بقالى فتره مش باكل زى طبيعتى وخسيت جامد لما اجى اكل بطنى تتقطع ده ممكن من النفسيه ولا سببه اى وحاسه انى تايهة لو حد جه يكلم مش بكون مركزة مش عارفة هو بيقول اى وبنسى كتير اوى حتى لو لسه قايله الحاجة وقاعده عطول مسهمة ومفيش طاقة ولا شغف لأى حاجة وبقيت ببعد عن كل إلى حواليا عاوزة افضل لوحدى
غالبا دي اعرض اكتئاب يريت متستلمش اتكلمي مع اي حد
تم النشر الاثنين، ٨ يوليو ٢٠٢٤
السلام عليكم. طيب هو اللي هيحدد اذا كان الموضوع نفسي ولا لا انت قبل اي حد ثاني يعني لو في مؤخرا من موقف او حاجه زعلتك جامد او اديتك مشاعر سيئه يعني ولسه الحاجه دي انت ما تخططيهاش كده او لسه معلقه معاكي يعني فالموضوع نفسي لكن لو مفيش حاجه نفسيه اتاكدي من انك محصنه نفسك بالفروض والعبادات الاساسيه اليوميه كويس لانه لما بنبعد عن الروتين اديني الروحاني لان ده بيشحن لنا طاقه نفسيه روحانيه يعني احنا بنكون غافلين عنها كثير فلو بعدنا عن ده طبعا ده بيخلينا حاسين بالتراب عام مش مفهوم ايه سببه بيكون هو ده السبب ممكن تشوفي لو معدتك معدتك ممكن تتاكدي ان مفيش مثلا مشاكل سابق قولون او ما فيش لا قدر الله جرثومه معده فده بيحتاج طبعا كشف وتحاليل علشان تتاكدي متاكدين ان ال من الحاجات العضويه لو لقيتيني مفيش حاجه عضويه اعملي تاكيد على العبادات والروحانيات. والفروض الدينيه الاساسيه اللي بتاكد انك عايشه مستقره نفسيا.
تم النشر الجمعة، ٥ يوليو ٢٠٢٤
فى البداية كده.ممكن تكونى مريتى بفترة أو مواقف صعبه شويه ودى أثرت عليكى نفسيا وجسديا حاولى تخرجى من المرحلة دى علشان ممكن الموضوع يزيد معاكى وتدخلى فى حالة اكتئاب شديدة اكتبى اللى جواكى واللى مريتى بيه ووقتها هتعرفى ايه اللى وصلك الحاله دى . الكتابه مهمه جدا هتساعدك تشوفى الأمور بشكل اوضح. حاولى تغير من روتين يومك . فكرى فى الحاجات اللى بتحبى تعمليها وبتكونى سعيده بيها وارجعيلها تانى ايه الهدف اللى نفسك تحققيه أو ايه الحاجه اللى نفسك توصلى ليها وتحاولى تعملى خطة لتحقيقها الإرادة اهم حاجه علشان تقدرى تخرجى من الحاله دى حاولى متكونيش لوحدك وانضمى لتجمعات عائلية هيكون افضل ليكى كتير لو ليكى صديقه مقربه أو لايف كوتش تقدرى تتكلمى دايما معاهم وتشاركيهم افكارك وتذكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر الأربعاء، ٣ يوليو ٢٠٢٤
اهلاً، حبيبتي. اولًا، انا عاوزه اقولك ان اللي بتمري بيه مش سهل خالص وضروري تأخدي بالك من نفسك. الأعراض اللي بتوصفيها ممكن تكون مرتبطة بالحالة النفسية. لما الإنسان يكون تحت ضغط نفسي كبير أو بيشعر بالاكتئاب، دا ممكن يأثر على الشهية للطعام والطاقة والتركيز. الشعور بالتوهان والنسيان وعدم الرغبة في التفاعل مع الآخرين هي علامات ممكن تكون مرتبطة بالاكتئاب أو التوتر المستمر. في كذا حاجة ممكن تعمليها: التحدث مع حد مقرب : جربي تتكلمي مع حد تثقي فيه، ممكن تلاقي الدعم والمساندة اللي تحتاجيها. زيارة طبيب نفسي : أحياناً المساعدة المهنية بتكون ضرورية جداً. الطبيب ممكن يساعدك تحددي السبب الحقيقي للأعراض ويقدم لك العلاج المناسب. رعاية نفسك : حاولي تخصصي وقت لرعاية نفسك بالأشياء اللي بتحبيها، حتى لو صغيرة. القراءة، المشي، أو حتى الاسترخاء في البيت. النوم : تأكدي من إنك بتنامي كويس لأن النوم مهم جداً للصحة النفسية. التغذية : حتى لو مش قادرة تأكلي كتير، حاولي تاكلي وجبات صغيرة بس تكون مغذية. لو في أي حاجة محتاجة تتكلمي عنها أكتر أو محتاجة نصايح إضافية، انا هنا دايماً عشان أساعدك. بس رجاءً، لو حاسة إن الوضع بيزيد عليك، ما تتردديش في طلب المساعدة من مختص. فاهمة وقلبي معاكي. 💖 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢ يوليو ٢٠٢٤
لعرض السؤال في فدني اضغط هنا