ايه سبب الاحساس الدايم بالوحده والحزن بالرغم من ان حواليك كتير وازاي نقدر نتخطي الموضوع ده وليه دايما في بكاء بشكل سريع ومس بنقدر نتحكم في الموضوع ده ، ودايما في قلق وخوف من المستقبل واحساس التعب وانعدام الشغف
السلام عليكم لو على الاسباب الاسباب هتختلف من شخص للتاني. انت حاسس بالوحده. حاسس بها من امتى حاسس بها على طول ولا بعد ما كنت قريب من الناس وبعدين بعدت عنهم حاسس بالوحده الموضوع يختلف طالما في بكاء بشكل سريعي يبقى في حاجات جوه كتير جدا مكتومه وما طلعتش حاجات محتاجه اعبر عنها واقول قد ايه انا متضايق ومحتاج اقول انا متضايق للاشخاص اللي ضايقوني من الاشخاص اللي زعلوني فدي حاجه مهمه جدا ودي حاجه الشعر كل شخص بيكون محتاجها حتى لو ده مش هيصلح علاقات او حتى ده مش هيغير في النتائج من حاجه بس هو بيبقى محتاج يعمل ده انا محتاج اقول لك انك اذيتني او وجعتني او ضايقتيني وبس حتى لو اللي قدامي مش هيهتم او مش هيعمل حاجه دي حاجه ضروريه جدا. القلق والخوف من المستقبل بقى ده برضو معتمد على هو الحاضر بتاعك عامل ازاي انت بتعمل ايه النهارده فقلقك من المستقبل يعني؟
تم النشر الثلاثاء، ٢٥ يونيو ٢٠٢٤
السلام عليكم ورحمه الله اهلا و سهلا الاحساس بالوحده ليه اسباب كثيره، ف لازم تكوني عارفه سبب احساسك، هل مبتعرفيش تكوني صداقات ؟ هل مررتي بتجارب قاسيه؟ هل دا نتيجه عن تراكم إنفعالات ؟ ✴️ف الاجابه متوقفه علي اللي حصلك ، و لكن فيه بعض الأساليب اللي هتساعدك زي 1️⃣ تفريغ كل الكلام و الانفعالات اللي جواكي علي ورقه و بعد كدا تقطيعها او تحرقيها. 2️⃣ تتعلمي مهارات التواصل الفعال لتكوين صداقات جديده ممتعه. 3️⃣ تتعلمي من تجاربك السابقه في الحياه 4️⃣ تنميه مهارات الثقه بالنفس و الوعي بحقوقك و المطالبه بيها بطريقه مناسبه. ✴️✴️ أما بالنسبه للمستقبل فهو بيد الله ، ركزي في الحاضر و استخدمي مهاره التأمل. اسأل الله لكي العافيه . تحياتي🌹🌹
تم النشر الأحد، ٢٣ يونيو ٢٠٢٤
يا حبيبة قلبي، واضح انك بتمرّي بفترة صعبة وأحاسيس ثقيلة عليكي. خليني أحاول أحطلك شوية نصايح ممكن تساعدك تتغلبي على المشاعر دي. التعبير عن مشاعرك : أحياناً الواحد مش بيكون قادر يعبر عن مشاعره للناس حواليه. جرّبي تكتبي مشاعرك في دفتر أو تتكلمي مع صاحبة مخلصة. العناية بالنفس : اتأكدي إنك بتهتمي بنفسك كويس، سواء بدنياً أو نفسياً. الأكل الصحي، الرياضة، والنوم الكافي بيفرقوا كتير. العلاقات الاجتماعية : ركزي على العلاقات اللي بتحسسك بالأمان والحب. مش لازم يكونوا كتير، المهم يبقوا ناس بتقدّرك فعلاً. الهوايات : حاولي تلاقي حاجة بتحبي تعمليها وقت فراغك. حاجة تديك إحساس بالإنجاز وتبسطك. التعامل مع القلق والخوف : حاولي تمارسي تمارين التنفس العميق أو التأمل. في تطبيقات كتير زي Headspace ممكن تساعدك تتعاملي مع القلق. البكاء مش عيب : البكاء هو طريقة الجسم لتفريغ المشاعر. لما تبكي، مش لازم تلومي نفسك، بالعكس، ده ممكن يساعدك ترتاحي. البحث عن مساعدة محترفة : ممكن تفكري في اللجوء لمعالج نفسي. ده مش عيب، بالعكس، ده دليل إنك قوية وعايزة تتحسني. فكري فيها ونفذيها على قد ما تقدري. واحنا دايماً هنا ندعمك.
تم النشر السبت، ٢٢ يونيو ٢٠٢٤
لعرض السؤال في فدني اضغط هنا