تم حذف هذا السؤال
اللي فهمته إن هوا قرء فاتحة وبعدين خطبك بعدها بشهرين وبتقولي إن هوا كان عمال يأجل الدهب وإن هوا مابيجبش هدايا وبيشتكي من قلة الفلوس بصي علشان تبقي منصفة لو كان معاه فلوس الدهب من الاول وعمال يأجل ومعاه فلوس يجبلك هدايا وما بيجبش يبقي كدا بخيل والله أعلم ممكن مثلا لو هوا مش مبينلك إذا معاه ولا لا ممكن مثلا تعرفي من لبسه برفانه الاماكن اللي بيروحها وبعدين تحكمي لاكن لو طلع بخيل فعلا فسيبيه لإن البخل مرض ومادام بخيل في الفلوس هيبقي بخيل حتي في مشاعره لاكن لو هوا ظروفه كدا ومعهوش فلوس ومشغول في شغله علشان يعرف يتجوز فممكن تعذريه أو تسبيه دي حاجة ترجعلك لاكن والدتك خايفه عليكي ذي ما بيقولو خايفه قطر الجواز يفوتك ودا غلط لأن الجواز نصيب وإنتي ٢٣ سنه صغيرة لسه مش كبيرة بس الاهل بيبقا خوفهم ذيادة حبتين فإعوذوريها وماتخليهاش بردوا تأسر علي رأيك وتوافقي علي حد يتعبك طول عمرك وربنا يعينك علي ما أنتي فيه ويرزقك الزوج الصالح اللذي يخاف الله فيكي والسلام عليكم.
تم النشر الأحد، ١٠ مارس ٢٠٢٤
مساء الخير يا جميلة .. استهدي بس بالله الاول واهم حاجه انك تهدي علشان اي قرار يتاخد .. يتاخد بهدوء علشان تكوني راضية عنه. اول شئ بلاش تقارني حد بحد .. يعني انتي بتقارني شخص بشخص تاني خالص، المقارنة هنا فاشلة وظالمة. تاني شئ، انتي لما بتقولي له على مطلباتك، كان الرد بيكون ايه بالظبط؟ بيتجاهل ولا كأنه سمع حاجه، ولا بيتجاوب معاكي في الكلام؟ مفيش حاجه اسمها اتحط قدامك امر واقع، انتي مغصوبة على الزواج منه؟ انتي 23 سنة، يعني انتي مش مضطرة تقبلي حد انتي مش عايزاه علشان ترضي الناس، وبعدين ترجعي مطلقة!! ولا ايه؟ ياريت متتسرعيش .. مش بقولك سبيه، او كملي معاه فكري بهدوء .. واتكلمي معاه تاني ولكن فيه عدة امور حابه اكلمك فيها. الكلام او الاهتمام والحب والفراشات ده بعد الزواج. مش بقولك مش هتتكلمي معاه، ولكن الكلام بيكون بحساب، وبوجود محرم. لو هو بيتبع كل ده ف ده شخص محترم وملتزم وعارف هو بيعمل ايه وبيتقي الله فيكي. اما لو هو مش في دماغه الكلام ده كله، ممكن يكون من النوع العملي اكتر مش العاطفي .. وهنا انتي لازم تفكري علشان ديه هتبقى شخصيته، لاما تتقبليها زي ما هي كده او لا. ممكن يكون شايف الورد والكلام ده ملوش لازمة! ممكن تكون حالته المادية مش قد كده لانه طبعا عليه التزامات كتير .. حاولي تعرفي اذا كان شخصيته بخيلة ولا لا من المواقف علشان تقدري تحكمي اكتر. هل هو حريص ولا بخيل.!
تم النشر السبت، ٩ مارس ٢٠٢٤
يا حبيبتى الحياه مش بتقف على جواز وده نصيب ورزق خطيبك الحالى من كلامك انه مش مقبل على الجواز من الاساس فبالتالى مش هيكون بالشكل اللى انتى محتاجاه ودى نقطة مهمه فى اختيار الزوج . بعيدا عن ماما اللى هيغمى عليها والكلام ده ..متقبليش انك تكملى زواج هتقعدى تشتكى فيه ان الراجل مش مكفيكى عاطفيا
تم النشر الأحد، ١٠ مارس ٢٠٢٤
في اختلاف في كلام حضرتك منين كنتو مع بعض شهرين و منين مخطوبين صالونات ؟ صلي صلاه استخاره مره و اتنين و عشره و الامر اللي هيريده ربنا هيحصل غصب عن اي احد و عموما الماديات الايام دي بقت صعبه ف حطي نفسك مكانه شوية يمكن فعلا معذور و يمكن يطلع بخيل ربنا اعلم بيه لكن زي ما قلتلك صلي استخاره و ربنا هيختارلك الاصلح بالتوفيق
تم النشر الأحد، ١٠ مارس ٢٠٢٤
صلي استخاره واطلبي من ربنا يساعدك.ولو بخيل بجد نصيحتي تسبيه عشن هتتعبي معاه اوى.ونصيحتي اختارى اللي قلبك يحبه وتلاقي فيه اختلاف كبير.سيبك من زعل اى حد حتي امك دى حياتك الابديه اللي هتختاريها .ربنا يحفظك
تم النشر الأحد، ١٠ مارس ٢٠٢٤
بس معلش عندي سوال كنت ازاي قبل الخطوبه بشهرين مع بعض وازاي مخطوبين صلونات🙂
تم النشر الأحد، ١٠ مارس ٢٠٢٤
هو لو بخيل فعلا سبيه لان البخيل بخيل في كل حاجه حتي مشاعره وصلي استخاره برضو
تم النشر الأحد، ١٠ مارس ٢٠٢٤
لعرض السؤال في فدني اضغط هنا