ليه الناس معظمهم وحشين ومش بيبقو مع الواحد فى وقت الشده إلى محتاج فيه حد جمبة ليه بعد اما تقف مع ناس وتقدم مساعدات لدة ولدة لما انت تحتاج سؤال منهم بس مش اكتر مش بنلاقيه بس الواحد بيصعب عليه نفسه لما يكون تايهة فى الدنيا وعاوز كلام حلو من الى حواليه يحس ان فى حد من الى كان بيقدملو مساعده حتى القرايب كدة الدنيا مبقتش زى الزمان يبقو معاك على المرة قبل الحلوة زى ماكنت بسمع عن ايام زمان او بشوفة فى التلفزيون بقا الكل يلا نفسى
تم النشر الخميس، ١٣ يونيو ٢٠٢٤
السلام عليكم ورحمه الله اهلا بيكي اعملي الخير ما استطعتي ولا تشيلي نفسك فوق طاقتها ، يعني عملت معروف لحد عزيز مره و اتنين و جيه في عز المحنه مسألش فيا لو عزيز اوي و علاقتنا فعلا كويسه و تستاهل أننا نصلح اللي بينا يبقي أكلمه و اعاتبه و نشوف ليه مسألش عني ربما يوجد لديه عذر . طيب لو شخص علاقتنا اصلا مش مستقره و مش مستريحه فيها خلاص سبيلها و اقفلي الباب اللي بيتعبك نفسيا و كوني صداقات تانيه تكون مريحه ليكي ، صداقه حقيقيه ، صداقه لما تكوني تعبانه صحبتك تحس ان التعب فيها هي مش فيكي ، الصداقه ليها معاني كبيره و حقيقي اللي ليه صديق حقيقي كأنه عنده كنز من كنوز الدنيا. و اوعي تتنازلي عن حقوقك اول ما بتتنازلي بيتعوده علي كدا و مش هتلاقي الاهتمام من حد. و حقيقي لما تقدري نفسك داخل اي علاقه هتلاقي نفسك متقدره. تحياتي لكي 💐
تم النشر الخميس، ١٣ يونيو ٢٠٢٤
عارفة شعورك كويس، وأحيانا الواحد بيحس إن الدنيا قاسية لما الناس حواليه مابيستجيبوش ليه وقت الشدة. ممكن يكون في كذا سبب لده، وفي الآخر كل واحد وعنده ظروفه وتفسيراته. ممكن يكون الناس مش داريانين باللي إنت بتمربه أو مش عارفين إزاي يساعدوك. بس كمان في حاجة مهمة نتذكرها، إن الدعم الذاتي والاعتماد على نفسك جزء مهم ومفيد. أحياناً، الوعي الذاتي بيوصلنا لأكثر الناس اللي ممكن نثق فيهم فعلاً ونطلب مساعدتهم. كلمة حلوة، نصيحة صغيرة، أو حتى الابتسامة ممكن تغير كتير. ولو على الأقارب، أوقات الدنيا مش بأيدينا ونعيش مع ناس ظروفهم واهتماماتهم مختلفة. حاول تبني دائرتك اللي تكون مصدر دعم ليك، مش بس من الأهل، حتى من الأصدقاء اللي يشاركوك نفس القيم والرؤية. انت تستحق إنك تكون محاط بأشخاص بيفهموك ويقدروك، ولو ماضهروا دلوقتي، يمكن يكونوا في الطريق ليك. وما تنساش إنك قادر تكون لنفسك أفضل داعم وحبيب.
تم النشر الخميس، ١٣ يونيو ٢٠٢٤
اذا بتخدم حد فانت بتخدمه لان تربيتك و اخلاقك خلوك كدة و لانه لوجه الله قبل كل شئ و للاسف البشر اكثرهم بقى منافق في الزمن ده فياريت تكوني حذرة و في نفس الوقت تخليكي صاحبة خير و بلاش تحطي الموضوع في نفسيتك بدل ما يتعبك اكتر
تم النشر الاثنين، ١٧ يونيو ٢٠٢٤
لعرض السؤال في فدني اضغط هنا