انا في ثانويه ونفسي اسافر واخد سكن في القاهره بعيد عن اهلي لاني تعبت نفسيا منهم رغم اني لسا تانيه ثانوي بس قررت اخد خطوه الاستخاره صليت واستريحت جدا بس هما رافضين الفكره نهائي عارف ان الموضوع لسا بدري عليه بس صبري بدا يقل
(ملحوظه انا عايشه في بيت عيله لما اقصد اهلي بتكلم عن اهلي كلهم الي هما اعمامي وعماتي وابويا وامي)
ومين قالك ان مفيش مشاكل ف المحافظة الجديدة اللي انتي هتروحي ليها؟ ف اي مكان فيه مشاكل وتحديات، ومفيش بيت مفهوش مشاكل! لكن انتي برضه لازم تعذريهم، لانك لسه بنوته وصغيره، ولسه اكيد معندكيش الخبرة اللي تؤهلك انك تاخدي سكن وتعيشي بعيد عنهم. خصوصا ان مفيش ضرورة لذلك.
تم النشر السبت، ٣٠ سبتمبر ٢٠٢٣
يمكن تشوفى الميزه بتاعت انك هترتاحى من المشاكل المتكرره مع الاهل ...بس انك تروحى مجتمع جديد عليكى ولوحدك وانتى فى الثانويه هو اولا مش دى احسن ظروف للبنت ومفيش ضرورة لده كمان هتنشغلى بكل الاختلافات اللى ما بين بلدك والقاهرة ومش شرط ترتاحى ليها وكمان هتواجهك مشاكل اخرى اكيد معغ شخصيات اخرى ومتعرفيش هل تملكى استعداد للتعامل معاها ام لا لا انصحك بالخطوة دى ابدا فى الوقت ده
تم النشر الجمعة، ٢٩ سبتمبر ٢٠٢٣
مرشحش لحضرتِك قرار زي ده أبداً، لإن مهما كان انتِ بنوتةة وفِي ناس كتير مِش كويسةة خوفاً عليكِ من إنك تتأذِي، واللي بيأذوكي من أهلِك تجنبيهم وكبري دماغِك غالبا مش هيتغيروا عشان متتعبِيش بجد ربّ يصلحلِك الحال ويحفظِك.
تم النشر الجمعة، ٢٩ سبتمبر ٢٠٢٣
قرار السكن البعيد في الوقت ده صدقني مش مريح ولا الحلم الوردي خالص اللي انتي متخيلة. هتلاقي مطالب منك تذاكري و تساعدي نفسك في الاكل و اللبس و الغسيل و حاجات والديتك شيلها عنك بسبب انك ب تذاكري هتلاقي بدل الضغط بقوا اتنين ضغط مذاكرة و ضغط سكن محتاج حد يهتم بيه و ضغط اهلك لو حصل ربع التقصير اللي بيحصل في بيت العيله. ف انتي سيبك من الكلام و خدي الموضوع ب شكل ابسط رايحي دماغك جدا من حوار كلام الناس . و ربنا يوفقك ف اللي جاي أن شاء الله 💪
تم النشر السبت، ٣٠ سبتمبر ٢٠٢٣
لعرض السؤال في فدني اضغط هنا