في واحده معايا في الشغل لازقه فيا بطرقه تخنق وانا اجتماعيه اوي ومش بحب اركز مع حد واحد اساسا ولا بحب اعرف اخبار حد ولا حد يعرف اخباري بحب اتعامل مع الكل هي لا لو بتكلم مع حد في موضوع عايزه اتكلم معاها بس وانا مش عايزه اكسفها بس بقت بدرجه تخنق عايزه اقولها تهدي شويه او تتديني مساحتي بس من غير مااكسفها وفيها عيب جسييييم انا كنت خرجت معاها مره وحطت حاجتها من حاجتي وحسبت من فلوسي الاتنين مع بعض وجابت حجات اغلي مني اصل وبعدها بفتره قالتي سلفيني مبلغ بس انا بحوش لنفسي ومش عايزه اسلفها ومره كنت لابسه حاجه صحبتي جبتهالي وليها ذكري جميله معايا خدتها. بقولها ترجعها تقولي خلاص اخدتها ومش احنا صحاب يعني حاجتك حاجتي انا مش بحب اخد حاجه مو حد ولا حد ياخد حاجه من حاجتي خصوصا لو ليها ذكري عندي ومن ساعتها وانا مش طايقها بجد لازقه بشكل وفي بقا حاجه مخلايني محطش حدود في يوم كنت مضايقه من حد في الشغل وحكيت معاها ومش واثقه فييها لو حطيت حدود هي طفوليه اوي اتوقع منها انها تقول السر ده عادي
للأسف يا عزيزتي، كلاكما على خطأ، هي تتجاوز مساحتك الشخصية وأنت تسمحين لها بذلك، وهي تظن أنك موافقة ومرحبة. لذلك كوني صريحة وتكلمي بأسلوب لائق، يا فلانة لا أستطيع إعطاءك المال لأنني بحاجته. لا أستطيع إعطاءك هذا الشيء لأنه هدية. وعندما تقول لك (حاجتك هي حاجتي) أخبريها أنك غير مقتنعة بهذا المبدأ وأن هذا يسبب لك ضغطًا كبيرًا. إذا وجدتِ أن المواجهة صعبة جربي إرسال رسالة واختميها بمودة أن معنى كلامك خير وأنك تقدرين صداقتكما ولذلك قررت مصارحتها وأنه لولا تقديرك لها كنت ابتعدت عنها دون توضيح مسبق.
تم النشر الجمعة، ٢٦ يوليو ٢٠٢٤
انا بقول انك تصارحيها وتقوليلها انك متضايقة من بعض تصرفاتها وانو لكل شخص حدود ومساحة شخصية لازم ما يتعداها احكي معها بهدوء وقوليلها شو الاشياء الي مضايقتك فيها وان شاء الله بتتفهم واذا انتي لهدرجة مش مرتاحة معها وهي ما عدلت من سلوكها بلشي ابعدي شوي شوي، ان شاء الله أكون فدتك🌝💗
تم النشر الجمعة، ٢٦ يوليو ٢٠٢٤
السلام عليكم ورحمه الله يا رب تكوني بخير انتي هنا محتاجه تتكلمي عن أي تجاوز في حقوقك يحصل، و أفكارك زي انا كدا بحرجها ، انا كدا هكون وحشه، دي ممكن تزعل ، انا كدا هكسر بخاطرها كل الكلام دا اللي بيعطلك انك تاخدي حقك. انتي من حقك تقولي لا ، تقولي ليها لا مش هحاسب انا مأكلتش زيك، تقولي لا انا مبسلفش حد و تقوليها و انتي بصه في عينيها و صوتك واضحك علشان تنقلي ليها الرساله مضبوط و هي تبدأ تعرف انك مش هتسمحي ليها أنها تتعدي حدودها، و البلوزه اطلبيها منها و قولي ليها لا انا عاوزاها و رجعيها لاما متزعليش من اللي هعمله. و علشان انتي مش واخده علي مواجهه الشخص اللي امامك ف هنا هنحتاج انك انك تتخيلي الموقف الاول ، يعني تتخيلي ردك و طريقتك في الرد عليها و بعدين تنفذي اللي كنتي بتتخيليه في الرد بس علي الواقع مع الوقت هتلاقي نفسك بتردي اول باول و مبتسمحيش لحد أن يتعدي حدوده و هترتاحي كتييير . جربي و هتلاقي نتائج مذهله
تم النشر الجمعة، ٢٦ يوليو ٢٠٢٤
حاولي بعد كده اي موقف يضايقك منها تقولي فساعتها و بكل ثقة و توضحيلها ال مش عاجبك ،، و لو قالتلك انتي اتغيرتي او فكرت تقلب الترابيزة كلميها براحة و قوليلها انك اه بتحبيها و بتحبي وجودها بس في كذا و كذا مبحبوش فمتعملهوش ،، و لو زعلت راضيها بكلمتين و بعدها مش هتزعل متقلقيش اما بقى لو فضلت مقموصة و بعدت يبقى كده هي ال شخصيتها طفولية و انتي مغلطتيش فحاجة فمتلوميش نفسك و ادعيلها ربنا يهديها
تم النشر الخميس، ٢٥ يوليو ٢٠٢٤
أولاً، عارفة إنه الوضع ده ممكن يكون مرهق جدًا. لما حد يكون هادي أو يحب يتدخل في خصوصياتنا وخصوصًا لو احنا مش مرتاحين معاه، ده بيبقى صعب. ممكن تتعاملي معاها بحكمة وتحاولي توجهي لها رسائل غير مباشرة. مثلاً، ممكن تقولي لها إنك بتحبي تحافظي على مساحتك الشخصية، ومن المهم إن كل واحد ليه مساحته. لو حصل وضغطت عليك بطريقة مزعجة، قولي لها بشكل ودي مثلاً "أحب أكون مع الكل، بس ساعات بحب الهدوء". بالنسبة لموضوع الحاجات، ممكن تحاولي تقولي لها في موقف غير محرج، زي "أنا عندي ذكريات بخصوص الحاجات بتاعتي، وده شيء مهم بالنسبالي"، عشان تعبر عن شعورك بدون ما تحسي إنها لازقة فيك. لكن لو الموضوع زاد عن حده وحسيتي إن وجودها بقى تأثيره سلبي على مزاجك، يبقى محتاجة تتكلمي معاه بوضوح وتحدديلها حدودك. لو كانت شخصيتها طفوليه، فعليكي تستخدمي أسلوب لطيف لكن حاسم. اتمنى كل شيء يتحسن إن شاء الله!
تم النشر الخميس، ٢٥ يوليو ٢٠٢٤
المفروض اللي يكون عنده البجاحه دي متتكسفيش تحرجيه بالعكس بس تشوفيها تقرب منك بالشكل دا ابعدي انتي حتي لو هتنحرج... تيجي مثلا تستلف منك حاجه قوليلها مش بسلف حد حاجتي ولو اتحرجت عادي هي مش مراعيه مشاعرك ليه انتي تراعيها.؟
تم النشر الجمعة، ٢٦ يوليو ٢٠٢٤
لعرض السؤال في فدني اضغط هنا