انا
اعراضي الخوف من المجتمع وتعب دايما في بطني وصدري وضيق تنفس ولو حصلت مشكله معايا انا وشخص بيجيلي وجع ف بطني ونبضات قلبي بتكون سريعه وناشفنا ريق ورعشه ف ايديا ولما بخرج للشارع بحس اني هموت والموضوع ده يشتغل معاي وحاجه تقولي روح البيت بسرعه
من زمان كل م بطلع الشارع او اروح مكان مول او مسجد وضيق تنفس وصداع وبحس اني هموت ووسواس موت ودوخه ونبضات قلبي سريعه وسواس اني لازم امشي بسرعه ارجع للبيت وكشفت كتير جهاز هضهمي وعملت منظار قالي التهاب ف المعده ومفيش فايده وتعب ف جسمي كله وبحس ب تقل ف صدري نحيت القلب وعامل ايكو ورسم ومفيش حاجه ولو حصلت مشكله او خبر وفاة مش بقدر اتمالك نفسي بتجيلي الحاله دي وبحس ان ف عالم اخر ومش بقدر اتحكم ف نفسي والله العظيم الموضوع ده تاعبني ع الاخر ومش قادر اشوف حياتي ولا شغل ولا جواز ولا اي حاجه عاوز اعرف ده ايه واكشف ايه تاني
وبعتذر ع الاطاله
انت عندك خوف شديد من الموت فى اكتر من احتمال للاسباب دى كانوا بيخوفوك كتير وانت صغير من الخطف او يقولولك هدبحك لو عملت كذا . اتفرجت على افلام القاتلين المتسلسلين كتير قرأت وسمعت اخبار كتير عن القتل . اسباب زى دى كفيله انها تخليك عايش مرعوب ...الرعب هو الاحاسيس اللى بتجيلك دى زة ما اشارت لها احدى الاعضاء ( نوبة هلع ) الموضوع نفسى وانت محتاج تتعامل مع طبيب يسمع منك الاسباب ويحلها معاك.
تم النشر الثلاثاء، ٣ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة احساس مؤلم جدا ربنا يعافيك ويصرف عنك الاعراض اللي حضرتك بتذكرها دي أعراض (Panic attack) نوبه هلع وعلاجها بسيط جدا لو عرفت وتعاملت مع السبب دا عباره عن صوت جسمك ليك انه ينبهك انه قلقان بمعني ان نوبة الهلع دي عرض من أعراض القلق اول حاجة تساعدك تنظيم نفسك ومحاولة الاسترخاء ولابد من استشارة أخصائي نفسي لمناقشة أسباب القلق وكيفيه التعامل معاها
تم النشر الثلاثاء، ٣ أكتوبر ٢٠٢٣
لازم دكتور نفساني عشان يحلل الموضوع ويوصل للمشكله ويعالجها وكمان اتكلم مع حد بتثق فيه واشرحله المشكله
تم النشر الأربعاء، ٤ أكتوبر ٢٠٢٣
حلك الوحيد هو القرب من ربنا عز وجل والثقه التامه فيه وكل إلى بيحصل دا هيعدى بأمر من الله كلم ربنا كده كل يوم قبل متنام اطلب منه الشفا قبل متخرج من البيت قول بسم الله توكلت ع الله انت توكلت ع ربنا يعنى مفيش حاجه هترجعك صدقنى ممكن تكون كل المشاكل دى بعد عن الله دا العلاج من الناحيه الدينيه الدعاء الدعاء الدعاء ابدأ اقراء كتب تتنمى شخصيتك كل يوم ولو ٥ صفحات فى كتب كتير للشفاء هتلاقى منصه هنداوى فيها كتب كتير مجانا ومصرح بها قانونا ..القراءه ممكن تكون مش حببها بس اقسم بالله انا كنت من الناس إلى بكسل عن القراءه بس الكتب بتغير حياتك بالمعنى الحرفى وبتمنى عقلك وثقتك بنفسك واخر نصيحه دعاء منقول عن الرسول صلى الله عليه وسلم كان ينصح بيه السيده فاطمه كل يوم ٣ مرات من قلبك-ياحى ياقيوم برحمتك استغيث أصلح لى شأنى كله ولا تكلنى إلى نفسى طرفه عين - بتقول لربنا يارب صلح حالى كله من كل ناحيه وبتسلم امرك لى إلا وربنا هيجبر بخاطرك ومش هيردك واتمنى لك الشفاء عاجلا بأمر الله غير اجلا استعن بالله..🤍🤍
