هل تُشفى ندبات العائلة؟ كيف أتجاوز إرغام عائلتي لي على خطبة لا أريدها وعدم شعورهم بي؟

Question

السلام عليكم ورحمة الله وبركاته، انا كنت مخطوبه قبل كده وانا في تالته ثانوي كنت صغيره للاسف مكنتش ليا قرار افتكر ساعتها اني مقولتش موافقه لقيت اهلي مبسوطين واتفقوا وعملوا عزومة كنت حاسه اني متخدره أقسم بالله وعملنا فاتحه انا كنت بعيط في الفاتحه حرفيا وبنت عمي مالك والناس يبصولي وقتها بس الي فقت، لا الموضوع بجد الشخص انا مكنتش متقبلاه خالص وهما ده كويس ده محترم ده شغال وبتاع انتي مش هتتجوزي بكره ،بس أقسم بالله فعلا مكنتش بطيقه حرفيا مكنش هو الشخص الي اتمناه زوج مكنش بيصلي الأذان يأذن ينزلوا عندي يصلوا وهو لاء كنت بتخنق ، ماما كانت تقولي قومي صلي اصلي وارجع تاني وهو قاعد كان بيضحك كتير اوي بصوت عالي جدا الي هو انت في بيت ناس عيب بجد، المهم فضلنا لحد تانيه جامعه انا فعلا نفسيتي كانت خلاص كنت بنام عياط وأصحى كذلك لما كان يجي كنت اعمل نفسي نايمه تعبت حرفيا اخدت قرار انا مش عاوزاه كفاية ظلم للطرفين بسبب الأهل عملت له بلوك قلت لماما اخر قرار وزعقت، بابا قالي متكسفينيش قدام الناس ، صبرت برضو لاء مش عارفه، لما لقيوا خلاص وافقوا ابعتوا الشبكه جه لنا الحاجه راحت قعد يعيط لماما انا بحبها وكذا بس قالت له هي مش راضيه وكل شي نصيب امي بقا انتي بتتبطري انتي وانتي كنت صاحبه ماما جدا ان حاليا للاسف بقيت نفسيا ادمرت مش قادره أنسى لما اتصل عليها في مر ه بعد حوالي 7 شهور طول الفتره دي كنت في نكد بسبب إنه بيتصل برضوا عشان نرجع ب7 شهور الحمد الله خطب واحده جارتهم احسبها علي خير والله هي صحبتي كويسه جدا والله ، المهم كان بيكلم امي انا والله في الشغل هو شغله بعيد ومامته راحت وطلبتها وانا مسافر وبتاع للاسف سمعتها بتقوله دي احلي من بنتي والله وقموره قالها مش بالشكل يا عمتي حاولي معاها تاني قالت له يا بني هي احلي من بنتي انا سمعتها بتقول كده أقسم بالله قلبي اتكسر حرفيا ،نفسيا انا اهو آخر سنه في الجامعه نفسيا ادمرت نفسي ارجع زي الاول كان نفسي اهلي يحسوا ساعتها وينهوا الموضوع ويقفوا جمبي ،بقيت غصب عني بتعصب ع ماما مخنوقة جدا والله العظيم، بقيت لوحدي مش عاوزه اكلم حد ،بيتقدملي ناس بس انا فعلا عاوزه واحد صالح يعيني لطريق ربنا بس بجد مش عاوزه حد بيشرب سجاير لانها جهر بالمعصية عاوزه حد تقي بجد مش اعيد الغلط تاني انا كنت صغيره هما بقى ف الي هو انتي بتحلمي انتي عاوزه نبي ارضي وهكذا ،هل انا غلطانه اعمل اي بجد اسفه ع الاطاله

