السلام عليكم ورحمه الله وبركاته معلش تحذير بسيط انا بتكلم وجوجل هو اللي بيكتب فاي غلطه املائيه انا اسفه + اسفه كمان لو اتعاملت مع حضرتك على انك بنت وانت ولد او العكس( كمان جوجل مش بيحط ياء بتاعه التانيث زي كلمه انتيي او معاكيي) ١- لازم تبتسمي طول الوقت وفي وش اي بنوته حتى لو عينيكم قبلت بعض بالصدفه ٢- حطي في شنطتك كيس بونبوني وعلى فكره مش بيكون غالي يروحي عند اي حد بيبيع بالجمله وهيديكي كيس ومش هيكون غالي وفي بونبوني كتير وحاولي لما تقابلي اي حد لاول مره او اي حد تحسيه متضايق ابتسمي وادي له بونبونايه مع كلمه لطيفه لو لقيتي في دماغك لو ما لقيتيش ادعي دعوه لطيفه ٣- حاولي تقدمي مساعده دايما للي حواليكي ومش عشان تظهري او يتقال عليك كذا كذا انت بتعملي حاجه لوجه الله ولما تساعدي وتقدمي كل اللي بيوسعك بانك تساعدي اللي حواليك اولا عليه اجر كبير ثانيا الناس النظيفه المحترمه هتقدر اللي انت بتعمليه وهتقرب منك ٤- ما تبقيش خجوله من انك تتكلمي وتاخدي وتدي مع اللي قدامك لو حسيتيها هي مش مستلطفاكي او مش عايزه تتكلم اسكتي ساعتها اما لو حسيتيها هي محروقه اذا انت خدي راحتك في الكلام وتكلمي عادي وهزري وخدي ودي( طبعا هزري في كل شيء الا انك تتريقي على شخص او تتنمري على حد او تجيبي في سيره اي شخص) وغالبا هتلاقي الشخص اللي قدامك مرحب بان هو يتكلم معاكي وهتلاقيه مستلطفك خصوصا بعد البونبونايه اللي بجنيه او اقل ولو حسيتي نفسك مش فاهمه هل هي مستلطفاكي ولا مش حابه انها تتعامل معاكي خديها بهزار كده وقولي لها عايزاني اسكت ولا ايه او مثلا قولي لها خلاص انا هسكت بقى عشان انا حاساك مش قادره تتكلمي دلوقتي انت في حاجه مضايقاك كلام من هذه النوعيه يعني ٥- في كتاب لطيف قوي اسمه مميز بالاصفر لو عايزاني ابعته pdf او ادور لك عليه على النت وابعت لك اي لينك ليه قولي لي الكتاب ده لما تقريه هيضيف لك حاجات كثير قوي وهتفرق معاكي كثير جدا جدا جدا والله كل الحاجات اللي انا كاتباها دي انا بعملها ومجرباها وفعلا فرقت كتير معايا اتمنى اكون فدتك وما طولتش عليك/ي 🌹🌹
تم النشر الثلاثاء، ٢٦ سبتمبر ٢٠٢٣
0 تعليق
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك