بنتي الشهر الجاي هتم 7 سنين عندها دائما خوف من النوم عشان بتخاف تحلم احلام وحشه بالرغم من أنها بتنام جنبي مش لوحدها
ولما بتحلم بكابوس أو حلم مش حلو تبقا خايفه جدا من اللي شافته وبيبقا عندها فوبيا منها
فحلمت مره أنها راكبه معايا تاكسي وانا نزلت وسيبتها وهي فضلت تعيط وتقول للسواق أنا عايزه ماما وبتقول فضلت تعيط لحد لما صحيت وقالت الحمدلله أنه مش حقيقه
فمش عارفه ايه السبب في أنها بتحلم بكده أو الخوف الزائد عندها
اهلا بحضرتك يافندم وشكرا علي مشاركتك الأطفال خيالهم واسع ماشاء عليه واذكياء جدا ويلاحظون مايحدث حولهم حتي لولم يتكلموا عنه ممكن نلاحظ فالاول الطفل بيتفرج علي كرتون ايه في حاجات تانيه ع اليوتيوب مثلا اعرف محتواها بيلعب مع مين ايه الالعاب اللي بيندمج فيها ونلاحظ الكلام اللي في محيطه وغير موجه ليه نحاول تطمين الطفله واحساسها بالأمان ملامسه الطفل واحتضانه من قبل الوالدين بعد الملاحظات دي ممكن نخليها ترسم ايه فخيالها وترسم الحلم وترسم كانت تحب ينتهي ازاي وكل رسمه فيوم مثلا ونجمع الرسومات وهيا تسرد القصه او تحكي قصص من خيالها وهكذا لمعرفه ماهية الأفكار المؤديه لذلك وربنا يرشدك للصالح ويطمن قلبك عليها
تم النشر الاثنين، ١٨ سبتمبر ٢٠٢٣
حاولي أن تمنعها عن كرتون فيه رعب أو أي شيء فيه رعب، وأن أقري عليها آية الكرسي وسورة الإخلاص والمعوذتين قبل النوم.
تم النشر الاثنين، ١٨ سبتمبر ٢٠٢٣
أختي العزيزة، أشكرك على ثقتك ومشاركة همومك كأم. خوف الأطفال وكوابيسهم أمر طبيعي في هذا السن، ولا داعي للقلق. أولاً، من المهم أن تطمئني ابنتك وتوضحي لها أن الأحلام ليست حقيقة، وأنها في أمان معكِ. قولي لها إنك ستحمينها دائمًا. ثانيًا، شجعيها على التحدث معك عما يخيفها، واستمعي باهتمام ودون توبيخ. كذلك، يمكنك تشجيعها على الرسم أو الكتابة عن أحلامها، فهذا يساعدها على التعبير والتحكم في مخاوفها. ويفضل تجنب مشاهدة الأفلام أو القصص المخيفة قبل النوم. كما يمكنك قراءة قصة هادئة أو الاستماع إلى موسيقى لطيفة قبل نومها لتهدئتها. أخيرًا، لا تقلقي كثيرًا، فهذا أمر عابر عند معظم الأطفال. أكثري من الحنان والحوار الهادئ معها، وستجدين أنها ستتجاوز هذه المرحلة بسرعة. أتمنى لكِ ولابنتك كل الصحة والسعادة.