Accepted Answer

يا أختي جزاك الله خير على النية السليمة مريتي بظروف صعبة وشفتي المر وعشتي الظلم والظلمة بس أمرك فيه سعة وسهل بإذن الله الحدث : الإجبار على الزواج بشخص مكروه المشكلة : •الشعور بالتهميش والتقيد بسبب عدم أخذ رأيك •عدم تطابق شخصية الرجل مع مواصفات المرغوب (تقي ، يصلي ، يستحي ويحترم ويغضض من صوت الضحك ، لا يدخن) الشعور •شعور بالظلم والإجبار •خيبة أمل كره الواقع •غضب على الأهل •كره للرجل وعدم تقبله الأفكار (متوقعة من عندي) انا مظلومة ومحكوم علي بالحزن انا مش هعيش زي زمايلي اهلي مش بيفهموني ومحدش في الدنيا ساندني مش هقدر أستمتع بحياتي أنا مكتئبة اتخنقت من الراجل السلوك بكاء زعيق ورفض التظاهر بالنوم طلب الإستشارة في برنامج فدني نيجي لل الحل أولا وقبل كل حاجة لازم تستعيدي نفسك اللي اتفرمت حرفيا لفترات طويلة من الضغط العصبي وأكيد ده أنهكتي جسديا وتأثرت جميع جوانب حياتك من علاقات وغيرها ... فأسألك بالله ان ترفقي بنفسك الإنسانة المكسور جناحها وأخرجي من كل الضغوط دي وده مش هييجي فجأة بل بخطوات بسيطة ويومية ومهمة •نوم كافي •هوايات •رياضة •ضروري جدا الفضفضة بالكتابة (مذكرات الهاتف أو هنا عالبرنامج ) •١٠ دقائق تأمل وتنفس وغيرها من إللي يعجبك استمري عليهم كل يوم وهتلاحظي ان حمل الجبل بيهون ثانيا تقبل الواقع وتقبل النفس ودي أصعب خطوة بالإضافة إلى •أعيدي النظر في الراجل قيميه بعقلانية أكثر فأكيد انتي دلوقتي أنضج مما كنتي في الثانوي أقعدي في لحظة صفاء راجعي المشهد من أوله لآخره وخذي قرار نهائي وإن شاء الله اهلك مش هيجبروكي •متسمعيش للأمور العاطفية زي هتكسفينا قدام الناس... لما ترفضي آنسة أحسن مما ترجعي مطلقة •فكري ان لما تكوني معاه في بيت واحد ٢٤ ساعة أكل وشرب ونوم الحياة هتكون ازاي •اكتبي قائمة طويلة بكل شروطك في الحياة اليومية للزواج وهو كمان يكتب ويعاهد على هذه الشروط وافتكري ان الدين اساس كل حاجة في حياتنا والصلاة خط أحمر وإن اذا صلح القلب صلح سائر الجسد وإذا فسد القلب فسد سائر الجسد (في ما معنى الحديث) • هوني على نفسك وتوكلي على الله ولعله خير أخيرا ربنا يفرجها عليكي مدام نيتك للخير وييسر دنياك واخرتك استعوضي الأجر وقولي الحمدلله واهتمي بنفسك وربنا يجبر بخاطرك نقطة أخيرة تعليق على كلام والدتك ان البنت احلى منك يمكن امك بتهاود الراجل عشان تبعده عنك أو يمكن البنت التانية احلى منك فعلا قيمتك انسانيتك مش وجهك دي أسوأ خاتمة لجواب في البرنامج🤣🤣