تم النشر الثلاثاء، ٣ أكتوبر ٢٠٢٣
السلام عليكم اولا كلنا بيحصلنا كده بالظبط الخوف من الموت وانك من الزعل تتاثر من كل شئ ربنا خلقنا درجات في ناس عندها قدره انها تواجه مشكله بقوه وفي حد ربنا خلقه عندو احساس وبيتاثر من كل حاجه هي بس درجات وسبب القوه والضعف هما الاهل وخوفك ده نتيجه بسبب اهلك ولكن عايزين نحل المشكله دي نعمل ايه اول حاجه محتاج تصلي وتقرب من ربنا واحده بواحده مش لازم توصل زي الشيوخ بس علي اقل صلي واحده بواحده وربنا هيعينك اسمع شيخ بتحبه واسمع دروس ان كلنا هنموت وقول لنفسك ان ايه يعني ان اموت كده او كده كلنا هنموت مش النهارده بكره بس وانا بعمل الا عليا حاول تسمع نفسك ان كلنا محدش عايش هنا الدنيا دي مش بتاعتا مكانا الجنه واقراء قران عشان هو هيطمن قلبك وقبل ما تنام القران حقيقي معجزه وهو علاج للخوف والقلق وكل حاجه فعايز تحل المشكله اقراء قران واسمع كتير وبلاش اغاني وخالي حد يشرحلك الايه الا بتسمعها وبلاش تخاف علي نفسك زياده احيانا الخوف علي النفس بشكل اوفر بيخرب الدنيا الا بيحصل في معدتك بسبب التهاب المعده والشعب المصري كله عنده التهاب معده بسبب الاكل الا بره والمسكنات هونها علي نفسك خد العلاج صح وخد كونترلوك اقراص قبل الفطار والغداء بنص ساعه ومتاكلش اكل متسبك وحاول تهدي نفسك وابعد عن المسكنات طيب حسيت الموضوع لسه صعب يبقا محتاج تروح لدكتور نفسي وهيديك ادويه استرخاء شويه والامر عادي وكلنا من ضغوط الحياه بيحصل معانا اكتر من كده وربنا يشفيك وحاول تبقا عامل حسابك ان كلنا كده كده مودعين الدنيا وبراحه علي نفسك عشان التعب النفسي بياثر وبياخد من الصحه جداا والف سلامه علي حضرتك
تم النشر الأربعاء، ٤ أكتوبر ٢٠٢٣
ربنا يوفقك و تتجوز بنت الحلال أن شاء الله و بصراحة أنا ما اعرف شو حالتك هادي بس حاسة فيك و الله انا بيحصلي شي مالها صراحة يعني انا بتوتر كتير لمن اجلس مع اي حدا و ما بعرف اتكلم و كلامي قليل كتير و ما بحب اجلس مع حدا بحب اجلس لوحدي بس و بحب الليل مشان هو هادي كتير و بجلس لحالي و ما بحب اطلع من البيت ممكن ابقى اكتر من 9 اسابيع بالبيت ما بحب اطلع من البيت انا ما اعرف حالتك هادي صراحة بس ربنا يعافيك أن شاء الله يا رب و يفك هم كل واحد🙂🙂
تم النشر الأربعاء، ٤ أكتوبر ٢٠٢٣
ربنا يخليكي يارب
تم النشر الأربعاء، ٤ أكتوبر ٢٠٢٣
ده تخصص نفسي .. لازم تروحي لمعالج نفسي وهو اللي هيحدد اذا كان يحولك ل طبيب نفسي ولا لا علشان اذا لزم الامر تاخدي ادوية مع العلاج الكلامي.
تم النشر الثلاثاء، ٣ أكتوبر ٢٠٢٣
لعرض السؤال في فدني اضغط هنا