ماذا أفعل مع صديقتي التي آذيتها بتصرفاتي معها وكيف أجعلها تسامح؟

Question

ممكن حد يساعدني ضروري انا كان في واحده صاحبتي معايا بقالها سنين في مره واحده قلت اعمل حساب فيك واكلمها منه واعرف هي بتحبني ولا لا فكنت بعرف منه هي عايزه اي واجبهولها من الحساب الأساسي بتاعي هو انا اسمي ملك والحساب كان اسمو ريتاج ريتاج كانت بتقولها انا صاحبه ملك جداا وبقعد معاها في البيت وهي كانت بتصدق. مر الوقت ومن حساب ريتاج بدأت اتحكم في البنت واقولها اعملي كده ولا متعمليش يعني كنت بقولها مفيش نزول وكنت بقولها تفضلي قاعده على الموبيل ومش هتقومي إلا لما تقولي وكنت بشتم فيها لو قفلت من غير ما تقولي بس البنت كانت بتعيط فكنت بقولها انتي لو قفلتي من غير ما تقولي تاني الموقع هينزل صورك علي التيك توك وكدا فكانت بتعيط وتموت من العياط وكانت تقعد تتاسف كتير كتير اوي بجد انا كنت بزعلها اوي والله كنت بحبها معرفش عملت كدا ازاي عدى الوقت وقولتلها لو عايزه الموقع والأحكام تبعد عنك تبعتي لي100ج ساعتها انا أخدت ال 100ج دي وجبت بيها هديه لشخصيه بلوجر وخليت واحد فان ليها بعتها لها ونزلت حاله وشكرتنا وساعتها فرحت فأنا سمعت ان في شيوخ كتير قالو اظلم براحتك ربنا مش هيسيبك يا اللي كنت بتخوف الناس ولو حد ليه عندك حق وكلام كتير... انا لما بسمعو بعيط بجد فأنا قبل ما اقفل حساب ريتاج دا بعت لصحبتي منه قلت لها سامحينا انا وملك لو زعلناكي قالت مسامحاكم لقيتها تاني يوم عامله اعاده نشر علي التيك توك انها مش بتسامح حد قلت لها انتي بجد مش مسامحه؟ اومال اي اعاده النشر دي قالت مسامحه دا مش عليكو مش لازم يبقا ليكو فأنا قولت تمام وقفلت الحساب..... عدى وقت ودخلت لصحبتي من حسابي الحقيقي قلت لها نرجع البنت رفضت قالت انا حياتي كانت كلها كدب معاكم وكلام كتير فصحبتي دي لسه بتحبني بس انا مش عارفه اعمل اي تاني

Accepted Answer

السلام عليكم، جيد أنكِ معترفة بخطأك في حقها. من كلامك واضح إن عمرك صغير والخطأ كان كبير جدًا وجيد إنك أدركتِ خطأك وندمتِ لكن محتاجة تؤكدي اعتذارك لها وتستغفري ربنا كتير وتحاولي تعوضيها عن الأذى. راعي مشاعرها وتفهمي رفضها لو استمرت في عدم رغبتها للرجوع لصداقتها معك. آسفة لكِ بس هي من حقها ترفض بعد اللي حصل لها ومنقدرش نلوم عليها. مقدرش أقول لك اعترفي لها بكل شيء وإنك اللي كنتِ بتكلميها من الحساب المزيف لأن ده ممكن يؤذيها نفسيًا أكتر. تفهمي رفضها وابعدي عنها وخليها تتعافى. استغفري ربنا دايما وقربي منه وادعيه إنه يرقق قلبها ويخليها تسامح فعلا من قلبها. اعتبريها كانت تجربة صعبة عشان تنضجي أنتِ كمان وتبعدي عن الاستعمال الضار للسوشيال ميديا والفانز والبلوجرز وكل الحاجات اللي بتضيع الوقت. اشتغلي على شخصيتك وحياتك وطوري نفسك وقربي من ربنا أكتر وأكتر. ممكن لما تتغيري وتقدري تكوني شخصية أفضل تعرفي تصالحي صاحبتك وترجعوا أفضل من الأول. الله معك.

Answer

عزيزتي ملك، أولاً، أود أن أقول لك أن ما مررت به قد يكون محرجاً وصعباً، وأنت تعبرين عن مشاعر مختلطة من الندم والقلق بسبب التصرفات السابقة. الأمر المهم الآن هو كيفية التعامل مع الوضع الحالي واستعادة الثقة بينكما إذا كنت ترغبين بذلك. الاعتذار الصادق : من الجيد أنكِ اعتذرتِ من قبل، لكن قد يكون من المفيد أن تكرري اعتذارك وتوضحي لها مدى أسفك وتأثرك بما حدث. كوني صادقة في مشاعركِ، ووضحي لها لماذا تصرفتي بهذه الطريقة، حتى لو كان ذلك بدافع الحب أو الخوف. التواصل المباشر : حاولي التحدث معها بشكل مباشر وخلصي إلى ما يجول في خاطرها. قد تحتاج إلى فرصة لتعبري عن مشاعركِ ولتوضحي لها أنكِ تقدرين صداقتها. احترام مشاعرها : إذا لم تكن مستعدة للمسامحة أو العودة كما كانت الأمور، يجب أن تحترمي ذلك. الصداقة تحتاج إلى وقت وجهد لبنائها مرة أخرى، وقد تحتاجين لإعطائها المساحة اللازمة. التركيز على تحسين نفسك : استخدمي هذا الوقت للتفكر في تصرفاتكِ وكيف يمكنكِ أن تكوني صديقة أفضل. قد يساعدك ذلك على تطوير شخصيتك وثقتك بنفسك. استعدي لقدوم الوقت : قد تتطلب الأمور بعض الوقت لتتحسن، كوني صبورة وثقة أن الأمور ستسير نحو الأفضل بإذن الله. تذكري دائماً أنه ليس هناك عيب في التعلم من الأخطاء، والأهم هو التطور والاعتذار بحرارة ومصداقية. نسأل الله أن يسهل أمورك ويجمعك بصديقتك مرة أخرى في إطار مُحب وداعم.

ماذا أفعل مع صديقتي التي آذيتها بتصرفاتي معها وكيف أجعلها تسامح؟

نفسية

اجتماعية

أصدقاء

سؤال من احد أعضاء فدني

تم النشر الاثنين، ١٦ ديسمبر ٢٠٢٤

2 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك