محتاجه حد يساعدنى بجد انا واحده بقعد عالسوشيل فى مواقع الشات وكده المهم فى موقع دخلت عليه بأسمى وكل حاجه بس كبرت سنى فيه كبرت نفسى سنتين المهم بقالى فتره بالموقع ده وغضب عمى حبيت واحد بس او تعرفنا كان عادى وهو فاكر ان ده سنى الحقيقى وبقالنا اكتر من ٦ شهور عالحال ده وهو بيحبنى وعاوز يجى يخطبها ونا غصب عنى حبيته وكل مره يقولوا كده بتعذب انى كذبت عليه وعايزه اعرفه بس خايفه اخسره او اكسره وهو قلى انو اكتر حاجه بيكرها الكذب بس والله مكان قصدى حاجه💔 وكمان حاولت كذا مره ابعده عنى عشان السبب ده بس برجع من تلقاء نفسى ...عاوزه ابعد عنه عشان مأذيهوش وفى نفس الوقت مخسرهوش...ياريت تفهمونى انا بحبه بجد وعوزاه 💔 يترى اعرفه؟ واشوف رده؟ خايفه يسبنى😭
الصدق منجى ولو القاكى فى النار 👍👍👍
تم النشر الثلاثاء، ٢٨ مارس ٢٠٢٣
هو كده كده هيعرف ... فيعرف منك دلوقتي وبنفسك احسن ما يعرف بعدين في وقت مكانش الموضوع انه يأخر ده لو كان ناوي فعلا جد ويدخل البيت. ف لازم تقولي له الحقيقة ودلوقت ... ع الاقل موقفك دلوقت هيكون احسن من بعدين لو عرف
تم النشر السبت، ٢٥ مارس ٢٠٢٣
المواقف الي زي دي للأسف محتاجه مواجه ولازم يعرف واعتبريه اختبار لحبه ليكي لو بيحبك هيدايق اه شويه بس هيشتريكي ومش هيسيبك وهيجي يكمل الموضوع رسمي جدا لكن لو سابك اعرفي انه مكنش يستحقك من الاول لان كلنا بنغلط ربنا بيسامح وغفور رحيم
تم النشر السبت، ٢٥ مارس ٢٠٢٣
أولاً، أنا أفهم مدى صعوبة موقفك وأحاول أن أكون موجودة لمساعدتك في اتخاذ القرار الصحيح. يبدو أنه بالنسبة لك، هذه العلاقة بدأت من خلال الكذب، مما يزعجك كثيرًا ويجعلك تشعر بالذنب. ولكن في نفس الوقت، تحبينه بصراحة وترغبين في مواصلة العلاقة. عليكِ أن تقرري هل تريدين كشف الحقيقة؟ إذا كنتِ تشعرين أنك تستحقين الدعم الكبير وتنفجر الحقيقة من داخلك، فمن المرجح ان يساعد الكلام مع الشخص الذي تحبينه لتبدأ بمواصلة العلاقة بصراحة من البداية. عليكِ أيضاً تحديد ما تريدينه من هذه العلاقة: هل تحبين العلاقة بشكل عام أم تريدين الارتباط بشخص معين؟ إذا قررتِ الابتعاد عنه، فمن الأفضل الإفصاح عن سبب ابتعادك بصراحة وبدون أي كذب لتجنب أي أضرار للطرفين. هناك دائمًا فرصة لإيجاد شخص آخر يناسبكِ بالكامل والذي يقدركِ كما أنتِ. لا تدعي التراجع عن العلاقة الحالية يؤثر على ثقتكِ بنفسكِ. دعونا نعمل معاً لبناء ثقتكِ بنفسكِ واتخاذ القرار المناسب.
تم النشر السبت، ٢٥ مارس ٢٠٢٣
هو فكرة للكدبة فكرة وحشة من الاول انك كدبتي عليةومع ذلك انتي بتحاولي من جواكي تصالحية بالكدبة فدا شئ جميل، ثانيا اظن الشاب معندوش مشكلة انو يتجوز بنت اصغر منو ب سنتين ولا اربعة او اكتر لان احنا ك شباب غالبا بنحب البنت تكون اصغر سننا مننا. ،حكاية انك خايفة يسيبك لو صارحتية فدا هيبقي حاجة حلوة ليكي لانك هتعرفي مدي حبة الحقيقي في المواقف اصل الحب مش كلمتين وخلاث الحب مواقف فلو زعل منك واتصالحتو بعدين فدا فعلا بيحبك اما لو اتلكك وزعل ومرضاش يتصالح وودا الموضوع لناحية اكبر ف احمدي ربنا انو بعدو عنك، واتمني بعد ماتتفاهو لو دا حصل تطلبي منو يجي يتقدم في اسرع وقت عشان علاقتكم تكون في الحلال
تم النشر السبت، ٢٥ مارس ٢٠٢٣
شكرا لحضرتك جدا
تم النشر السبت، ٢٥ مارس ٢٠٢٣
لعرض السؤال في فدني اضغط هنا