعد مثلاً أسمع حلقة من بودكاست وعي وأصلا ال ف البودكاست دول شباب ف هتحسي أن فاهمين دماغك جدا وواقعيين .اساميهم.. المهندس (احمد عامر شريف علي ،حازم الصديق) بجد ما شاء الله اللهم بارك يعني أنا بكتبلك دلوقتي وانا بجد من جوايا فرحانة إنك هتتعرفي على الناس دي وإن حياتك بعون الله هتتغير للاحسن من وقت ما تسمعيلهم إن شاء الله. أنسي كل الفات وبدأي من جديد. والسلام على قلبِك حتى يهدأ ويطمئِن 🤎 🌿.
تم النشر السبت، ١٨ مايو ٢٠٢٤
جدا عندك ثابته ما فيهاش تغيير كتير بسبب انك حاطه الافكار دي في قالب واحد بس او حاطه احتمال واحد بس هو ده لو موجود الدنيا هتبقى تمام ولو غيره لا الدنيا مش حلوه فلذلك عندك مش عايز هي اتجاه الحياه واتجاه كل حاجه وما عندكيش شخص زي ما بتقول. لكن الدنيا براحه ويكون مليان احتمالات وقدامنا اختيارات كتير لما احط احنا جوه دماغنا اختيار واحد ويا اما هو يا اما فلق ده احنا بنكتب على نفسنا الحزن والشقاء. فواحده واحده كده مش قادره انك تخرجي تاخذي كورس الكورسات بتتاخد اونلاين وانت في البيت. مش قادره انك تقراي كتاب الكتب المسموعه ممكن تناسبك اكتر او يكون في حد في فيديو بيلخص محتوى بتاع الكتاب يعني الاختيارات متاحه كتير ما توقفيش نفسك عند اختيار واحد وتقولي بسبب انه الاختيار ده مش موجود ضمنه ظروفي الحاليه فانا اتكتب علي انه الحياه تبقى واقفه الحياه مش واقفه انت مقرره توقفيها عارفه انا ممكن كلام يكون بالنسبه لك تقيل لاني بحملك المسئوليه في الموضوع بس هو حقيقي فعلا المسؤوليه عليك مش علىالسلام عليكم ورحمه الله وبركاته. انا ممكن الاجابه بتاعتي تكون تقيله شويه عليك بس الافكار هي اللي بتولد المشاعر والمشاعر منبتها هو الافكار اللي موجوده جوه دماغنا واضح ان انت مركزه افكارك في حته واحده فقط الحياه براح مليانه اختيارات كتير تقدري تعملي اكتر من حاجه ولكن انت مقرره جوه عقلك انه طالما ده اختيار ده غير متاح للحياه. لو على الدراسه او الكورسات تقدري تاخديها وانت في البيت لو ظروفك ما تسمعش انك تخرجي من البيت ايا كان ايه الظروف اللي خليك متخرجيش من البيت تاني انك محتاجه تقرئي كتب قراءه الكتب او اسراء الثقافه عندي الانسان او التعلم كتير دلوقتي يعني انا مش بعرف اقرا كتاب او مش بستحمل ان انا اقعد اقرا انا في كتب مسموعه انا اقدر اسمع بالنسبه لي اسهل في انه انا ادور على حد عامل ملخص بيتكلم عن ملخص الكتاب وده ناس عاملاه دلوقتي بفيديوز على اليوتيوب او في بودكاست يعني في طرق كتير جدا الناس عاملاها الدنيا موجوده خيارات كتير واحتمالات كتير وانت من حقك انك تختاري من الاحتمالات والاختيارات كتير دي بما يراعي ظروفك الحاليه بدل ما توقفي نفسك عند اختيار واحد وبسب انه مش موجود خلاص الحياه واقفه. وهتقدري توصلي لنتائج احسن بكثير جدا بدل ما انت كاتبه على نفسك الشقاء والحزن بسبب فكره هي في الواقع ممكن تلاقي احسن منها ب.
