انا عندي تلات اطفال بنتين وولد الولد هو اصغرهم بس دايما بيعاملني انا واخواته بطريقه وحشه وبقي بيشتم وبيزعق فينا وكاننا شغالين عنده وكل ده عشان مابرضاش انزله الشارع عشان خايفه عليه من العيال اللي في الشارع. عشان هو مكنش كده لما ماكنش بينزل الشارع كان كويس وحنين عليا انا واخواته بس دلوقتي الوضع اختلف ده وصل لدرجه انه بقي بيضربني انا امه ولما اجي اقول لابوه معندش حل غير انه يضربه ويشتمه او انه بيطنش ويقعد يقولي انا مابقعدش في البيت ( عشان شغله بعيد) ومعرفش انتي بتربيهم ازاي و يقعد يذل فيا وكل مااشتكي لحماتي على اللي ابنها بيعمله في البيت تقولي هو ماكنش كده قبل الجواز معرفش انتي عملتي في ايه عشان يبقي عصبي كده علي ولاده
واهل جوزي من يوم ما ابني جه على الدنيا وهما مش طايقينوا وبيعاملوا العيال بعنصريه كل ده عشان عمامه شغالين برا وابوه هو شغال هنا في مصر
بيعاملوا وحش من ناحية الضرب والتهزيق والمعايره
وكل ده بقي بيأثر عليه وبقي عدواني لدرجه انه بقي بيت_بول على نفسه من الخوف فيدوني والنبي عشان انا تعبت
السلام عليكم ورحمه الله وبركاته طيب بما ان الولد هو الاصغر. في الاغلب ومن غير ما تاخذي بالك انت دلعتي وتعاملتي معه بنفس مثلا اللين او الرقه بتاعت طريقه تربيه البنات والاولاد ممكن يكون في المراحل الاولانيه من تربيتهم وهما لسه صغيرين عادي الموضوع ما بياثرش لكن اول ما بيبدا يكون ليه بقى صحاب وينزل يلعب مع اولاد ثانيين بتبدا تتكون عنده الشخصيه اللي هي محتاجه شكل اخر من التربيه و مساله انه والده بيعمل ايه واهل واهل والده بيعملوا ايه خلينا نقول انه هو دي حاجات مؤثره ولكن ما تقفيش عند الحاجات دي انه هي اللي عملت الولد ده كله هي الحاجات دي فيها مواقف هتحتاجي بقى انك تتكلمي معاه تشوفي ايه اللي بيضايقه وتعلميه ازاي يقف قدام الموقف ازاي لما حد من اعمامه مثلا يقول له كلام يضايقه ازاي هو يقدر يتصرف في الموقف ده وانت اللي هتشوفي ايه الانسب هل الانسب بالنسبه لكم ان هو يجي ويقول لك اللي حصل او ان هو يقول لوالده ولا هو يقدر ان هو يرد يرد عليهم شكل لطيف طيب لما يكون زعلان فعلا ومتضايق يعمل ايه يعيط ولا هتقولي له لا ما تعيطش كان بيعبر ازاي عن الموقف اللي ضايقه ضروري انت تعلميه يعمل ده ازاي علشان الحاجات اللي ما تقدرش تاثر عليه وتسبب بعد كده التبول اللا ارادي لان هو بيكون بسبب ده حاجات يعني معمول لها كتمان جوه في وقت النوم بتبقى عايزه تطلع فا هو للاسف بيفقد السيطره على نفسه بالشكل ده.شكل اشد علشان ده ولد ومحتاج ان هو تكون شخصيته مختلفه من شخصيه البنت فواضح انك ده مش عارفه تعمليه. الحاجات اللي انتي اتكلمتي بيها طبعا لها تاثير؟ على الشخصيه وعلى عصبيه الولد في عليه يعني مواقف وحاجات بتضايقه وهو مش عارف يعبر عنها فبيعبر عنها ازاي بان هو يطلعها بالعصبيه دي او بالمواقف والتصرفات السيئه دي تصرفات السيئه دي شافها اا في الولاد اللي هو لعب معاهم في الشارع ولكن ما زال هو عاوز ينزل الشارع ليه عاوز ينزل الشارع بيلاقي مساحه يظهر فيها نفسه ويعبر فيها عن نفسه بطريقه الشارع فطبعا لما بيطلع البيت بيعبر بنفس الطريقه الطريقه دي ما بتنفعش الموضوع محتاج
تم النشر الأربعاء، ٢١ أغسطس ٢٠٢٤
يا أم يعقوب، أنا آسفة جدًا أنك تمرين بكل ده. واضح إنك في موقف صعب جدًا. أول حاجة، لازم تحاولي تتكلمي مع ابنك بلطف وبدون ضغط. مهم توفري له مساحة عشان يعبر عن مشاعره، وخصوصًا لو هو عنده حاجات بيتعرض لها في برة. ثاني حاجة، حاولي تفهمي سبب تصرفاته. يمكن يكون عنده ضغوط من المدرسة أو من الصحاب. كمان، مهم إنك تتحدثي مع زوجك بوضوح. قولي له إن الضرب مش حل وأنه لازم يتعاون معك عشان يساعد ابنكم. كمان ممكن تقترحي عليكم تشوفوا استشاري نفسي يساعدكم في التعامل مع الوضع. لازم كمان تفكري في حماية ابنك من العنف اللي بيشوفه في العائلة. ممكن تشوفي حتة دروس في التعامل مع المشاعر أو حتى نشاطات ترفيهية تخليه يخرج طاقته بشكل إيجابي. في النهاية، ركزي على نفسك وعلى صحتك النفسية. لو حسيت إنك مضغوطه، حاولي تلقي دعم من أصدقاء أو عائلة أو حتى استشاري. تذكري إنك مش لوحدك.