تم النشر الأربعاء، ٢٠ سبتمبر ٢٠٢٣
طيب حاولى تفهمي منها سبب الأحلام دى كمان شوفى ايه العامل المشترك فى الأحلام يعنى مثلا فكره مكرره من خلال دا تق.رى تستنتجى ايه هو اكتر حاجه بتخوفها و منه تعرفى سبب الأحلام وقت النوم او قبلها بشويه احكيلها حكايه العبوا شويه و قوليلها لما تنام تحلم بالروايه اللى حكايتها او اطلب منها مثلا تحلم بنفسها مكان الاميره خليها ماتخفش من الأحلام عشان بما تيجى تنام تحلم بحلم كويس و ان شاءالله مشكلتها تتحل
تم النشر الاثنين، ١٨ سبتمبر ٢٠٢٣
الاحلام احيانا بتيجي من الي حوالينا والفيديوهات يلي بنشوفها باليوتيوب والتيك توك وكدا والكوابيس غالبا بتدمج الفيديوهات يلي بتخوف مع النفسية يلي الحالم بحس فيها.. ف انتي بنتك خايفة على طول وشخصيتها ضعيفة ف الكوابيس بهاي الاوقات بتضلها تيجي.. ف انتي من جهتك ك ام خلي بنتك قوية وما تخاف من شي وما تخليها تخاف من النوم والكوابيس واعطيها كلمات حلوة انو الكابوس خلص راح واليوم نامي لانو فيه حتحلمي حلم حلو مثلا.. يعني اضحكي عليها بكلمتين حلوين عن الاحلام والنوم عشان لما تنام متبقاش خايفة. وحاولي انك لفترة تخليها تخففي فيديوهات يوتيوب وتيك توك وهيك لبين ما تبطب كوابيس.. وقليلها انتي قوية وشخصيتك حلوة وما بتخاف من شي وهيك. وبالنسبة لتفسير الحلم برائي نابع من خوفها بس والفيديوهات يلي عاليوتيوب.ف ما تحاولي تفسريه وتفكري فيه انتي او بنتك.
تم النشر الاثنين، ١٨ سبتمبر ٢٠٢٣
• هل البنت تعرضت لأي إيذاء مُسبق ؟
تم النشر الخميس، ٢٥ يناير ٢٠٢٤
عليكي تقري عليها الرقية الشرعية وقبل ما تنام خليها تقول معاكي اذكار قبل النوم واقري ليها قصص إيجابية بحيث عقلها الباطن يعيش مع احداث القصة الإيجابية
تم النشر الجمعة، ٢٢ سبتمبر ٢٠٢٣
لازم رقية شرعية راسلي هذه الصفحة https://www.facebook.com/t3lam.benafsk
تم النشر الاثنين، ١٨ سبتمبر ٢٠٢٣
طيب حاولى تفهمي منها سبب الأحلام دى كمان شوفى ايه العامل المشترك فى الأحلام يعنى مثلا فكره مكرره من خلال دا تق.رى تستنتجى ايه هو اكتر حاجه بتخوفها و منه تعرفى سبب الأحلام وقت النوم او قبلها بشويه احكيلها حكايه العبوا شويه و قوليلها لما تنام تحلم بالروايه اللى حكايتها او اطلب منها مثلا تحلم بنفسها مكان الاميره خليها ماتخفش من الأحلام عشان بما تيجى تنام تحلم بحلم كويس و ان شاءالله مشكلتها تتحل
تم النشر الاثنين، ١٨ سبتمبر ٢٠٢٣
لا دي حاله نفسيه متعلقه بيكي جدا او ان حد بيقولها مش هوديكي لماما كلام من ده يعني الحل تتعرض على دكتور نفساني
تم النشر الاثنين، ١٨ سبتمبر ٢٠٢٣
بنتي شخصيه بتخاف شويه م اي حاجه ومن النوع اللي مخها شغال ع طول فممكن يكون الحلم اللي بتحلمه ده مرتبط بخوفها ولا اي
تم النشر الاثنين، ١٨ سبتمبر ٢٠٢٣
يعني اي مش فاهمه ده مش وسواس ؟
تم النشر الاثنين، ١٨ سبتمبر ٢٠٢٣
وسواس دا بعيد لان احنا في حاله نوم لو خوف مش هتنام لكن لو نفسيه فدا بيكون واضح عند المعامله مراقبه الحركات وما إلى ذلك ولكن حاول أن تواظب على القرآن والرقيه
تم النشر الاثنين، ١٨ سبتمبر ٢٠٢٣
لعرض السؤال في فدني اضغط هنا