انا اكتشفت حاجة عن مامتي هي حاجة م زمان بتحصل ماما عندها 51 سنة بس احنا كعيلة مش بيبان علينا سننا و هي مهتمة بنفسها و جميلة انا اصغر اخواتي عندي 18 سنة و لسة مخلصة تالتة ثانوي مامتي زمان كنت لما ببص في التاب بتاعها ال عليه واتساب كنت صغيرة اوي مش بعرف اقرأ غير حاجات بسيطة بس ذكية كانت بتبقى دايما بتكلم ع الواتساب و انا كنت فضولية انها بتكتب في الشاشة ال فيها خطوط خضرا بس كنت بعرف اقرأ الاسم كان يعني اسم بنت دلع
المهم انا كنت فاهمة انه مش بنت و انه راجل و م اسم الدلع انا عارفة هو مين
لما كنت بقول لأني ال اكبر مني ع طول كانت بتقولي اه دي طنط كذا... عشان يعني تخبي عني و متعرفنيش عشان انا المفروض صغيرة بس انا فاهمة
مرة اختى الكبيرة خالص هي عندها دلوقتي 26 و هي في اعدادي كانت بتاخد دروس في البيت كان في مستر انجليزي اعتقد برضو كانت مامتي بتكلمه عشان انا فاكرة ان حصل زي مواجهة بين اختي و مامتي و اختي كانت منهارة م العياط بس محصلتش قدامنا بس الموضوع عدا عادي و عدت السنين و انا ال هو كنت بنكر الموضوع و بتجاهله عشان انا المفروض صغيرة و اكيد بحب األف من دماغي
بس انا اكتشفت ان جارنا هو صغير معرفش كام بالظبط بس تقريبا اصغر من ماما ب 10 سنين او اكتر هو م زمان و هو كان خدوم جدا معانا ز بيحبنا اوي حتى اني كنت بلعب معاه و انا صغيرة و هو كان بينزل لعقلي و حتى انه بيحبني اوي لدرجة سمى بناته التوأم ع اسمي بس احنا عزلنا م زمان و انا كنت ابتديت انفر من الشخص دة عشان كان بالبلدي حد لازقة و معندوش كرامة و مكنتش برتاحله و خلاص " عمره ما صدر منه فعل وحش تجاهي"
خالي الصغير الله يرحمه توفى من سنتين و هو كان قريب لينا جدا جدا و قريب لمامتي لما توفى دخلنا في حالة اكتئاب كلنا و انكار و اكتر حد اتأثر اعتقد ماما من شهرين تقريبا انا بشوفها منزلة واتساب تاني و مسمية اسماء غريبة زي مثلا " بنت الاكابر و حاجات زي دي" و حرفيا بيتكلموا كتير اوي اويي طبعا اخر واحد كان ييجي في بالي انه جارنا دة بس قريت الشات و عرفت ان هو..الشات مفيهوش كلام وحش بس في كلام يدل انه مش عادي و هو حد ع حسب ما شوفت بطريقة كلامه انه "مازوخي" بيذل نفسه و ماما مش فاهمة حاجة زي دي
انا حرفيا حياتي اسودت و لما قولت لأختي الكبيرة قالتلي انا عارفة م زمان بس مقولتش لحد فيكوا عشان متدمروش شبهي..ماما مش حد عاطفي خالص ولا بيظهر مشاعره لينا بس ساعات نادرا لما تظهر حاجات زي دي و قالتلي نقراش تاني عشان نفسيتي هتتعب اكتر و اكتر بس انا قلبي بجد في وجع رهيب و مش مستوعبة ان دي حاجة بجد خصوصا ان ماما حد مش ال هو ست مش كويسة يعني كل الناس بتشهد بإحترامها و قد ايه هي ست جدعة و هي فعلا كدة بس في نفس الوقت هي الشخص ال انا بقرا شاتها مع راجل
انا مش عارفة اعمل ايه انا لو كشفت الموضوع مفيش حاجة هتتغير غير ان البيت هيتهد و حرفيا احنا اسرة ملناش غير بعض و انا بقول اني بكرهها و مش عاوزة اشوفها بس انا عارفة اني بكدب ع نفسي انا بس مقهورة و حاسة بإحساس خيانة فظيع بس قريت م شوية حاجات فهمت منها انها كانت بتصده زمان انا اعمل ايه انا طول عمري و انا صغيرة بقول انا خايفة اوي اكون الصاحبة ال هتسرق جوز صاحبتها او حاجة م ال topic دة الموضوع اكبر م كدة بكتير انا بطبيعتي حد كتوم جدا زي اخواتي و صعب عليا احكي حاجة بصراحة ف حاولت اشرح ع قد ما اقدر و ارجو مش عاوزة كلمة اساءة لأمي عشان هي في الاول و في الاخر امي اعمل ايه ؟
لا أؤيد الرأي الذي ينصحك بإخبار أحد الأصدقاء، هذا شيء لا يصح المشاركة فيه لسبب وحيد، الثانوية العامة سن صغير ولا تضمني من تخبريها بسر كهذا هل يمكن أن تتغير وتفشي سرك أو لا. بالنسبة لأمك، بصراحة وقد أكون مخالفة لرأي الجميع، ادعوا لها جميعًا بالهداية، وحدثوها عن قصة من تأليفكم تشبه قصتها وأخبروها أن تلك السيدة جلبت لبيتها سوء السمعة وأن أبناءها قاطعوها إلخ وبالغوا في وصف رد الفعل المزعوم. لماذا أرى أن هذا التصرف أفضل؟ لأنه بعد المواجهة سيكون التعامل بينكم وبين والدتكم صعب بل شبه مستحيل، كما أن شعور الفضيحة بينكم قد يجعلها تتمادى. نقطة أخرى، اقتربوا منها، اسمعوها، احتضنوها، هي بحاجة إليكم، لا تتركوا لها فرصة الجلوس لوقت طويل في عزلة حتى لا تجد فرصة للتحدث مع أحد، تناوبوا عليها دون أن تشعروها أنها مراقبة. ذكروها بالله، وبعقابة الذنوب وثواب الحسنات، اقتحموا عليها دماغها. بعد كل ذلك لو استمرت ربما سيكون موقف الشدة مهم. سترنا الله وإياها.
