حاولي تساليها طالما سالتي وهي لسه بتبعد ابعدي لام هي شايفه انك بتحاولي بطرق الطرق ترجعو وهي مش عايزه بلاش تجرحي نفسك
تم النشر الخميس، ٣١ أغسطس ٢٠٢٣
للاسف هتبعدو عن بعض ومحدش هيفتكر التاني الا كل فين وفين ، نفس الكلام مع واحد صاحبي يوميا مع بعض بنتشارك كل حاجه وكل وقت بس الظروف اتغيرت فاتغيرنا ومحدش عارف يلوم التاني ، ومع واحد تاني نفس الكلام بس قدرنا نحافظ ع الود ع قد ما نقدر
تم النشر الثلاثاء، ٢٩ أغسطس ٢٠٢٣
في الحقيقة فيه كذا حاجه هنتكلم فيها ... اول شئ بلاش تبيني حاجه معينه في شخصيتك لحد وتقولي له متعملش كده .. يعني لما انتي بينتي نقطة ضعفك ليها بالشكل ده فيه ناس ممكن تستغل الجزء ده وتضربك فيه. ف بلاش تبني اي نقطة ضعف عندك علشان محدش يستغلها بسوء. تاني شئ .. مينفعش نعلق حياتنا كلها ويبقى فيه حد هو اللي مالك حياتنا ووقتنا بالشكل ده، ده غلط جدا .. مهما كان قربك من الشخص ده. يعني لما تكبري شوية وتتزوجي، مينفعش حتى زوجك يبقى هو واخد كل حياتك ووقتك ... انتي فين حياتك؟ فين وقتك؟ فين انتي! ف فكرة انك تبقى مرتبطة بحد الارتباط الشديد ده بيبقى مش كويس .. وممكن يقلب معاكي بتعلق مرضي .. وده مش معناه اننا منحبش حد او منعرفش حد .. بالعكس كل حاجه تتعمل ولكن بشكل مناسب، خير الامور الوسط. يعني صاحبي واتعرفي ع ناس جديدة وكل حاجه، ولكن ميبقوش هما كل العالم، لان لازم يكون ليكي حياتك وحياتك الخاصة البعيدة عن اي حد. ايه اللي حصل من ناحيتها بالظبط، ديه حاجه اللي ياكدها هو الشخص ذاته، مهما قعدنا نحط احتمالات كتير مش هنوصل للحاجه الاكيدة، ولكن العتاب الكتير ممكن فيه ناس مش بتحبه، الشكوى الكتير ممكن برضه ناس متحبوش، تعلقك بيها الزيادة احتمال ناس متحبوش او تحس ان مثلا لازم يبقى ليها حياتها المنفردة شوية. فيه احتمالات كتير وممكن كمان ميطلعش ولا احتمال من اللي قولتهم. ولكن عايزة اقولك مش مهم اي احتمال .. عارفه المهم ايه؟ انتي - المهم انتي ... محتاجة تفكري ف كلامنا لان مهم ويكاد يكون ده حصل علشان تعرفي الحكمة ايه من ورا ده كله، وتعرفي ان تعلقك الزيادة ده كان غلط. وتعرفي تعملي علاقات ولكن بطريقة صح ... دمتى سالمة
تم النشر الثلاثاء، ٢٩ أغسطس ٢٠٢٣
بصي مفيش حد في الدنيا دي هيفيدك ومتعتبيش نفسك انتي عارفه انك كوايسه حتي لو كلهم وحشين انتي افضل صاحبي الف ومليون كلهم بيروحوا ويجوا مينفعش تزعلي نفسك علي حد ميستاهلش دمعه هي مقدرتكيش عامليها ببرود
تم النشر الاثنين، ٢٨ أغسطس ٢٠٢٣
مَن عُلق بشئ عُذب بقدر تعلقه به بحب المقوله دي جدا من الاول خالص هي مقدرتش عتابك ليها ولا كلامك ليها وكانت بتزود فلغلط ومتنسيش ان هي عارفه ان البعد ده بيجرحك وبتبعدي عنها ومع ذلك عملت حاجه بتدايقك رغم انها عارفه انها بتدايقك وانك واثقه فيها يبقا متستاهلش وانتي جميلة وصفاتك جميلة ونادرا جدا لما تلاقي شخص بيحبك كده لا يا حبيبتي اتعرفي علي ناس جديده وعيشي حياتك طبيعي بس انتي اتعلمتي الدرس واتكلمي بحكمه وحذر مع الناس ومع صحابك الجداد مفيش حد بيبعد عن حد مهما كانت المشاغل كل دي حجج واعذار عشان يبعدو هي ضمنت وجودك مش اكتر عتابك مش هو الي بعدها بلعكس هي بس متستاهلكيش ربنا بعدها عنك عشان هي متستهلش الي انتي بتعمليه عشانها ولما كنتي شوفتي اول مره عاتبتيها فيها عملت ايه واكيد اتوجعتي لكن هي لقت حد بديل فحياتها معوضوها عنك بصي من الاخر متتعلقيش بحد ولا تدي قلبك بحد في ناس لسه كويسه متوقفيش حياتك عليها وعلي ان كل هيمشي بس عاملي بلمثل الي يبعد ابعدي متعاتبيش حد واكيد شوفتي فلاخر قد ايه هي اذتك ودمرت نفسيتك رغم انك حكتيلها عن الي خذلوكي متزعليش نفسك هتحس بقيمتك وهترجعلك بس مترجعيش الي بياذي مره يقدر ياذي مليون مره صدقيني ومتديهاش فرصه
تم النشر الاثنين، ٢٨ أغسطس ٢٠٢٣
اقرا كتاب ( السماح بالرحيل) وممكن تسمع بودكاست عن الكتاب بس صدقني انت مفيش اجابة واحدة ممكن تنفع معاك لانك بتعاني باحساس معين ومحتاج حد يفهمك ويرد علي كل اسئلتك عشان كده بقلك حاول تسمع البودكاست لانؤ انا بساطة في فترة من الفترات كنت بعاني من نفس المشكلة ولما قعدت وفكرت لقيتها ازمة تعلق مش اكتر وكأن كل الحل لمشكلتي ان انا كنت محتاج اواجه صاحبي او اخويا أو إلخ إلخ.... عادي اهم حاجة انك متزعلش ربنا يطبطب علي قلبك يا صديقي الطيب😊🍁
تم النشر الأربعاء، ٣٠ أغسطس ٢٠٢٣
لعرض السؤال في فدني اضغط هنا