تم النشر الأربعاء، ٢١ أغسطس ٢٠٢٤
اولا جوزك انتي بتقولي أهله بيعملوا وحش علشان مش زي اخواته مع شغل والبيت وكل ده بيأثر عليه سلبيا فلما تيجي تقوليله على حاجه وتلاقي مسألش عادي لانه عايز يكبر دماغه ويرتاح متجيش انتي تضغطي عليه زياده العمليه مش ناقصه حولي تخففي عليه الضغوط النفسية أما ابنك دي هتلاقي المشكله عندك انتي مش عنده لكل فعل رد فعل بمعني أنه لمه بيلاقي اسلوبك معاه ناشف ومش جي على هواه وبيحس أنه بتجبري علشان ميقعدش اقولك على حاجه حولي تتعملي بذكاء معاه وتتعملي بطريقه عكسيه مش اسلوبك ده لازم تغيري لازم يكون عندك طولت بال وصبر لما تتعملي معاه ابنك خلي الاختيار بايده هو بمعني هو عايز تلعب فى شارع يا حبيبي هي ساعه واحده واختار انتي هتنزل تلعب امتي 🤔 خلي هو يقرر ولما احتاجك تجيلي لما يلاقي كلامك بيترمي عليه هو يقرر مش هيقولك لا على حاجه لمه تقدري هيقدرك المشكله في اسلوبكم معاه 👌
تم النشر الخميس، ٢٢ أغسطس ٢٠٢٤
بصي هيا الحبسه ف البيت وحشه وبتخلي الشخص عدواني برضه.. ف انا شايفه انك تخرجيه هو وأخواته كل أسبوع مره وتوديه لقرايبه وحِيَل زي دي يعني انما بلاش الحبسه ف البيت بتعمل مشاكل نفسيه شويه
تم النشر الأربعاء، ٢١ أغسطس ٢٠٢٤
هل يجلس فترات طويلة على الهاتف خاصة متابعة المقاطع القصيرة؟ تحدثي معه عن عاقبة الكذب واسمعي معه مقاطع مناسبة لعمره وكذلك الأمر بالنسبة لأخذ أي شيء بدون استئذان. الخلاصة أن وصاحبيه وأن تصبري عليه، وادعي له الله أن يشرح صدره.
تم النشر الخميس، ٢٢ أغسطس ٢٠٢٤
وديه مكان يفرغ طاقته فيه زي نادي ...يعني افضل شيء لما تمنعي عن شيء اوجدي البديل ليه
تم النشر الأربعاء، ٢١ أغسطس ٢٠٢٤
الولد ليس مريضًا، لكن سيكون من الأفضل أن تخبرينا عن عمره حتى نتمكن من تقديم المساعدة بصورة أقرب للدقة. وطالما أن طلب المساعدة من والدة زوجك لا تجدي نفعًا لا توجهي لها كلامًا يخص أسرتكم لاحقًا. بصراحة لا تغضبي مني أشعر أن المنظومة الأسرية كلها بحاجة لإعادة ترتيب وثمة أمور بعيدًا عن سلوك الولد بحاجة لضبط. يسرني تقديم النصح إذا أردت ذلك، الله المستعان.
تم النشر الأربعاء، ٢١ أغسطس ٢٠٢٤
حضرتك ده ولد ومينفعش تحبسيه أحيانًا الاباء بيتصرفوا من وجهه نظرهم هما وبيعملو الي شايفيه وراميين رأي أبناءهم ولا اكن ليهم راي او عاوزين حاجه ع الاقل قدامه منعتيه من حاجه يبقي مقابلها حاجه تبسطه وتفرحه اه قرارك مش غلط بس لازم تعوضيه عن الحاجه الي بيحبها زي انك تخرجيه او تجيبيلو حاجه بيحبها
تم النشر الأربعاء، ٢١ أغسطس ٢٠٢٤
هو عندو تسع سنين ورابعه ابتدائي ومشكلته انو مشتت دايماً ومبيركزش يعنى هو بيروح الدرس عايز يخلص بسرعه علشان يطلع يلعب ابوه سلبى جدا ومش بيشارك فى مسؤلياته ولما بيشارك بيشارك بطريقه غلط بيلجأ للكدب كتير جدا أحياناً لما بيطلب منى فلوس ومش بوافق بياخدهم من ورايه وعندو روح اندفاعيه يعنى ممكن حد من تحت البيت يركب معاه الموتسيكل ولما حد بيطلب منه يجى معاه فى حته بيروح بدون ما يستأذن
تم النشر الأربعاء، ٢١ أغسطس ٢٠٢٤
لعرض السؤال في فدني اضغط هنا