تم النشر السبت، ١٨ مايو ٢٠٢٤
الحل طريق ربنا وانك تعرفى أن السند الوحيد ربنا هو ده الحل والله ومهما حصل متيأسيش والذين جاهدة فينا لنهدينهم سوبلنا وإن الله مع المحسنين
تم النشر السبت، ١٨ مايو ٢٠٢٤
الحياه عباره عن تحديات مثل السلم بنطلع درجه درجه ، واحنا بنطلع، بنتعب وبنتوجع تمام ولكن في حاجات كمان بتفرحنا وبتقوينا ، محتاجين نشوف كمان هذا الجانب لانه اكبر دافع لنا ، لكن المهم اننا لانقف في نفس المكان نحاول نجاهد نفسنا بخطوات صغيره حتي نصل لهدفنا من الحياه . كل ما مر ، مر حتي تتعلمي منه ، تاخدي خبرات في الحياه وفي الاختيارات . اوقات نوعيه الكتب التي بتقريها ليست من اهتماماتك ، لو عايزه القراءه تكون جزء من حياتك ابحثي عن اهتماماتك الاول وساعتها دوري علي كتاب يكون بنفس اهتماماتك ، لا تبحثي عن الكتاب المميز في نظر غيرك ، او غيرك بيشكر فيه ، المهم يكون خاص بميولك انت الاول ، يوجد كورسات كتير اونلاين ، العمل التطوعي والخيري بيفرق كتير في احساسك بقيمتك ودورك في الحياه وطبعا اخيراً والاهم علاقتنا بربنا هي العلاقه اللي بتقوينا من الداخل وبتشفي الجراح وبتدفعنا للأمام .
تم النشر السبت، ١٨ مايو ٢٠٢٤
مرحبًا! أولاً أنا أسفة جدًا لمرورك بتجربة صعبة مع فقدان والديك وصديقتك. فقد هذه الأشخاص الأعزاء قد يكون سببًا في شعورك بالحزن والإحباط. الحزن طبيعي بعد مواجهة مثل هذه الخسارات، ويمكن أن يأثر على طاقتك وشغفك بالحياة. أولاً، دعينا نتحدث عن علاج الحزن الذي تعانين منه. من الهام بدايةً أن نجري بعض التغييرات الصغيرة في حياتك اليومية التي يمكن أن تساعدك على استعادة شغفك وطاقتك. احرصي على ممارسة الرياضة بانتظام، فهي من المفيد جدًا لتحسين مزاجك وزيادة طاقتك. كما يمكن أن تجربي التأمل واليوغا أيضًا لتهدئة تفكيرك وتقوية روحك. ثانيًا، يمكنك اكتشاف هوايات جديدة أو التحاق بأنشطة اجتماعية قريبة من منزلك تساعدك على توسيع آفاقك وتحفيزك. قد تساعدك الالتحاق بدورات تدريبية أو التطوع في أعمال خيرية أيضًا على التغلب على الشعور بالفراغ والإحباط. ثالثًا، اهتمي بنفسك وابحثي عن الدعم النفسي والعاطفي. يمكنك مراجعة متخصص نفسي أو الانضمام إلى جلسات دعم نفسي للتحدث عن مشاعرك وتجاربك والتعامل معها بشكل صحيح ومفيد. وأخيرًا، تذكري دائمًا أنه من الطبيعي مواجهة تحديات في الحياة وأنه من الممكن التغلب عليها بالصبر والعزيمة والمساعدة من الآخرين. ابدئي ببطء في استعادة شغفك وقوتك، ولا تترددي في الحديث معي إذا كنت بحاجة للمزيد من الدعم والمساعدة. أنا هنا لمساعدتك دائمًا.
تم النشر السبت، ١٨ مايو ٢٠٢٤
كل مشكله انتي حطيتي سببها وحلها في التعليق هي المشكله انوؤ الضحيه مأثر اوي عليكي فقدامك حلين ياتراجعي نفسك وتقدري تاخدي كورسات اونلاين وتشغلي نفسك باي حاجه من البيت او مستشفي النفسيه والعصبيه وهم هيفقدوكي الحياه خالص
تم النشر السبت، ١٨ مايو ٢٠٢٤
بصى حالك الوحيد.صدقينى انك تقربى من ربنا هو إلى هيعوضك عن كل حاجه وصلى على رسول الله كتير و إن شاء الله هتعدى
تم النشر السبت، ١٨ مايو ٢٠٢٤
لازم تحاربي اليأس اللي وصلتيله وتبدأ وتخاولي تخرجي من البيت واشتغليي وبعدين اتعلمي اي لغه او خدي كورسات وحاربي عشان تتكوري نن نفسك وعشان بما يقدملك شخص يكون مناسب وتكوني حاجه يفتخر بيها واولادك بالمستقبل
تم النشر الأحد، ١٩ مايو ٢٠٢٤
لعرض السؤال في فدني اضغط هنا