انا عندي مشكله اني عمري ما كنت fav person لحد عمر ماحسيت ان انا في حد. فارق معاه وجودي او لأ حتي كان في شخص خسرت تشانه ناس كتيرر عشان نفضل مع بعض ومع ذلك هو حالا مش معايا ولا بيفرق انه يشوفني او لأ
ولما دخلت الكليه قلت هعمل صحاب وكده بس برضو مافيش حد مقرب مني مع اني بحاول امون كويس علي قد مااقدر والله انا مش وحش انا نفسي فحد يكون بيفهمومشاعري وبيحبني لشخصي انا بس الناس دايما محسساني اني مش شبههم او اني مش كفايه انا بعرف احب واهتم والله بس مش لاقي حد. بجد وانا مش عندي حتي ولاد عمام او قرايب قريبين مني
انت محتاج تحب نفسك وتحس فعلا انك مكتمل بذاتك، فاهمة احساسك وفاهمة أنك محتاج تحس بالتقرب لحد وأنه فارق مع حد. بس أفرض الحد ده مش موجود دلوقت؟ أفرض ممكن يتأخر ف أنه يكون موجود في حياتك؟ أفرض أنه مجاش اصلا! هتعمل ايه؟ احساسك اتجاه نفسك عامل ازاي؟ هل حاسس انك مش مكتفي بذاتك؟ في جملة انت قولتها .. انت خسرت ناس كتير علشان شخص وأنه يفضل معاك؟ هل كان يستحق اصلا أنه يفضل معاك؟ يعني ليه بتتودد للناس الغلط؟ هو مبقاش موجود، مع أنك ضحيت وتغاضيت وممكن تكون الشخص اللي بيسامح على حاجات كتير علشان الناس تفضل في حياته .. مع أن في الاساس الناس ديه هي اللي المفروض تمشي من حياته، ويتعلم يختار نفسه .. لأنها هي الاهم، ولأنها هي اللي المفروض تحس بالحب.
تم النشر الأحد، ٢٩ يناير ٢٠٢٣
شعورك تجاه نفسك ممكن تغيرة، اعتقد لازم تبدي بنفسك وتتعلم شلون تحب نفسك وتشوف الاشياء الحلوة اللي عندك وتتقبل الاشياء اللي موراضي عنها او تحاول تغيرها، ثاني شي جيب ورقة وقلم واكتب كلشي ايجابي عندك صفاتك اللي تفتخر بيها وتأكد بينك وبين حالك انك اضافة جميلة لحياة اي شخص كان، فالخطا مو عندك يمكن لسة مامروا ناس بحياتك يستحقون يكونو معك، دائما تذكر انك مميز واذا مافضلك احد انت فضل نفسك .
تم النشر الأحد، ٢٩ يناير ٢٠٢٣
الصحاب القريبين مش ضروري يكونوا معاك من طفولتك زي ناس كتير او يكونوا معاك من الجامعه وتشوف جدعنتهم معاك ..اوقات بتلاقي صحاب كويسين جدا صدفه ف موقف صعب اتعرضت له او تعب او محنه ومش هتتوقع ان دول يكونوا جنبك وف ظهرك ف موقف لانك مثلا لسه عارفه قريب ف اتعامل مع الناس بود دايما وبحب ومتنتظرش مردود من حد ابدا هتلاقيهم كلهم جنبك ف وقت متتوقعهوش
تم النشر الأحد، ٢٩ يناير ٢٠٢٣
دور ع الصحبة الصالحة صحبة المسجد وحلقات القرآن.. والله دول كنز اذا ربنا رزقك بيهم يبقي يا سعدك ان غبت سألوا عنك وتفقدوك وان كنت مريض او مكروب ما بينسوك في دعوات السحر، بياخدوا بإيدك لو وقعت او حصلك فتور في العبادات، بيحبوك لله وفي الله فقط دايما ماليين عليك يومك وحياتك حتي في الجنة هيسألوا ربنا عنك ويشفعوا ليك ربنا يحبك ويحبب فيك خلقه ويمن عليك بالصحبة الصالحة اللي تاخد بإيدك للجنة
تم النشر الأربعاء، ١ فبراير ٢٠٢٣
يوم ما تكون انت لنفسك الشخص الاهم وتكون مقدرها صح وقتها هتلاقى الشخص اللى هيقدرك بجد هو اللى بيقرب منك من غير ما تحس. مش محتاج تستنى من حد حاجة زى كده ....وبعدين فى شخصيات اجتماعية بتكون طبيعتها كده ...هى اللى تنتشر وتكون مصاحبه الكل . انت اللى تبدأ وتفلتر الناس اللى حواليك مين ينفع يقرب ومين لا ...ده هيرسم شخصيتك قدام الناس بشكل افضل....لان اللى بيبان للناس انه بيدخل مع اى جروب واى حد كده مش بياخدوا عنه انطباع كويس.
تم النشر الاثنين، ٣٠ يناير ٢٠٢٣
حاسك بتتكلم عنى والله 🙂 خلاص تعالى نبقى صحاب بقى 😂❤️
تم النشر الأحد، ٢٩ يناير ٢٠٢٣
ومن يتقي الله يجعل له مخرجا
تم النشر الاثنين، ٣٠ يناير ٢٠٢٣
ما يمكن ربنا مخبيلك شخص عمرك ما كنت تتخيل تلاقي زيه بس الصبر والدعاء والله يرزقك الصحبة الصالحة اللي تاخد بإيدك للجنة
تم النشر الأحد، ٢٩ يناير ٢٠٢٣
لعرض السؤال في فدني اضغط هنا