Answer

بصي. اختاري كويس. طول ما انت مش مرتاحه للشخص ما توافقيش عليه. كل اللي نفسك فيه اتشرطي واختاريه. حته ان احنا يعني مش عايزين نتجوز غير بني ادم كويس بيصلي ومحافظ على الصلاه وبيخاف من ربنا. وعنده اخلاق ومحترم في افعاله. ايوه يعني ما ينفعش برده يتكلم بصوت عالي ده مش اسلوب مش اسلوب صح يعني لا لازم يكون برده محترم كده في نفسه مش عشان هو راجل يبقى جريء وبجح لا معلش. اصبري على كلامهم وما تستعجليش. وما تحطيش في دماغك فكره السن ولا حاجه. واهم حاجه ان الشخص ده اللي انت هتتجوزيه ده تكوني انت مرتاحه له وهو مرتاح لك عشان تعرف عشان ينشا بينكم حب بعد كده. وتكون الحياه بينكم مستقره. يكون شخص صديق ليكي قبل ما يكون زوج. اللي هو انا لو حصلت بيني وبينه مشكله اروح اكلمه واقول له طب نحلها سوا ومش عارفه ايه مش هروح اشتكي غيره. ما لكيش دعوه بكلامهم. كلنا والله بنتعرض لنفس النقاشات بسبب ان احنا بنرفض. واهلنا بيفضلوا يقولوا ان احنا بنتبطر وان احنا شايفين نفسنا. بس الحقيقه ان احنا عايزين نعيش حياه فيها موده ورحمه. وفيها سعاده اي نعم هيبقى فيها شقاء. بس على الاقل ان انا اكون شاريه الشخص اللي معايا وما اقدرش ابيعه واكون مرتاحه في العيشه معاه. دي اهم حاجه في الجواز يعني اصبري خير ان شاء الله.

Answer

وعليكم السلام ورحمة الله وبركاته، أشعر بألمك الشديد ومعاناتك نتيجة للضغط العائلي والقرارات التي تم اتخاذها دون رغبتك. من المهم أن نعرف أن ما مررت به هو تجربة صعبة للغاية، ونلاحظ أن التأثيرات النفسية لتلك التجربة لا تزال تؤثر عليك حتى الآن. أولاً، ينبغي عليك احترام مشاعرك، فهي تعبر عن تجارب مؤلمة. من الطبيعي أن تشعري بالحزن، الخسارة، والغضب بسبب ما حدث. هناك عدة خطوات يمكنك اتخاذها لمساعدتك على التعافي: التعبير عن المشاعر: حاولي كتابة ما تشعرين به في يومياتك، فهذا يمكن أن يساعدك على تفريغ مشاعرك. يمكنك أيضاً التحدث مع صديقة مقربة تثقين بها. البحث عن دعم نفسي: إذا كنت تجدين صعوبة في التعامل مع مشاعرك، قد يكون من الجيد التفكير في استشارة مختص نفسي. يمكنهم مساعدتك في تنظيم مشاعرك والتعامل معها بطريقة صحية. التركيز على الذات: حاولي إعطاء نفسك الوقت للشفاء. مارسي أنشطة تجلب لك السعادة كالقراءة، الدراسة، أو ممارسة هواياتك. التركيز على تطوير نفسك يعزز ثقتك بنفسك ويخفف من الأذى النفسي. تأكيد القيم: حاولي أن تحيطي نفسك بأشخاص يشبهونك في القيم والمبادئ. لا تترددي في تحديد ما تريدينه في شريك حياتك، مما يظهر قوتك وإرادتك في تحقيق السعادة. الصبر: تذكري أن الفرص ستأتي في وقتها، ولا داعي للاندفاع في اتخاذ قرارات قد تؤذيك مرة أخرى. أنت تستحقين السعادة والهدوء النفسي، وعلينا جميعاً أن نفهم أنه من الممكن الشفاء من الجروح العاطفية. تقدمي بخطوات صغيرة نحو التعافي، محور حياتك يجب أن يكون في يدك. أسأل الله أن ييسر لك الخير، وأن يرزقك زوجًا صالحًا يتوافق مع قيمك وأهدافك. إذا كنت بحاجة إلى المزيد من الدعم، فلا تترددي في طلب المساعدة.

هل تُشفى ندبات العائلة؟ كيف أتجاوز إرغام عائلتي لي على خطبة لا أريدها وعدم شعورهم بي؟

نفسية

اجتماعية

أهل

سؤال من احد أعضاء فدني

تم النشر الاثنين، ٦ يناير ٢٠٢٥

3 إجابة

5 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك