بقالي سنين يعاني بسبب حاجة أنا مش عارفها. عندي ٢١ سنة اخر ٨ سنين حاسس اني كنت بعاني نفسياً وكل يوم يعدي يبقي اصعب من الي قبله رحت لدكاترة نفسيين حوالي ٣ وكل واحد فيهم قالي مرض شكل . في الي قالي شيزوفرينيا وفي الي قال اكتئاب حاد وفي الي قال اضطراب كرب حاد وكل واحد يقول مرض شكل وفضلت اتعالج بالأدوية بس بدون اي نتيجة لدرجة اني زهقت ورميت كل العلاج ومبقتش اروح ف حتة ومبقتش عايز اعمل حاجة ولا اطلع من البيت عايز اموت بس مش عايز حاجة تانية وبحاول اصبر نفسي او ابعد نفسي عن الانتحار بس مش بقدر كل يوم بفكر فيه عايز انهي حياتي البائسة دي أنا طالب في الجامعة بس مش بروح وعايش لوحدي ومليش صحاب ولا عايز صحاب اصلا. أنا عايز بس اعرف أنا فيا اي واعالجه لاني مش قادر حاسس اني استنزفت كل طاقتي بجد
اوصفلى علاقتك بربنا ؟؟ حاسس انك زعلان من ربنا فى حاجة .؟
تم النشر الاثنين، ٢٣ أكتوبر ٢٠٢٣
حاول تبدا من الاول مع نفسك واديها فرص جديدة واعد شوف اي الغلط فيك او اي اللي تاعبك وحدده واكتب نقط تعرف بيها انت لي كدا شوف اللي حصل ف ماضيك خلاك كدا انت بتعاني من اثار صدمة قديمة حصلتلك انا واثقة او يمكن صدمات
تم النشر الثلاثاء، ٢٤ أكتوبر ٢٠٢٣
كل اللي انت محتاجه في المرحله دي ان انت تلاقي لنفسك هدف او انت تلاقي نفسك يعني ايه هدف يعني حاجه انت بتحبها حاجه انت بتقبل عليها كل يوم طيب افرض انا مش عارفه ايه الحاجه دي؟انت بتقول ان انت ما عندكش حد حواليك او مش بتحب حد او مش عندك ناس تقابلهم او كده.لان انا كنت هقول لك ان انت ممكن تسال الناس اللي حواليك انت بتحب ايه او انت شغوف بايه ده هيفرق.لو انت ما عندكش حد هتشوف اي تمرينات على النت ازاي اعرف شغفي طيب لما نعرف شغفنا ايه اللي هيحصل لما نعرف شغلنا شغلنا هيتخلق عندنا حياه جديده غير الحياه اللي احنا عايشينها الحياه اللي احنا عايشينها دي ممله بالنسبه لنا مش فارقه معنا عايزين نخلص منها طيب ما هو انا ممكن يتولد عندي حياه جديده اتولد عندي حياه جديده اه ممكن يتولد عندي حياه جديده وابدا ان انا اغير الحياه دي اللي انا ابقى عايش فيها اعمل لحياه جديده انا نفسي اعيشها هو انا ممكن اعمل حياه نفسي اعيشها ايوه ممكن اعمل حياه اكتبها اعمل سيناريو حلو اكتبه كان انا بكتب قصه حد قال لي اكتب قصه تحب تعيشها اكتبها اه انا احب اصحى الصبح اعمل تمرينات اه انا احب الصبح اصحى ليا هدف.بق.معين احب يبقى لي صحاب احب اركب فيل احب ارسم احب العب موسيقى.حياه فيها جوده عاليه قوي وابدا انفذها انفذها ازاي باسهل خطوه مش بخطوه صعبه ولا حاجه؟اسهل خطوه في ايدي اقدر اعملها اقوم بسرعه اعملها حتى لو انا مش مقتنع حتى لو انا مش عاجبني حتى لو انا مش قادر ومش قادر اتحرك ومش قادره انزل مش مهم كل ده الخطوه بتحتاج مني انزل اروح مشوار البس وانزل اجي على نفسي وانزل الموضوع مش هيجي الا بالاراده الاراده الاراده اني اعيش واكمل لان انا ممكن حياتي تبقى حلوه قوي وانا مش واخد بالي ممكن انا فيا حاجات حلوه قوي واقدر اديها للناس وانا مش عارف ممكن الناس اساسا مستنياني افرق معها وانا مش عارف ومش شغال على نفسي اللي انا مش عايزها اعيشها طب ما انا اعيش الحياه.
تم النشر الثلاثاء، ٢٤ أكتوبر ٢٠٢٣
في دكتورة كويسة جدا .. ممكن ارشحها ليك لانك للاسف لازم تتابع مع حد تاني برضه، انا عارفه انك زهقت بس ممكن تعتبرها اخر مرة ، https://www.clubhouse.com/@radwa.farghaly?utm_medium=ch_profile&utm_campaign=MOyPBLf7UOeSTBX6wQV52g-932395
تم النشر الاثنين، ٢٣ أكتوبر ٢٠٢٣
ممكن يكون الاكتئاب أو أيا يكن اللي عندك بسبب الوحدة أو صدمة عقلك ما استوعبهاش، الموت مش راحة ومش هو نهاية المعاناة بالعكس ده في الحالة دي بيكون بدايتها... رفضك لوجود أصدقاء أو التغلب علي الوحدة ده نابع من أحداث حصلت وغيرت جواك كتير وخلت النظرة دي تتكون؛ حاول تنمي كل جوانبك: الروحية بإنك تداوم علي الصلاة والقرآن والاذكار.. والجانب الانساني بإنك تتصدق أو تساعد حد، تكون صداقات، تزور أهلك، تشترك في جمعية تطوعية، الجانب الاكاديمي بإنك تركز علي دراستك وتحاول تحسن من درجاتك وتفهم أهمية وفريضة طلب العلم وإننا مش بنتعامل مع درجات بنجيبها في الامتحان وخلاص.. حاول تتطور مهاراتك تسمع بودكاست كتير، تتعلم لغة... عارفة إن الحياة مش سهلة إنك أكيد بتعاني وممكن تكره كل حاجة وساعات ممكن تكره نفسك وعارفة إن الحياة مش بسيطة بس هقولك إن دي رحلتك وأنت اللي بتختارها وأسأل نفسك دايما قبل ما تفكر ف فكرة زي الانتحار.... هل أنا مستعد للقاء ربنا... هقول اي لربنا لما يسألني عن سبب كفري ويأسي وقنوطي.. هل أنت "أجارك الله" مستعد تروح من تعب وقلق ل عذاب وخلود في النار، أكيد الدنيا ضيقة في عينك جدا بس صدقني مهما كان السبب ف هو في اللحظة اللي بينتحر فيها الشخص بيضئل في عينه ولو شخص نجا هتلاقيه متمسك بالحياة أكتر من أي حد... كل اللي أنت محتاجه انك تفكر بإنعزال وتخرج نفسك من دايرتك وتشوف نفسك من بره وقتها صدقني هتتعافي وهيتعافي جزء كبير منك🤍
تم النشر الاثنين، ٢٣ أكتوبر ٢٠٢٣
لعرض السؤال في فدني اضغط هنا