تم النشر الأربعاء، ١٧ يوليو ٢٠٢٤
كلميها انتى و اختك بهدوء و قوليلها حاولى تحافظى ع بيتك علشان ولادك مش تشبيع لرغباتك منغير ما تفكرى فينا و متقوليش لحد ع حاجه و استرى امك
تم النشر الخميس، ١٨ يوليو ٢٠٢٤
حبيبتي ربنا يعينك علي ال ضع لكن في حاجه محتاجه أفهمها باباكي فين هل هما منفصلين ولا مسافر ولا معاكم لأن في حلقه مفقوده في الموضوع علشان اعرف أرد عليكي بحياديه
تم النشر الأربعاء، ١٧ يوليو ٢٠٢٤
والله يا حبيبتي الموضوع معقد جدًا وفيه مشاعر كتيرة ملخبطة. أول حاجة عايزة أقولك إنك مش لوحدك، وإن إحساسك طبيعي جدًا. منظومة العيلة والمعايير اللي بنبنيها عن الناس اللي بنحبهم لما تتعرض للشك أو الاهتزاز بتكون ده مؤلمة جدًا. أنتِ فعلاً في موقف صعب، ولكن ضروري تعرفي إن التعامل مع حاجة زي دي لازم يكون بحذر وحكمة. هنا بعض النصايح اللي ممكن تساعدك: التحديات العاطفية : حاولي تحافظي على هدوءك وتفكري في وضعك بعقلانية. نعم، إحساس الخيانة كاسر، بس حاولى تحطي في اعتبارك إن الناس بتتصرف بطرق مختلفة لأسباب متعددة ومعقدة. التواصل مع أمك : ممكن تتكلمي مع أمك بهدوء وصراحة، بس مش لازم تحطيها في موقف دفاعي. قولي لها إنك بتحبيها وعايزة تفهمي وتدعميها، مش بهدف المواجهة بقد ما هو بهدف الفهم. الدعم المعنوي : أنتِ وأختك اكيد ليكم دور كبير في دعم بعض وفي دعم البيت بشكل عام. ممكن تتكلمي مع أختك وتنوحي منكوا تقربوا لبعض في الفترة دي. الاستشارة : لو الموضوع تقيل عليكي جدًا لدرجة مش قادرة تتحمليه، فكرى إنك تلجأي لاستشارة نفسية. متخصص ممكن يساعدك تفهمي مشاعرك وتصرفاتك بشكل أفضل. الفصل بين الأمور : حاولي تفصلي بين حبك واحترامك لأمك كشخص، وبين الأفعال اللي هي بتعماها. ممكن تكون بتعمل حاجات مؤلمة وغلط في نظرك، بس دي مش بالضرورة تعني إنها مش بتحبك ومش حريصة علي مصلحتك. في الآخر، مهما كان، أمك هتفضل أمك، والموضوع محتاج للحكمة والهدوء. افتكري إنك مش وحيدة، وإن فيه ناس حوالكي بيحبوكي وعايزين مصلحة الجميع. خدي شوية وقت لنفسك، وكوني رحيمة بنفسك وبأمك وبكل اللي حواليكي. يا رب يهدي الأمور ويصلح الحال.
تم النشر الأربعاء، ١٧ يوليو ٢٠٢٤
واجيبها انت واختك بهدوء
تم النشر الأربعاء، ١٧ يوليو ٢٠٢٤
وقعي بينها وبين الشخص ده علشان تعرف قد اي هو حقير وهي مينفعش الي بتعمله وزواجها انت واختك مره واحده علشان الموضوع ميوسعش لو انت مقولتش ممكن اي حد يكتشف وهتخسري سمعتك لان سمعة حد من البيت بتعم ع كلو فانقذي الموضوع كفايه وانت كبرتي واتفاهمي معاها بهدوء وانكم محتاجينها وخايفين عليها وخلوه في نظرها وحش
تم النشر الأربعاء، ١٧ يوليو ٢٠٢٤
الخيانة قد تكون مؤلمة للغاية. ابحثي عن أصدقاء أو مستشارين يمكنهم دعمك خلال هذه الفترة
تم النشر الأربعاء، ١٧ يوليو ٢٠٢٤
لعرض السؤال في فدني اضغط هنا