انا مخطوبه بقالي سنه ونص وخطيبي اتكسر من سنه برغم اننا كنا محددين مده الخطوبه سنه ونص هو رجله اتكسرت وركب شرايح ومسامير وبقاله ٧ شهور رجله بتتحسن ببطء وانا راضيه ومعنديش لا انا ولا اهلي مشكله
مشكلتي انه قاسي جدا وكل مشكله بيحولها ع نفسه ودا من قبل الكسر بعد الكسر اتحسن معايا لكن كل لما نختلف يجيب سيرة كسره وانا كنت مقدره لحد ما اهله بدأوا يتعدوا عليا بشكل مباشر
ف البدايه كنت بقول يمكن انا ال بفهم غلط برغم انه كان واضح للي حواليا ولكن مع الوقت بقي في تعدي مباشر زي ان حماتي دايما تقولي متطلبيش منه حاجه عشان يبقي كويس معاكي برغم ان والله مابطلب اي حاجه نهائي وهو ال بيجيب من نفسه برغم ان بابا علق له وقاله جهز نفسك وبس وانا بنتي مكفوله مني لحد دلوقتي
وكمان بتفضل تقول له اني عايزه افرض شخصيتي عليه لمجرد انه مثلا بيراضيني او كدا وهو مع الوقت بقي يكرر الكلام ال مامته بتقولوا ودلوقتي بقي لقيت واحده بعتالي اسكرينات من اكونت فيك انه كان بيكلمها وواعدها بالجواز وهي متعرفش انه خاطب اصلا مع العلم انه حاطط اسمي ف كل مكان تقريبا ع السوشيال ميديا
ولما جيت اتكلمت انكر تماما بس انا مبقتش واثقه فيه واهله بجد مضيقني بتصرفاتهم وباباه سلبي جدا ووصل الحال بتلقيح ع الفيسبوك من اخته ومامته فضلت ترمي كلام عليا ف الكومنتات ولما هو واجهم قالوا دا هزار واني اوفر وكدا
انا دلوقتي مش عارفه اسيبه ولا لا مع العلم ان محدش هيصدق للحظه انا اتحملت ايه ف العلاقه دي وهيتقالي اني مستحملتش كسره ال لسه مطول الظاهر
بصي، أنتِ استحملتِ كتير في العلاقة دي، وخطيبك واضح إنه مش مقدّر ده، غير إن أهله بيتدخلوا بشڪل مش مريح، وده مؤشر خطير لأي علاقة. فڪرة إنك لازم تڪسبي رضاه بأي شكل حتى لو على حساب نفسك، دي حاجة مش صحية أبدًا. الحل واضح: لو أنتِ حاسة إنك مش قادرة تڪملي ومش مرتاحة، لازم تاخدي قرار بخصوص مستقبلك. الزواج مسؤولية ڪبيرة، ولو دلوقتي مش قادرة تتحملي معاملته، بعد الجواز هتڪون الأمور أصعب بڪتير. الناس مش هتعيش حياتك، وانتي اللِ هتتحملي النتيجة. ففڪري في نفسك وراحتك، وما تخليش الخوف من كلام الناس أو الضغط الاجتماعي يخلّيكِ تفضلي في علاقة بتستهلڪك بدل ما تريحك.
تم النشر السبت، ٨ مارس ٢٠٢٥
هل كلام الناس إنك بعتيه علشان اتكسر هيفرق لما تتجوزي وتعاني من نفس اللي كاتباه ده بس أضعاف مضاعفة؟ نصيحتي لو كان الوضع كما كتبتي تماما انفصلي فورا والآن قبل فوات الأوان
تم النشر الأحد، ٩ مارس ٢٠٢٥
عزيزتي، أقدر مشاعرك وما تمرين به في هذه العلاقة. إنه من الصعب أن تجدي نفسك في وضع كهذا، حيث تواجهين تحديات كثيرة مع خطيبك وأسرته. أولاً، من المهم أن تحافظي على سلامتك النفسية والذهنية. الكسر الذي تعرض له خطيبك قد أثر عليه، ولكن سلوكه القاسي وتعامله مع المشاكل بطريقة غير صحية هو شيء يتطلب التفكير العميق. يبدو أنه يتجه دائماً للصراعات ويجعل الأمور تتعلق به، وهو أمر قد يكون محبطاً جداً لك. فيما يتعلق بتصرفات أسرته، من الواضح أن هناك ضغطاً يتعرض له هو أيضاً، لذا يجب أن تقومي بالتحدث إليه بصراحة حول مشاعرك. حاولي أن تشرحي له كيف تؤثر تصرفاته وكلمات أسرته عليك، وأن تدعوه لمشاركة مشاعره بوضوح بدلاً من إنكارها. بالنسبة للعلاقة مع الفتاة الأخرى، يبدو أن عدم الثقة يبرز بشكل كبير. الثقة هي أساس أي علاقة ناجحة، إذا كان لديك شكوك قوية تجاهه، فمن المهم أن تأخذي هذه الشكوك على محمل الجد. إذا استمر الوضع على ما هو عليه دون أي تغيير إيجابي، قد تحتاجين إلى مراجعة الموقف بشكل جدي. حاولي أخذ وقت للتفكير في ما إذا كنتِ ترغبين في استمرار هذه العلاقة أو إنهائها. يمكنكِ أيضًا التفكير في استشارة مختص نفسي لمساعدتك في اتخاذ قرار بناءً على حالتك الخاصة. أخيراً، لا تنسي أن تكوني قوية وواثقة من نفسك. أنتِ تستحقين الحب والدعم، وليس فقط التحديات والصراعات.
تم النشر الجمعة، ٧ مارس ٢٠٢٥
الجواز ده قرار هيستمر معاكي طول حياتك .... لو مش مستريحة بلاش تكملي
تم النشر السبت، ٨ مارس ٢٠٢٥
لعرض السؤال في فدني اضغط هنا